أنا مش ورقة&الالتـزام الحقيقي&

الحلقة الثانية والعشرون


عبدالرحمن:انا بعد ماقلت للحاج حسين اني قررت مادخلش طب خلاص

الحاج حسين: بتقول ايه ؟!!!

عبدالرحمن:مش عايز ادخل طب لاني مش عايز اشوف سها هناك انا خايف.......... وبعدين حضرتك

قولتلي لازم ابعد عنها واقطع اي حاجه تفكرني بيها

الحاج حسين:بص يابني اسمعني ........انا عايز انبهك لحاجه خطيره جدااااااااا لاني خايف عليك اوي

عبدالرحمن:ليه كل ده داانا افتكرت ان حضرتك الي هتنصحني اني مادخلش طب

الحاج حسين:اسمعني كويس اوي

بص الناس لما بتوصلهم رسايل من ربنا اقصد بيها اي رسايل زي موت احد اقاربه او احبابه

اومرضهم او اي تذكره من ربنا

انا بلاقي في الوقت ده ان الناس بتتقسم ل 4 اقسام

اول فئه من الناس
ودول اللي بعتبرهم موتى اصلا مش بيسمعوا اي حاجه ولاهما فاهمين اي حاجه من اللي بتدور حوليهم

النوع ده من الناس لما توصله رساله من ربنا مفيش اي استجابه وكأن اصلا مفيش اي حاجه حصلت

ويكملوا حياتهم قصدي موتهم عادي عايشينها كده وخلاص زي ماتيجي تيجي

وانت بفضل الله مش من النوع ده ولا من النوع التاني

عبدالرحمن:هو ايه النوع التاني

الحاج حسين:النوع التاني ده لما بتحصله صدمه شديده اوي من اللي حصل حواليه تلاقيه وقف فجأه

عن اللي كان بيعمله لاهو بيعصي ولاهو ملتزم وبعد كده عادي يرجع للي كان بيعمله ويمكن حالته كمان

تسوء عن ماكان وده يشبه كتير النوع الاول

عبدالرحمن:طب الحمد لله امال حضرتك خايف عليه ليه

الحاج حسين:اسمع لسه في نوع برده خطير وانا خايف اوي انك تكون منه

وتالت فئه من الناس
ركز معايا ويارب ماتكون منهم

النوع ده لما توصله رساله من ربنا بس رساله شديده شويه زي اللي حصلتلك كده

النوع ده بقى الصدمه تأثر عليه لدرجه انه يدخل في غيبوبه

عبدالرحمن:غيبوبه ايه انا ماتعبتش ولا دخلت في غيبوبه الحمد لله انا مش منهم

الحاج حسين:لااااااا مش الغيبوبه اللي في دماغك

انا قصدي غيبوبه تانيه خالص

عبدالرحمن:غيبوبه ايه!!!

الحاج حسين:غيبوبه اسمها الالتزام

بص بعد النوع اللي كلمتك عنه ده

اكيد ربنا بعتله رسايل قبل كده زيك كده بالظبط بس للاسف هو مش محتاج اي رساله هو محتاج هزه
شديد زلزال كده يعني


عبدالرحمن:انا مش فاهم حاجه صدمه ايه وزلزال ايه

الحاج حسين :اصبر وهوضح لك كل حاجه ماتستعجلش انا عايزك تفهم كل كلمه وكل حرف بقولهم

مريض الكبد مثلا

قبل مايدخل في غيبوبه ......في حاجة طبعا بتحصله قبل مايدخل في غيبوبه

يعني مثلا مريض الكبد نسبه الامونيا تزيد في دمه فطبعا المخ مش هيستحمل النسبه دي فيدخل

المريض عافاني الله واياك في غيبوبه

فالنوع ده بقي من الناس لما يحصله حاجه شديده اوي في حياته وخلاص كأنه مريض كبد مش قادر

يستحمل نسبه الامونيا

تلاقيه مايقدرش يتحمل ويدخل في غيبوبه وانت طبعا عارف انه في الغيبوبه دي مش مدرك اي حاجه

عبدالرحمن:طب يعني ايه غيبوبه الالتزام

الحاج حسين:انت بعد وفاه محمود الرساله دي كانت جامده اوي عليك ماقدرتش تستحملها وكأنك

دخلت في غيبوبه
اه انت جيت الجامع وصليت والتزمت بكلامي ودخلت العنايه المركزه كل ده حلو اوي وجميل
بس.......

عبدالرحمن:بس ايه...... ماحضرتك قلت حلو وجميل

الحاج حسين:بس اللي انت ماتعرفوش ان بعد الغيبوبه دي زي ماقلتلك مش مدرك اللي بيحصل حواليك

الظاهر عليك ان الاعراض القديمه اختفت بفضل الله تم العلاج

لكن بعد ماتفوق من الغيبوبