بومشعل: خير؟!!!!!!
سامي بحده: عمي!!!!!
ناصر: والله يابومشعل الخصم صاحبي وكان قايل لي عن القضيه.. تبي الصراحه انا اول ماقريت اوراقه قلت انه بيكسبها اكيد الاوراق في صالحه ميه بالميه
بومشعل: وانت قمت تفهم بالقضايا يا بواحمد عشان تقر انها كسبانه
ناصر: خلنا من ذا كله يا بومشعل المهم كسبت من ورا هالقضيه ملايين تسندك بهالدنيا .. وهذا الي مدهشني فيك ذكائك الحاد احسدك عليه.. الاقولي انت فاتحت العيال ولا لاء
خالد: عمي بومشعل تعال اعرفك على خوالي
بومشعل: أي والله ياولدي صار لي ساعه قاعد وماسلمت على الناس
ناصر: خذوني معاكم
سامي بحده: خلك عمي بغيتك
ناصر: بعدين ياولدي خلني اعرف الرجال على الناس واقول لهم هذا الي كسب قضية هزاع بن محمد هو نفسه محامي المرحوم اخوي
سامي وبحده مبالغ فيها: عممممممممممممممممي.. اقولك اقعد
خالد: سامي .. ماهو كذا
سامي: روح انت مع عمي بومشعل عرفه على الناس
ناصر: طيب يابومشعل الظاهر ان ولد اخوي يبيني بموضوع مهم .. عاد سامحني ياخوي مابقدر اجي معاك
خالد: حياك عمي.. وسامحني امسحها بوجهي هو كذا على طول عشان كذا محد يطيقه ولا يطيق وجوده
سامي بحده: عمي ما ابي افقد اعصابي عليك.. اسلوبك مع الرجال ماعجبني.. امر بومشعل يهمني .. وما ابي احد يضايقه ابد.. كلامي ما ابي اعيده .. واضح
ناصر: ايوا ..ايوا .. ادري ياولدي ادري.. فلوسكم كلها عنده .. اقصد ورثة اخوي الله يرحمه كلها بيده... الا على طاري الورثه ياسامي كنت بسالك متى بتوزعون الورثه
~ زعقت بكل قوتي عليه.. ما حسيت بحالي ابد من بعد الي قاله .. الكل التفت علي وعليه .. ما مسكت نفسي من قهري الا وانا ماسكه من ياقته ومقومه على حيله .. نسيت انه عمي .. نسيت انه اخو الغالي.. نسيت كم عمره ومكانته.. زلزلت كياني جملته.. نسيت العزا والناس.. كان الغيظ ماليني من اول ماوصلت المطار .. ابوي يموت وانا بعيد ..صبيت كل غضبي عليه .. رفعت ايدي ابضربه.. مسكني خالد ~
خالد: تعوذ من الشيطان ياخوي
سامي: حقيقه انك ماتستحي ..انت مافي وجهك دم .. الرجال تونا دافنينه ..
خالد: سامي فكه.. ايش صار
~ تعمدت ارفع صوتي حتى الكل بسمع ايش صار ~
سامي:يسال متى الورثه بنوزعها
بومشعل: ناصر زودتها ياخوي.. هذا السنع وانا اخوك؟!!.. تشوف العيال بعقولهم يعني حتى تسالهم هالسوال .. وبعدين انت ايش دخلك فيهم .. هالشي مايعنيك
سالم: فكه ياسامي.. اتركه
فهد: هذا مايستاهل تفقد اعصابك عليه.. الي ما احترم حرمة الميت .. مايستاهل ياخوي
سالم: اسكت انت بعد.. لا تشعللها
واحد من المعزين: ناصر وانا اخوك لمتى وانت كذا يا اخي غير طبعك العيال ماهم قاصرين انت اش دخلك بينهم.. سامي وانا عمك تركه بس الله يهديه ويصلحه
بومشعل: ياولدي تعوذ من الشيطان بس.. الله يلوم الي يلومك.. لاتنسى ابوك وانا عمك
~ نسيت ابوي .. حزني عليك نساني عقلي يابوي ..والله ماكان ودي اتركه.. كان نفسي اضربه .. يمكن اذا ضربته يبدل من نفسه.. من جد ماني قادر اتحمله.. ورثه؟!! يسال عن الورثه!! ..والله انه طير عقلي بجملته .. والله لو اني ادفعها كلها واذبح عمري واجمع قدها واقدمها تضرع لله انه يرجع لي الغالي لو لحظه اودعه فيها .. ماتأخرت.. ياعمي ياخو ابوي يامعدوم الاحساس انت كيف كذا .. كيف انت اخو هالراجال الطيب. تعوذت من ابليس وابتعدت .. وانا دمي يغلي.. يغلي .. لفيت بجسمي برد له بكمل عليه .. لقيت محمد قدامي واقف.. نسيت همي بشوفتك ياخوي ..فتحت ايديني له .. ماصدق اني هنا.. صحيح كان المفروض اوصل باكر.. لما كلمني خالد من يومين وقالي لازم ترجع ابوي تعب كثير.. حسيت انه بيودع .. حسيت ان هالمره بيروح.. ركضت على شركات الطيران وحاولت قد ماقدرت اني الحق عليه.. بعد مالحقت وصلت متأخر يابوي.. متاخر كثير.. حضنت محمد وزاد بكاه .. بكا الحاضرين معاه وانا قبلهم.. حاول خالد يسكته .. قلتله اتركه.. ادري محمد صغير ما بيستحمل انه يخلي الحزن بقلبه.. خوفي عليك يا سما الحزن بقلبك من خمس شهور لامتى بتخبيه.~
داخل البيت
خالد
سالم: اخيرا بيت عمي ناصر اطلعو
فهد: والله ودي اضحك.. منظره وهو بين يد سامي اليوم بفطس من الضحك
سما: ايش صار
سامي: ماصار شي اخوك يبالغ
فيصل: الا صار.. وانا شفتهم ياختي.. عمك صار بين يدين اخوكي مثل الخاروف
~ الكل ابتسم بس محد ضحك.. كسرت سما الحاجز.. وظلت تضحك من قلبها.. وحنا ساكتين .. نناظرها .. خايفين عليها~
سما: بسالكم سوال بس تجاوبوني بصراحه وماحد يخبي الي جواه
سامي: قولي
سما: انتو حاسين بسعاده صح
~ ظلينا نناظر بعض ماحنا فاهمين ايش تقصد~
سما: لا تجلسو تناظرو بعض.. اقصد ابونا مات راح خلاص.. بس حاسين انه موجود بينا صح؟
فيصل: ايوا انا عندي نفس الاحساس.. لما رجعنا من المقبره كنت متاثر كثير.. بس بعدين الاحساس صار عادي .. احس اني بشوفه طالع من غرفته او نازل للصاله او بينادي على حد
فهد: وانا بعد هالاحساس عندي انا ما انكر اني ابتسمت اليوم كثير.. كنت احسه واقف جنبي .. كنت كل شوي بلتفت اكلمه.. والله استغربت من هالشي
محمد: اقولكم وتصدقوني
سامي: خير
محمد: لما وصلت البيت وكنت بالحديقه كنت بموت من الحزن.. خفت اقرب من البيت.. حسيته هو سحبني .. وهمس باذني وقالي نام يبا نام ياحبيبي.. احلف لكم اني ما اكذب
سما: انا مصدقتك
سامي: لا تبالغو لهالدرجه انا ماحسيت بهالشي
خالد: والله انا من شفت شكله وهو ميت وانا مرتاح.. تاثرت صحيح .. بس مرتاح
~ سما ضحكت من جديد.. والمره هذي بدينا نضحك معاها بس سامي مثبت نظراته عليها بغضب ~
سامي: سما وبعدين
سما: شوفو ابوي قبل مايموت قالي على اشياء كثيره.. من الكلام الي قاله "سما انا حتى لو مت انا معكم مستحيل اترككم يابنتي الموت علينا حق وانا تاركم في رعاية الله وحفظه حاولت قد ماقدر ابتعد عن المعاصي والذنوب مانكر انو لي اخطائي والله يسامحني عليها المهم اني اتداركها قبل مانزيد حتى اراعي الله فيكم والحمدلله الله انعم علي بعيال انحسد عليهم حبيبتي صدقيني بتحزنو شويه بس.. وبتلقوني حولكم وبتضحكو وانا معكم وباذن الله امكم معاي ونشوفكم" ها تصدقوني الان؟!!
محمد: بسم الله الرحمن الرحيم , اعوذو بالله من الشيطان الرجيم .. بديت اخاف
~ ضحكنا عليه من قلبنا .. من جد شكله مرتاع ~
محمد: يعني الي سمعته كان صوت ابوي صدق
سما: سبحان الله، هذا رضى الله علينا من بعد ابوي.. علامات حسن الخاتمه كانت باينه عليه الله يرحمه
خالد: أي والله وجهه رحمة الله عليه.. مثل البدر جميل
سالم: شيلته كانت خفيفه بعد
سامي بضيق صدر.. انا رايح ارتاح
سما: لا تستعجل ياخوي على رزقك لو لك نصيب بشوفته كنت شفته هذي كتبت الله عليك وعلينا .. ايش يدريك يمكن نصيك اكبر مننا كلنا
سامي: الله يسمع منك .. انا طالع ارتاح
سما: سامي طلبتك
سامي: تامرين
سما: خلك هنا معنا .. ادري ماراح تنام ياخوي تفكيرك مابيترك لك مجال تنام
سامي: ابي اقعد بروحي شوي
سما: عندك العمر كله اقعد فيه مثل ماتبي .. اليوم لا.. كلنا لازم نكون هنا مع بعض .. لا تتركنا وتجلس لحالك
خالد: يلا بلا دلع تعال بس انثبر واقعد
محمد: أي والله ياخوي خلك معنا لا تروح ما شبعت منك
سامي: عشان محمد بس انا قاعد
سما اجلست تناظره بقهر.. خذت المخده ورمته بها.. اضحكنا عليها
سما: يلا ياشباب انا رايحه انام
فهد: أي والله انا بعد خذيني معاكي ابنام
سالم: خذوني معاكم مابقى لي مكان .. اروح انام احسن
خالد: يعني ايش بنتركهم لحالهم كانهك روميو وجوليت؟!! الاولي يقول انا ماشبعت منك والثاني يرد انا عشانك قاعد .. وانا ايش يقعدني زي العذول خذوني معاكم ياشباب
سامي: اقول انطقو اعقدو لاقوم لكل واحد فيكم .. اشوفكم عرضتوها
فهد: هههههههههه يا اخي اضحك اشفيك مكبرها
سامي: والله ضايق ياخوي
~ سما قامت عنننا وادخلت المطبخ طولت شوي مع الشغالات .. وبعدين رجعت ~
سما: يلا يا شباب
محمد: وين
سما: قومو بس
سالم: ايوا وين
سما: لا حد يسالني .. قومو وبس
~ دخلنا غرفة الطعام وشفنا اصناف الاكل موجدوده على الطاوله .. من الواضح ان سما اعطت اوامرها للشغالات من بدري حتى يجهزو للوليمه هذي.. ناظرنا بعضنا شوي .. وابتسمنا اول من قعد على الطاوله محمد كان من جد جوعان وتبعناه وابتدينا في الاكل.. الاستمتاع باين على الكل .. حتى سامي نسى همه وضيقه شوي.. واجلسنا نسولف ونضحك مع بعض.. ونتذكر بعض الذكريات شوي .. ونتكلم عن المستقبل شوي.. انتهينا من اكلنا ورحنا للصاله وقعدنا كانت الساعه تقارب على 2 صباحا ..سامي كان باين عليه في موضوع شاغله جدا .. وماكان يبي يستعجل ويفتح الموضوع .. بس من الواضح انو سما تقرا افكاره زين
سما: حنا لازم نتفق الان
سالم: حنا متفقين
فهد: صحيح كلام سالم .. تأجيلنا للموضوع ماراح يقدم او يأخر فيه شي.. حنا متفقين من زمان
سامي: بس لازم نختار
فيصل: بس لازم انا افهم انتو عن ايش تتكلمو
محمد: أي والله .. تراني ضعت
سما: اول شي لازم ننتبه انو فيصل ومحمد صغار.. كلامنا لازم يكون واضح بالنسبه لهم
سامي: حنا نتكلم عن الورثه.. يعني الفلوس والعقار والشركه الي تركهم لنا ابوي
فيصل: فهمت
محمد: انتو على ايش اتفقتو؟
سما: اول شي انت وفيصل بتكونون تحت وصايه سامي لحد ماتوصلو للسن القانوني الي يحق لكم استلام فلوسكم والتصرف فيها.. هذي وصية ابوي
سامي: متى قال؟!!
سما: امس
محمد: ماقلتو علي ايش اتفقتو
سامي: ماراح نوزع الورثه بنتركها زي ماهي بناخد كل سنه نسبه من الارباح بنوزعها حسب الشرع ونترك راس المال زي ماهو
سالم: ها ايش قلتو
فيصل: مادري بس انا معاكم
محمد: وانا بعد
سما: هالحال مايعجبني.. لازم تعرفو .. توافقو على شي منتو عارفين ايش هو .. شوفو نبي نسوي جدول لكم انتو الاثنين .. يوم او يومين في الاسبوع بتداومو بالشركه حالكم حال أي موظف بتتعلمو الشغل من الالف الى الياء بكذا بتتعرفو على الشغل شوي شوي وبتفهمو حنا ايش نقصد
فيصل: انا موافق
محمد: والله وناسه .. موافق
سامي: بقا نوثق هالكلام عند عمي بومشعل عشان من الاسبوع الجاي نبتدي الشغل
سما: عرفتو انه في وصيه
فهد: وصيه؟؟؟؟!!!!!!!!
سالم: لا.. ليه الوصيه
سامي: بومشعل معانا اليوم بس ماقال عن الوصيه شي
سما: ابوي قالي عنها امس.. وحرص علي انو الكل يكون موجود.. ولا زم نفهم الي بينقال من عمي بومشعل
فهد: اول مره احس ان ابوي غامض
سما: جاني نفس الاحساس امس وانا قاعده معاه.. كلامه امس غير مره .. احسه الغاز وغموض.. في شي ابوي مخبيه وخايف عليه من انه ينكشف او....... والله مادري كيف اوصف شعوري
~ فجأه.. سمعنا ضرب جرس الباب وقف سالم يفتح وقف معاه فهد وراحو يفتحو الباب .... افتحو الباب ولقو سلتين كبار وصوت طفل رضيع يصيح .. وبس .. تلفتو يمين وشمال كيف وصلت هالسلال هنا؟!! احملو السلال ودخلو داخل .. لما وصلو لنا كانت وعلامات الدهشه باينه للكل الكل فاتح عيونه على الاخر ويتسائل ايش ذا..
فهد: لقيناها عند الباب وما في أي احد جنبها
سامي: كيف وصلت
سالم: علمي علمك ياخوي
~ دنت سما وفتحت سله ولقت بها طفل رضيع باين عليه ماكمل الشهر حملته وهي تسمي عليه وتحاول تهديه طبطبت عليه وسكت الطفل في لحظه.. فتش سامي السله الثانيه لقا بها طفل ثاني بس نايم .. سالم فتش داخل السلال ولقا فيها ملابس رثه جدا للعيال ورضاعه باقي بها شوية حليب.. لقا اوراق كثيره في طيه من الخرق
سامي: هذا عقد زواج
سما: افتحها وشوف من الاب والام .. الحمد لله انه في عقد زواج افتكرت هالاطفال لقطاء
سامي: ايوا الحمدلله .. الاب: جابر منصور الام: اييييييييييييييييييييييييييييييييييييييييييييييييي ييييييييش؟!!
خالد: خير مالك من هي امه؟
فهد: رعبتنا من هي امه
سامي: سما راشد الراشد
سما: سما مين؟!!!!!!!!!!!!!!!!!!!!!!!! تستهبل انت ولا هذا وقت هزار
خالد: لا صدق كلامه صحيح ..الام سما راشد الراشد شوفيه
سما: مومعقول اكيد في شي غلط
فيصل: شوفو تاريخ الميلاد حق امه
خالد: مو مكتوب شي هنا ..
سامي: انتظرو شوي.. هذي شهادة ميلاد
سما: للعيال ولا لسما
سامي: سما!!!!!!!!!!!!!
فهد: ايش مكتوب فيها تاكد من البيانات
سامي: تارخ الميلاد 04/04
سما: مومعقول
سامي: اسم الاب: راشد سالم الراشد اسم الام: مريم احمد الراشد اسمعو هذي بعد.. محل الولاده: في مستشفى الفرحه الطبي
سما:مو معقول ابد مو معقول .. هذي شهادتي
خالد: يعني ايش؟!!
فهد: أي والله يعني ايش.. هذول عيال اختنا يعني ولا تشابه اسماء
سامي: استنو.. رساله
سما: اقراها بسرعه.. نشفت دمي
سامي: بسم الله الرحمن الرحيم , حبيبتي سما لم تعرفي يوما كم احببتك وكم كنت ضائع حتى وجدتك وكم كنت مشتتا حتى اشتريتك.
سما: مين اشترى مين؟
خالد: استنى شوي
سامي: وعدتك كثيرا اني اتغير لم يفلح معي مافعلتي.. ولم تثنيني كل توسلاتك ,كل دموعك.. لم ارحمك يوما .. ولم اشفق على حالتك يوم .. كنت اتعذب وانا اضربك وانا ركلك وانا انعتك باقذر اللفاظ.. لم ارحم جسدك النحيل من العذاب .. لم اهتم يوما لالمك.. كنت خائف ان تتركيني حاولت ان استعبدك حاولت ان اذلك حاولت ان اكسرك امام نفسك ونجحت .. لكنني فشلت ان اجعلك تحبيبني كما احببتك.. احببت عيونكي الزرقاء
سما: ايشششششششششششششششششششش؟!!
خالد: وبعدين معاكي
سما: يقولك عيوني زرقا منين يعرفني ذا
سامي: عيونك ..كلما ناظرت عيونك اذهب لمكان بعيد يذكروني بشي لكني لا اذكره .. عجزت وانا احاول ان اذكره لم استطع.. عشت معك سنين طويله والاحساس نفسه يعيش معي لم يتغير لم يتبدل.. وشعرك الناعم المتموج كان يقتلني يفتنني يجعلني اهيم في دنيا ثانيه ..و جسدك ال.............
فيصل: ها كمل
خالد: ايش يكمل انت بعد.. سامي عندنا صغار
سامي: ادري منتبه لا تخاف ... المهم.. اعرف تمام المعرفه انك لم تنسي ذلك اليوم تذكريه كما لو كان حدث ليلة البارحه حاولتي الفرار كثيرا ولكنك لم تفلحي في ذلك كنت اسبقك , امنعك, ارجعك بالقوه, خوفا مني ان اخسرك كبرتي وكبر كل شي معك جمالك وحلاوتك ونعومتك وجسدك وكبر حلمي معهم في امتلاكك حاولت بكل طرق متاحه ان انالك.. لم افلح .. على الرغم من صغر سنك الا انك كنت قوية كالذئب كنت قادره على الصد بصوره جعلت الكل يهاب الاقتراب منك الا انا لاني احببتك كنت اهيم في عشقك كنت اسهر عند باب غرفتك احرسك لنفسي لانك ملكي .. ملكي لوحدي .. لم ادع احد يفكر ان ايقترب منك سواي .. كنت اعد العدة لك كل ليله حتى انالك ولكني فشلت .. كلما اقتربت منك كلما نظرت في عينيك .. اضعف.. ارجع ذليلا .. اجر اذيال الخيبه التي قتلتني ليالي كثيره .. استطعت اخيرا ان اقنعهم بان اشتريك واواريك عن اعين الناس كلها الا عيني .. كنت سعيدا وانا ارحل معك.. وقتها كنتي لي كلك لي وحدي .. عشنا بعيدا عن الناس ولم انالك ايضا.. اتعبني ذلك كثيرا.. فكرت في حيل كثيره ولكني ايضا فشلت .. كيف افشل وقوتي تهد جبال وتاتي عندك وتتلاشى لماذا.. لم اجد حلا سوا الزواج .. عندها وافقتي .. ليتني عرفت ذلك من زمان ماكنت تأخرت كل ذلك الوقت .. اعذريني حبيبتي بيئتي تختلف عنك كثيرا .. لذلك احببتك عشقتك اموت من فكرت تركك لي .. اردت ان اكسر كل فكره تخطر ببالك تبعدك عني كنت اضربك واضربك واضربك ضنا منى اني ابعد فكرت هروبك مني ولم اعرف اني اقرب الفكره منك اكثر فاكثر .. سما كنت اقرا افكارك كنت اقرا عيونك كنت اقرا تحركاتك .. كنتي كلما حملتي اصرخ في داخلي فرحا واقول خلاص هنا ينتهي عذابك.. ابني في بطنك سيكتب لنا الارتباط ببعض مدا العمر.. اتفاجأ بك تقتليه وتقتلي معه روحي التي اريدها داخلك , كنتي تكتبي ورقت عذابك بيدك بعد قتلك كل طفل من اطفال.. كان يكفيني واحد فقط .. واحد فقط حتى اجعلك تعيشي حياه سعيده.. كنتي عنيده .. فضلت اهلك الذين رموك في احضان العذاب على العيش معي انا.. لماذا؟ .. احببتك بكل جوارحي.. بكل عقلي.. بكل قوتي.. لماذا هربتي وتركتني لماذا؟.. تركتي اولادنا وهربتي ياسما .. تركتي لي ما تمنيت .. ورجعتي لمن تمنيتي .. اين عاطفت الامومه ياسما نسيتيها؟ .. الامومه قتلت داخلك؟ .. لم استطع ان ارى اولادي بلا ام.. جلبتهم لك.. مستحيل ان اقتنع انك لا تريديهم .. اعرف كم انتي ناعمه وعطوفه وتحبي الاطفال هؤلاء اطفالك .. حبيبتي اذا كان هذا يرضيك فانا مستسلم لما اردتي ساكون بعيدا عندكم كمان طلبتي .. اتركيني فقط اراكم من بعيد اتطمن عليكم من بعيد.. اعدك اني لن اتدخل في حياتك من جديد .. اسعدي ياحياتي .. كما اسعدتي لي حياتي.. ملحوظه سميت الاطفال كما تمنيتي " راشد و مريم" اتمنى لك الخير "جابر"
خالد: راشد ومريم .. العيال عيالنا
فهد: كل شي يقول انهم عيالنا
سما: بس انا مو امهم .. هذا قاعد يوصفني بدقه
سامي: مستحيل تكوني انتي .. ومستحيل يكونو عيالنا .. ومستحيل نعرف جابر هذا .. يعني ايش؟
سما: يمكن سماح عايشه وحنا مانعرف
خالد: عايشه؟!!!
فهد: ليه لا.. يمكن
سامي: مستحيل حنا دفناها وسوينا عزا بعد
خالد: انا ما اذكرها تمام .. بس اذكر الحادث
فهد: انا بعد كنت صغير بس اذكر ايش صار
سالم: بس انا اذكر اشياء كثيره .. صح سامي
سما: ايش تذكر.. قول ليه تناظر سامي
سامي: كان فيه اتصالات غريبه تجي لابوي اخر الليل .. مره سمعناها انا وسالم
سالم: امي كانت تبكي بجنون, وابوي كان يترجى المتصل
سما: يترجى ايش يقول
سالم: ما اتذكر بالضبط بس كان يردد انه ماراح يتكلم لاحد وانه هالسر بيظل بينه وبينهم
سامي: بس المهم سلامة البنت
سما: سلامة البنت؟!! أي بنت
سامي: أي بنت .. هذا هو السؤال .. أي بنت كان يقصد
سما: سماح عايشه هذا اكيد .. انا كنت دايم اقول اني حاسه بها عايشه صدقوني.. احس بها مثل ما احس بالشمس تلامس جلدي.. هذي تؤمي .. انا عارفه
سامي: انتي عارفه؟ منين انتي عارفه .. ابوي قال انها ماتت ليه بيكذب يعني .. لازم نتاكد الاول
سما: تبي تتأكد من ايش
سامي: سما حبيبتي لا تستعجلين الامور.. وجود سماح معناته فيه سر كبير لازم ندور عليه ونعرفه.. ونعرف ابونا خبا هاسر طول هالسنين هذي ليه.. في شي اكبر من الاحساس .. في واقع لازم ندور عليه
خالد: لاتنسون الوصيه
سالم: صح لا تستعجلون .. خلونا نشوف الوصيه .. اكيد بنلاقي فيها اجوبه لاسالتنا
فهد: تعرفو ليه في وصيه؟؟؟
خالد: ليه
سما: لانو سماح عايشه.. صح.. ملاحظه حلوه يافهد
فهد: لو سماح ماهي عايشه ماكان له داعي للوصيه
سامي: دامها عايشه ليه مانعرف عنها شي
فيصل: كل مره اسال ابوي عنها مايجاوبني .. تدمع عينه ويناظرني .. وما يتكلم
محمد: هي كيف ماتت
فهد: بالضبط .. اجابة السوال هذا هي تحدد اذا كانت عايشه ولا ميته
فيصل: سامي.. سما.. خالد انتو الكبار ايش تذكرو عنها
سما: كنا نلعب حنا الاربعه في الحديقه.. في هالوقت .. امي كانت تنادينا ندخل.. لانو فهد وهو يلعب طاح على الارض وجلس يبكي من الالم .. وامي تنادي علينا .. يمكن لاشافنا جنبه يهدى .. دخل خالد وسالم وانا كنت رافضه ندخل كانت كلما تنادي كنت اقول ماما كمان شويه وضلينا انا وسامي وسماح مع بعض
سامي: كنا نلعب مع بعض كوره.. وهي مبسوطه مره. ما اعرف كيف طارت الكوره برا السور وراحت سماح واراها تجيبها.. بس.. سمعت صوت سياره توقف بقوه بالشارع رحت اركض عليها شفت واحد قلي "سلامات سلامات البنت بخير بناخذها المستشفى روح قول لاهلك .. قلت له لا انا بروح معاكم.. ابي اشوف ايش صار عليها.. مسكني بقوه من ياقتي ودفني على الارض كسر معاها يدي من قوة الضربه .. صرخ علي روح قول لاهلك الي قتلك" رجعت البيت وامي من خوفها علينا ماعرفت تتكلم.. رحت مسكت التلفون واتصلت علي ابوي وانا اقوله ايش صار.. وصل ابوي بعدها بربع ساعه كان مثل المجنون.. وانا اتلوى من الوجع بيدي.. امي كانت تصرخ علي كيف مالحقت اختك كيف مارحت معاها
فيصل: ليه ماقتلها بالي صار
سامي: ماعطتني فرصه.. كان تفكيرها بسماح وبس .. معاها حق .. ما كنا عارفين البنت وين.. المهم مسكها ابوي حاول يهديها وهو يتكلم معاها جا تلفون ركض عليه وتكلم وبسرعه طلع.. ماعرفنا هو فين.. ليلتها نامو اخواني وانا ظليت صاحي احس انو الذنب ذنبي انا .. امي سمعتني كلام قاسي مره وفي كل مره تشوفني فيها تصرخ بوجهي " انت السبب" ما انساها .. انا بحياتي مانسيت سماح وبحياتي مانسيت اني السبب
فيصل :ويعدين
سما: رجع ابوي البيت متأخر قعدت على صوت صراخ .. لما نزلت شفت امي منهاره على الارض وسامي جالس على عتبت السلم وابوي واقف ضايع .. جلست جنب سامي وسألته ايش صار.. قالي سماح توفت.. حادث السياره اثر فيها وتوفت
اخذت وقت طويل حتى استوعبت انها ماتت .. لما قامت امي من الارض وانتبهت علينا انا وسامي .. احلى كف وصلنا منها .. انتو السبب .. بنتي راحت ..راحت
فهد: سمعتو امي قالت البنت راحت وماقالت ماتت.. صح
سامي: صح
فهد: انت ماشفت سماح وهي بالسياره اساسا الرجال ماسمح لك تشوفها او تروح معاها .. صح
سامي: صح
فهد: عطوني الرساله..الرساله تقول.. "اعرف تمام المعرفه انك لم تنسي ذالك اليوم تذكريه كمان لو كان حدث ليلة البارحه" اكيد هنا يقصد ليلة الحادث.. وهذا مقطع يقول "استطعت اخيرا ان اقنعم بان اشتريك واواريك عن اعين الناس كلها الا عيني" وهذا مقطع يقول " فضلت اهلك الذين رموك في احضان العذاب على العيش معي انا" واخر جزء يقول "ملحوظه سميت الاطفال كما تمنيتي " راشد و مريم" اختنا مختطفه ماهي ميته
سما: يعني سماح عايشه؟!!! ادري كنت حاسه
خالد: كيف بنلاقيها.. وين بنلاقيها ليه ابونا خبا علينا.. ليه الان ندري عنها .. واليوم بالذات؟
سالم: الاسئله كثيره .. ومحتاجه اجوبه اكثر .. عامل الوقت مهم .. اذا البنت عايشه صحيح هي وين.. اذا عيالها وصلو لنا .. هي ليه ماوصلت ..
سما: شوفو تواريخ الميلاد للعيال كم؟
فهد: 14/05/ 0000 ليه تسالي
سما: قبل وفاة امي باسبوع
خالد: هذا معناته انها درت عنهم
سامي: هذا اكيد.. وقت ماطاحت علينا ونقلناها للمستشفى كانت منهاره .. وماعرفنا سبب انهيارها ايش
فهد: ابوي حاول يغطي على كل ذا
سامي: ليه بس .. كان المفروض نعرف ليه كتمو على هالشي .. لو كانت عايشه فعلا
سما: انت شاك لحد الان
سامي: شاك لحد ما اشوفها بعيني
محمد: خلونا نعجل ونشوف الوصيه ايش فيها ..
سالم: جبتها ياخوي
محمد: خلونا نروح الان
فهد: الان!! .. طبعا لا.. الساعه 3:30 الصباح .. انتظرو للصباح يصير خير
محمد: واحنا ايش ينطرنا للصباح .. بيجيك نوم يعني واختك محنا عارفينها حيه ولا ميته
سما: معاك حق .. انا ماراح انتظر.. بتصل بنفسي على عمي بومشعل وبشوف
سامي: انتظري شوي .. الرجال اكيد نايم .. عيب علينا
سما: بيعذرنا اكيد
خالد: انتظرو شوي.. حركاتنا لازم تكون مدروسه
فهد: معاك حق.. لازم تكون مدروسه.. نسيتو انو جابر اكيد حولنا .. بيتابع عياله وسما معاهم .. أي حركه غلط بتثيره.. وبنجيب لنفسنا ولسماح مشاكل الله اعلم بنتايجها
سما: والان ايش بنسوي
خالد: مالنا غير التفكير بالحركه الاولى ايش بتكون
فيصل: قبل لا نتحرك لازم نشوف الوصيه .. فيها الاشيا الكثير اكيد
فهد: هذي الحركه الاولي .. وعليها بنتحدد الحركه الثانيه
سما: انا ابي اطلع الان
سامي: وين انشا الله .. ماتسمعين نقول جابر
سما: اسمع .. العيال محتاجين ثياب وحليب ومراضع وغيارات واشيا كثره
فهد: لازم نتحرك
خالد: انا بروح .. وانتي هنا بتجلسي مع العيال ..سامي ومحمد وفيصل بتكونو هنا مع سما .. انا وسالم بنتحرك ونطلع.. فهد بتابع أي حركه جنب البيت من فوق شوف الي بيمشي ورانا وكلمنا على التلفون
فهد: حلو
خالد: اكتبي الي تبيه ومحتاجه له .. الضروري بس ياسما.. بكره الصبح بنكمل الباقي
سما: ياربي تعالو شوفو
سالم: خير
سما: هذا راشد الي عندي .. شوفو عيونه .. زرق مثلي
سامي: اخذ عيون امه
سالم: البنت نايمه ولا تدري بالي حولها
فيصل: خلها تدري انها بين خوالها .. عارفه انها بأمان
خالد: والنعم بك خال ياخوي .. يلا احنا ماشين
سما: انتظرو .. ايش راح نعمل بكره
خالد: خلينا نشوف الوصيه وبعدين نحدد
سما: ماهو ذا قصدي .. اقصد اهلنا اذا شافو العيال ايش نقول
سالم: هذي مصيبه
فهد: ضروري نكتم عليهم .. اكيد ابونا ماكتم موضوع سماح الا عشان شي كبير.. لا نخرب الي سواه بغفله
سامي: صح
محمد: اقول نتركهم فوق بالطابق الثالث فيه غرفه معزوله محد يدخلها نخليهم هناك ونترك معاهم وحده من الشغالات
فهد: جبتها.. خلونا نوديهم هناك الان..أأمن لهم ولسما معاهم والمكان مناسب جدا للمراقبه
سما: تحتاج لتنظيف قبل.. اصبر شوي .. ماريا .. يا ماريا
ماريا: يس ماما
سما: روحي لفوق بالطابق الثالث .. شوفي الغرفه الكبيره افتحيها نظفيها الان
ماريا: الغرفه الكبيره ماما انا مافي مفتاح
فهد: ايش هالورطه .. طيب فين ابوي يشيل المفاتيح الخاصه فيه
سما: بدرج مكتبه المقفول .. والمفتاح معاه على طول.. الا هي وينها اغراضه
خالد: معاي حطيتها بسيارتي
فهد: قوم جيبها
سامي: ايش الي قفلها كانت مفتوحه على طول.. كانت مخزن فيها اوراق وكتب .. واغراض محد يستخدمها
سما: صحيح ليه ابوي قفلها الان .. محمد روحي انت.. قوم شوفها مقفوله من جد
فهد: لا تفتح الانوار يامحمد
محمد: اركب بظلام يعني؟!! اخاف
فيصل: انا بجي معاك
سما: ياربي شوفوه نام .. مع اني متاكده انه جوعان كثير.. بس غريبه انه نام
سالم: قالك فيصل من شوي .. حاسين بالامان
سما: ياجبيبتي يا سماح سمتهم مريم وراشد مانستنا
سامي: كيف عاشت طول هالسنين كيف .. ايش الي صار لها
سالم: الله يكتب الخير ونلقاها والي ابوي ماقدر عليه لحاله نقدر عليه احنا انشاء الله
محمد: مقفوله ياسما
سما: شوفو خالد ليه تأخر .. واحد بس يوقف عند الباب لا تظهرو برا
فيصل: هذا هو جا
سما: ايش اخرك
خالد: حسيت بحركه برا.. قلت اقف ادخن .. واسوي نفسي متأثر بموت ابوي
سما: يعني ماشفت شي
خالد: الا شفت واذا ماخاب ضني الي شفته هو حابر.. هاكم هذي المفاتيح
سما:هذي المفاتيح أي هو مفتاح المكتب
سامي: هذا الصغير
سما: خالد روح افتح درج المكتب وجيب مفاتيح البيت
خالد: استنو هذا مفتاح المخزن
سما: ابوي شايله معاه؟
فهد: عطوني المفاتيح خلوني اجرب
سما: ماريا تعالي .. روحي مع بابا فهد فوق وخذي اغراضك عشان تنظفي الغرفه وخذي معاك صوفيا وجايا حتى تخلصو بسرعه
ماريا: اوكي ماما
خالد: كتبتي ايش محتاجه
سما: شوف اهم شي الرضاعات جيب من مختلف الاحجام ، والغيارات جيب صغار.. العيال ماكلملو ست شهور , الحليب والاكل الخاص بالرضع, ومحتاجه بطانيات لهم ياخالد تصرف.. وهدوم وسراير ولا بنتركهم في السلال هذي
خالد: سما تراني بروح ماركت فين الاقي هدوم وبطانيات وسراير
سما: يعني شنو ينامو كيف؟!! اخاف يبردو
سامي: لا تعقديها ياسما.. خلينا نقضي اليله على خير .. وبكره نتصرف ونشتري الي تبغيه
فهد: الحقو
سامي: خير
فهد: كلكم تعالو شوفو المخزن
في المخزن بالطابق الثالث
سامي: خل الانوار مقفله يا محمد لا تلمسهم
محمد: ودي اشوف .. ماني مصدق
سما: مو معقول ابد
سالم: نفسي افهم كيف وليه
فيصل: متى صار ذا كله.. وين كنا
خالد: الغرفه مجهزه للعيال بالكامل.. بالكامل شوفو هذا دولاب فيه كل شي ملابس وغيارت .. وهنا اكل بعد.. والسراير جديده بعد الغرفه جديده مره متى صار ذا كله.. صحيح وين كنا
فهد: مابقا شي على صلاة الصبح.. نصلي الصبح ونتصل على عمي بو مشعل ونقوله يجي
خالد: بنسوي حركه بالبيت يافهد
فهد: لا بعد الصلاة من الطبيعي اننا بنتجمع في المجلس ونستعد اننا نفتحه حتى نستقبل المعزين.. بنجهز كل شي ونخلي الشغالات يعملو حركة تنظيف
سالم: كلام مضبوط خلونا ننيم العيال ونتركهم بسرايرهم ونريح هالدقايق.. ونتوكل على الله بعدين
سامي: نغطي النوافذ بالاول.. نبي نفتح النور .. مايصير نعيش العيال بظلام
فهد: اتركها علي انا بتصرف لا تقلق.. محمد فيصل تعالو ساعدوني
سامي: لا تنسى انو لازم يكون مجال للمراقبه يا خوي
فهد: لا توصي حريص .. قلت لك بتصرف
سما: قعدو العيال.. ياربي ساعدوني بسرعه .. احملوهم حاولو تسكتوهم بنزل اعمل الرضعات وانا جايه
سامي: خلينا نحممهم بيهدو
سما: صح بنده لك الشغالات تساعدكم بس عينكم عليهم
سامي: خلك معاها ياخالد
سما: بالبيت بعد
سامي: بالبيت وبغرفتك بعد .. لين نعرف اختنا وين وايش السر ورا اختفائها
في الصالة
خالد: مايرد اكيد نايم
سامي: مو نايم اكيد يصلي
خالد: انتهينا من زمان من الصلاة
فيصل: يمكن قام متأخر
خالد: هههههههه يمكن
محمد: دق عليه مره ثانيه
فيصل: انتظر شوي يمكن صدق يصلي
محمد: وانا ايش ينطرني .. ماني قادر
خالد: استنو شوي خمس دقايق بس
سما: اسمع صوت جوال.. جوال مين الي يرن
سامي: انا .. السلام عليكم
...: ............
سامي: هلا عمي بومشعل .. لا ماشر سلامتك ..والله ابي تعذرني ياعمي متصلين بهالوقت وزاعجينك
...: ............
سامي: الله يسلمك لي ولخواني ياعمي مامنك قصور والله
...: ............
سامي: انا افضل يكون هنا بالبيت عمي.. سامحني بالشي هذا
...: ............
سامي: ماشر عمي .. بس سما البارح داخت علينا وخفت انها تطلع اليوم فقلت..........
...: ............
سامي: الله يسلمك .. ويخليك.. والنعم فيك والله
...: ............
سامي: حياك الله .. انا واخواني ننتظرك.. وسما اولنا.. مع السلامه
خالد: ها ايش قال
سامي: عارف من البدايه اننا بنتصل نسأل عن الوصيه
فهد: معناته عارف عن ابوي كل شي
سما: واكيد عن سماح بعد
سامي: ابوي وثق في صاحبه وماوثق فينا ولا في اخوه؟!!!!
فيصل: امحق اخو .. صلي على النبي بس
خالد: هههههههههههههههههه فيصل عيب الكلام ذا
سما: تقوله عيب وانت تضحك .. ياعمري عليك
فهد: ماريا
ماريا: يس بابا
فهد: خذي الشغالات .. ونظفو المجلس
ماريا: بابا امس احنا سوينا المجلس واجد نظيف
فهد: ادري ابي الان بعد
ماريا: اوكي بابا
سما: ماريا
ماريا: يس ماما
سما: جهزو فطور
ماريا: اوكي ماما
خالد: ومن له نفس ياكل بس
سما: الرجال الي مطلعينه من بيته بهالوقت
سالم: العيال نامو؟
سما: بعد عمري.. بعد ماتحممو ورضعو نامو
سالم: سبحان الله وقت ماكان فيه اكل لهم كانو نايمين ولما درينا انه فيه صحو جياع
محمد: الا مانتبهتو انه راح راشد وجا بداله راشد في اقل من يوم
سما: ماقلت لكم ابونا مصر يكون معانا .. سامي
سامي: عيونه
سما: ابي نكشف على العيال.. ماندري كيف عاشو بهالايام الي راحت.. اذا امهم ماهي معاهم كيف عاشو
سامي: انشا الله ماعليهم شر.. بتصل لواحد من اصدقاي زوجته دكتورة اطفال بخليها تجي تكشف عليهم
سما: كذا كويس
سامي: سالم و فهد وين ماني شايفهم
سما: طلعو فوق يراقبوا المكان
سامي: وفيصل
سما: طلع يشوف الشغالات .. يبين انه يجهز المكان للمغزين
سامي: كل شي جاهز للمعزين صدق
سما: جاهز انشا الله لا تقلق
سامي: انا خايف على اخوانك
سما: من ايش بعيد الشر
سامي: مانامو من امس
سما: مين يقدر ينام بس
فهد: سامي.. عمي بومشعل وصل
سامي: بهالسرعه؟!!.. فهد استقبله وخذه من باب المجلس على غرفة المكتب على طول وخله يوقف السياره بالحديقه الداخليه
فهد: انشاء الله
خالد: كلنا هنا؟
سما: ايوا كلنا.. مين مع العيال ؟!!
خالد: خليت مارتا قلت عندها عيال وبتعرف تتصرف معاهم
سما: زين سويت .. يلا توكلنا على الله
الجزء الثاني
في غرفة مكتب راشد
بومشعل: ياعيال انا معتبركم مثل عيالي .. انا عمكم قبل لاكون صاحب للوالد الله يرحمه ..عشت معاه سنين عمري من ايام الدراسه لحد الان مافرقنا غير الموت معزته وغلاته عندي خلتني اشيل كل اسراره ماهو بس عشان انا المحامي الخاص له .. عشان انا صاحب عمره واخوه .. هو كان سندي بهالدنيا من بعد مافقدت مشعل.. عوضت فيكم ياعيال حبيتكم كلكم مافرقت بين احد فيكم خليتكم في معزت بناتي.. وانتو بعد عوضتوني عن غياب مشعل كثير.. لما صار الي صار مع سماح حسيت ان بنتي راحت مني بكيت عليها وعلى حالها كثير بس ماكان في يدنا شي نقدر نسويه اكثر من الي سويناه انا وابوكم.. ياعيال اختكم عايشه ما ماتت
سامي: كمل ياعمي
بومشعل: ايش اكمل .. شكلكم ماتأثرتو .. انتو عارفين شي؟!!
سامي: محنا عارفين شي .. نبيك تكمل بس
بو مشعل: ماراح اكمل حتى تقولون لي ايش الي تعرفوه عن اختكم
سما: مانعرف شي غير انها عايشه وبس
بو مشعل: كيف عرفتو
سما: ابوي قبل لا يموت بليله قالي انه في وصيه .. تاكدت انه سماح عايشه ولا ماكان له داعي للوصيه لوكانت ميته
بومشعل: انتي ذكيه يابنتي.. فعلا اختك عايشه, امك طول هالسنين وهي تشكل مصدر خوف لنا انا وابوك .. كانت كل مره تنهار وتقول بتبلغ الشرطه وحنا ماكان في يدنا شي غير انا ننفذ الي يبيه الي اختطفوها حتى نظمن حياتها
سامي: 18 سنه ياعمي؟!! ساكتين 18 سنه؟!! البنت معاها الان 28 سنه ..البنت انخطفت من عمرها 9 سنين!!
خالد: نبي نعرف كل شي بالتفصيل من حقنا هالشي
فهد: نعرف الوصيه بالاول
بومشعل: بقول لكم الوصيه ايش فيها وبعدين اقروها براحتكم
سامي: تفضل عمي نسمعك
بومشعل: باختصار الوالد وصى بربع الورثه لسماح تعويض لها عن حياتها
سامي: تستاهل سماح.. وحتى لو ماوصى بكذا حنا من نفسنا بنعوضها بس هي وين
بومشعل: رجال ياولدي.. كلكم قدها وانا عمكم .. بس هي وين هذا الي ما عندي اجابه عليه
فهد: طيب قول لنا ياعمي ايش صار
بومشعل: القصه تبتدي من حادث ولدي مشعل .. اتصلو علي وقالو لي من المستشفى ولدي مشعل متعرض لحادث وضروري احضر المستشفى .. رحت ادور عليه وما لقيته رحت اسأل الموظفين الي لقيتهم عنه.. ماحد درا عنه أي شي .. قلت لهم انو في اتصال جاني من المستشفى يقول ان ابني متعرض لحادث.. دورو في سجلاتهم ومالقو شي.. طلعت وانا مو وصدق وين الولد وين راح ما ادري.. اتصلت على امه وانا اصرخ الولد فين .. قالت ما ادري .. جاها نفس الاتصال يقول لها نفس الكلام .. رجعت البيت وقعدت مع ام مشعل شوي وبعدها عزمت اروح ابلغ الشرطه.. وقفت طالع .. حينها جاني اتصال يقول اني لازم اسلم الامانه الي عندي ولا الولد ماراح اشوفه طول عمري .. حاولت اعرف ايش الامانه الي يقصدونها ماعرفت.. حذروني اني اتصل للشرطه او اني ادخلهم بالموضوع .. وطبعا النتيجه راح تكون اني بخسر مشعل .. اتصلت على ابوكم استنجد به جاني ملهوف وجلسنا نفكر ايش نسوي بس مالقينا حل ماعرفنا ايش هي الامانه الي يقصدونها.. جلست انتظر اتصالهم الثاني بقلة صبر لحد ماجاني الاتصال وكلمني شخص حاولت اعرف ايش يقصد وهم ايش يبون . عرضت عليهم ثروتي كلها مقابل اني ارد مشعل لحضني لكن جوابهم كان الرفض .. عجزت وانا اتوسل لهم حتى يقولون لي ايش هي الامانه الي يقصدونها قالو اذا انت ناسيها اسال صاحبك بو سامي يذكرك بيها.. دقيت على ابوكم .. وجاني وقلت له ايش قالو كنا في حيره حنا الاثنين.. ايش يقصدو ايش الامانه ذي الي عندي وابوكم يعرف عنها .. ما اذكر اني اخذت شي من احد ولا سرقت شي من احد ولا ملكت شي غصب عن راعيه ما اذكر بحياتي اني جنيت او تعديت او ظلمت احد بحياتي ابد ابد.. وبعدين ايش الشي الي انا سويته وابوكم يعرفه .. حنا صحاب من وحنا صغار واسرارنا مع بعض.. حتى لو نسيت اكيد ابوكم بيذكرني .. بس ماني ذاكر شي ولا الامانه الي هم يتكلمو عنها .. جلسنا ايام وحنا على ذي الحاله وكل اتصال يجي احس انه بتطلع روحي معاه لاني عاجز عن اني انقذ ولدي وانفذ الي هم يبونه مني واخلصه من ايدينهم .. طالت الايام وطال معاه انتظاري وخلص صبر الجماعه الي خذت مشعل مني وانا محتار وابوكم معاي ماتركني لحظه.. نار تحرقني جفاني النوم والتهديدات كل يوم تزيد والولد ماني عارف عن حاله شي كنت املك من المال مايسد عين الشمس لكن كل المال الي عندي مانقذ ولدي صحيت الصبح وانا معزم اني اروح ابلغ بس ابوكم كان له راي ثاني قال نتصل في واحد من معارفنا نثق فيه من رجال الشرطه ونكلمه بصوره شخصيه يمكن يساعدنا بشي وافقت على رايه .. وتكلم ابوكم معاه واتفقنا على انو نتقابل هنا ببتكم بعيد عن عيونهم لوهم يراقبوني.. جلسنا مع بعض وتكلمنا مع سلطان مده طويله اخذ مني كل المعلومات الي يحتاجها ووعدني خير.. اتفقنا انه تكون تحركاتي مدروسه حتى مانثير شك المختطفين واتفقنا انه تكون في بيتي اجهزة مراقبه تسهل عملية كشفهم.. وافقت على كل الي قاله سلطان بشرط انه يرجع مشعل.. طلع سلطان يباشر في الاجراءات.. ظليت مع ابوكم شوي هنا ووقفت برجع البيت وقف معاي ابوكم قال بيجي معاك ماكان وده يتركني وانا بحالتي ذيك.. رجعت البيت وياليتني ما رجعت .. كان مشعل عند الباب .. طايح .. ركضت عليه حملته بين يدي اهزه ماجاوبني الدم مغطيه وجسمه بارد ثلج حركته كثير ومارد علي .. و قتها اتصل ابوكم للشرطه والاسعاف واولهم سلطان .. اذكر انهم كلهم وصلو بس بعد ايش .. مات مشعل .. خلاص .. على صراخي وهو بين يديني طلعت ام مشعل وهي تشوفه بين يدي جثه هامده كانت واقفه تراقب وانا اهز الولد وهو مايتحرك كانت وافقه وساكته والبنات حولها مرعوبين.. وعقبها ام مشعل مانطقت الصدمه اثرت عليها وخلتها فاقده النطق لمت نفسي كثير حسيت اني استعجلت وقت ماقررت اتكلم مع سلطان ياليتني ما سويتها وظل ولدي عايش انا الي ذبحته.. مشعل وقتها كان عنده 6سنوات
بعد وفاة مشعل ما جاني اتصال من الي اختطفوه ابد ابد .. سلطان وقتها صار اخو ثالث لنا .. والشهاده لله ماتركني من وفاة مشعل لحد اليوم وهو جنبي وكأنه ولده الي مات ماهو ولدي.. عقب هالحادث ب7 سنين ارجعو واختطفو سماح وقتها سماح كان عندها 9 سنين .. ورجع الموضوع الاولي ينفتح بس مع ابوكم وانا كنت في دوامه كبيره صعب اني اعيش الاحساس مرتين مثل ما مشعل ولدي سماح بعد بنتي وقطعه مني .. رجع الكلام يتوجه لابوكم عن الامانه والمره هذي يتهمونه انها معاه واذا هو ناسي قالوله خل بومشعل يذكرك.. حاولنا نبعد سلطان عن الموضوع حتى مانثير شكهم ونخسر سماح بعد.. تصرفنا معاهم لحالنا منغير تدخل سلطان لما ابوكم قرر نسوي عزا لسماح سلطان شك بالموضوع كيف ماتت ومتى .. سلطان بحسه الامني عرف وأمن البيت بطريقه لا انا ولا ابوكم حسينا فيها انتو وبناتي كنتو تحت رقابه مشدده من قبل سطان والي معاه بس من غير مايثير الشكوك حوله .. حتى هو سحب نفسه شوي شوي منا وظل يسال عنا وعن اخبارنا من بعيد لبعيد .. قدرنا نأمن حياة البنت على الاقل نعرف انها عايشه طول السنين هذي.. وكل اتصال يجي نسمع فيه صوتها نتطمن انها بخير وانها عايشه بس من فتره لفتره .. امكم ياعيال كانت تموت كل يوم الف مره وبنتها بعيد عنها .. ماتنلام ياعيال ادري انها اهملتكم واهملت محمد وفيصل بعد بس لاتلومونها البنت عايشه وبعيده عن اهلها وما نعرف ايش يصير عليها متبهدله ولا بخير .. ولا حتى نقدر نشوفها .. طول هالسنين ماشفنها ولو من بعيد حتى.
سما: ياحبيبتي ياماما كل ذا داخلك
فهد: والامانه ياعمي ايش صار عليها طول هالسنين
بومشعل: الامانه ياولدي موضوعها مانتهى كانو يذكرونه من فتره للثانيه .. بس
سامي: بس ايش .. قول ياعمي لا تخبي شي
بو مشعل: ياعيال الي ابي اقوله يمكن يغير نظرتكم لبوكم ولي بس ماكان بيدنا شي ثاني نقدر نسويه غير اننا ننفذ الي يبونه
سما: قول ياعمي حنا عيال راشد نظرتنا عمرها ماتتغير في ابونا.. لا تخبي شي قول
بومشعل: كان لهم طلبات كثيره طلبو تنفيذها .. مثل
سامي: مثل ايش ياعمي .. الله يخليك محنا ناقصين
خالد: مثل ايش ياعمي .. لا تخاف الي مات اخونا بعد .. والي مخطوفه هم اختنا.. اذا ماقلت لنا لمين بتقول
بو مشعل: تهريب مخدرات واشيا كثيره من هالقبيل
سما: ياساتر
بومشعل: اول الايام كان التركيز على الامانه الي عندنا انا وابوكم بعدين صارت الطلبات تتعدى هالشي وابوكم وانا بحكم اتصالاتنا صرنا نقدر نمرر المخدرات لداخل البلد بسهوله .. صار الموضوع يقلقنا كثير .. اتفقنا انه سلطان لازم يعرف بالموضوع على الاقل لو صار وانكشفنا نكون محمين .. سلطان وصله هالشي وتأكد بانو سماح عايشه .. صارت اغلب التهريبات تدخل بأمر من سلطان والمسؤولين حوله.. كانت كل عمليه تصير نكون مقتنعين انه جثة سماح راح توصلنا مثل ماوصلت جثة مشعل.. تمرعلينا ايام وايام وحنا على اعصابنا.. وكل ماطالت الايام نقتنع انه البنت عايشه وانه سلطان وربعه ماوصلو للمختطفين.. كانو اذكيه بدرجه عجيبه تكون المخدرات تحت عين الشرطه فجأه تختفي ويختفي معاها كل خيط يوصل لسماح وعشنا سنين على هالشي.. بعدها جات عمليه كبيره مره .. وصارت لها الاستعدادت وبصوره مكثفه .. ليلتها ابوكم من خوفه على بنته صار يبكي وهو واتق انه البنت خلاص بتروح مننا بنفقدها نهائي.. صرت ابكي معاه ابد ماكنت اتمنى هالشي يصير هذي بنتي بعد.. التفكير خلاص انشل والحركه معاه انشلت صرنا مثل الاصنام كل شي فينا جامد خايف مرعوب الانتظار ممل وصعب والقلب دقاته صارت تتسارع اكثر واكثر.. رن التلفون وصرخ ابوكم بنتي راحت خلاص رفعت السماعه وتكلمت كان سلطان قال افرحو ياخواني قبضنا على العصابه عرفنا مكانهم وين.. خلكم مكانكم واخبركم بالجديد.. ابوكم اول ماسمع بهالشي ركض على امكم يبشرها سماح خلاص بتبات الليله في حضنها.. وانتظرنا وانتظرنا ولا جواب ولا تلفون يطمنا وسلطان ماهو موجود دقيت عليه كثير ومايرد .. رجع القلق لقلوبنا بعد الفرح الي كنا فيه اشرقت الشمس وحنا على حالنا ماتغير شي قاعدين ننتظر.. لحد مادقت الساعه 8 الصباح جا سلطان بنفسه للبيت وقف عند الباب وخذ ابوكم قاله ها يا خوي اذبحوها؟ بنتي ماتت خلاص راحت؟ .. سلطان قاله المجرمين اعترفو بالتهريب بس ماعترفو بالاختطاف .. لما حاولنا مع واحد منهم كان صغير بالسن قال انه عندهم بنت صغيره عايشه معاهم .. رحنا على المكان الي وصفه لنا بس مالقينا احد فيه .. المكان خالي تماما.. طاحت امكم منهاره .. وابوكم انهار معاها.. فقدنا أي خيط يوصلنا للبنت.. اساسا محنا عارفين اذا هي حيه او ميته عشنا سنين لا حس ولا خبر .. ذابت فيها قلوبنا على البنت كيف هي عايشها وين هي في مع مين عايشه كيف تاكل كيف تشرب.. امكم فجأة راح شبابها حزن على بنتها وابوكم عجل الحزن بموته .. وانا جالس اتفرج على اخوي وهو يضيع مني وما بيدي شي .. شربت من نفس كاس المر الي هو يضوقه .. الله العالم لو كان بيدي شي كنت سويته والله ماتأخرت بس ماعرفت ايش هي الامانه الي يبونها ايش يقصدو .. مادري
من ثلاث سنين بس جا اتصال لابوكم يقول له انه بنته عايشه وهي بخير طار ابوكم بهالاتصال وخصوصا انه سمع صوتها طلبو منه مبلغ 3 ملايين.. وافق على طول.. لما قالي .. مارضيت .. كيف يدفع فلوس وهو حتى مايدري اذا الي تكلمت بنته او لا .. يمكن يلعبو عليه .. ما اهتم لكلامي .. قلت له طيب اطلب منهم انك تشوفها على الاقل.. رفض قالي ابي اكسب ثقتهم عشان المره الثانيه يوروني اياها.. قلت له يا راشد هذي ثلاث ملايين تتوقع بيكون فيها مره ثانيه .. قالي هذول تجار مخدرات والفلوس معاهم تخلص بسرعه اكيد بيرجعون وبيطلبو فلوس ثانيه.. قلت له اصبر اكلم سلطان يمكن يكتشف مين هم ويراقبهم ونعرف مكان البنت..قالي مافي وقت انا اتفقت معاهم الان اسلمهم الفلوس .. ورفض حتى ياخذني معاه او يقولي مكان التسليم وين.. دقيت على سلطان وقلت له والمسكين طار وراه بس وين أبوكم ماعطى أي معلومه تفيدنا .. عقبها جلسنا ننتظر 9شهور واحنا على اعصابنا
وسلطان ماقصر علم ابوكم كيف يتعامل معاهم اذا هم اتصلو مره ثانيه يطلبو فلوس.. وجا اتصالهم وفعلا طلبو هالمره 5ملايين وكان ابوكم هادي معاهم مره وعرف كيف يطول معاهم بالاتصال وطلب يسمع صوتها لما جاه الرد بالرفض قالهم انا ادري انه بنتي ماتت من زمان وانتو تلعبو علي وقفل السماعه في وجههم .. وبعدها انتظرنا يومين وجاه صوتها وكلمها سألها اساله ماحد يعرفا غير سماح اكيد اشيا مانستها البنت وقت ما انخطفت كان عندها 9 سنين اكيد تذكر اكيد.. لما مالقا اجابه لاسألته قفل الخط بوجههم مره ثانيه .. عقبها جاه شعور انه البنت ماتت خلاص .. رفض انه يرد على أي اتصال من صوبهم وكل مايسمع الصوت يجيه يقفل الخط وسلطان عجز معاه يقنعه انه يتابع بس وقتها ابوكم تعب .. يمكن كان خايف انه يتاكد من موتها كان يقول دايم خلوني كذا عايش على امل انها ترد بيوم مرت سنه على هالشي وجاه اتصال لما رد وعرفهم قفل في وجههم وجاه اتصال ثاني وثالث وعاشر وهو رافض تماما انه يرد كان مقتنع انه البنت ماتت .. المره هذي جاني انا الاتصال وقالي الشخص ابلغ راشد انه وافق يشوف البنت وقتها حسيت انه قلبي وقف.. البنت عايشه طول هالمده عايشه واخيرا راشد بيشوفها وعطاني التوجيهات والانذارات .. قلت له اسمع بقولك انا مش ابو البنت اذا تبيني بكلمه يرد على اتصالك بس انا ماراح اوصله شي من الي قلته اسمع انا مالي دخل بموضوعك معاه البنت بنته ماهي بنتي واذا تبيه روح اتكلم معاه .. حسيته فقد الامل فيني وقالي طيب بدق عليه بعد نص ساعه بهالوقت وابيه..... ماعطيته فرصه قلت له طيب طيب يصير خير.. وقفلت واتصلت على سلطان على طول وخبرته وهو خذ اجرائاته وبعديها كلمت راشد وقلت له حسيته ساكت مصدوم .. قلت كذا ماينفع انا جايك بالطريق ياراشد.. وصلت عنده .. وجلسنا ننتظر تأخر المتصل كثير انتظرنا لحد الصباح وقتها رن التلفون وتكلم راشد ..فقل الخط وهو مو مصدق .. رمى نفسه وجلس يبكي ..قالي البنت عايشه بنتي عايشه وبشوفها بكره .. بكره ياخوي بكره..قلت له لا تجيب سيره لام سامي خلها كذا اهي ناقصه المسكينه اذا وصلنا لشي قولها واذا خابت الضنون خلها بيننا احسن وانا اخوك.. شوي وجا سلطان وكان فرحان مره .. باذن الله البنت عندنا وبنعرف كيف نرجعها.. قال راشد بس كيف بعرفها كيف بعرف شكلها البنت كبرت وملامحها اكيد اختلفت.. ضحكت عليه وقلت له ياخوي لاتنسى سما هي تؤمها بعد..قم وانا اخوك جيب صوره لسما خل سلطان يتعرف على شكلها بعد..و راح ابوكم الموعد واسبقه سلطان هناك وانا قاعد على جمر.. لما رجع كان في عالم ثاني اكلمه ومايرد علي عيونه كانت في مكان ثاني ووجهه حزين الهم ذبحه .. فكرته بيجي سعيد .. سالته ها بشر شفتها؟ البنت عايشه ياخوي؟!! ياخوي برد قلبي ورد علي.. دخل سلطان عقبه.. واخذني بعيد عنه .. قالي البنت عايشه وشافها من بعيد .. بس البن
اهلا وسهلا بك 
موضوع: رواية نبض قلبي..رااااائعة ********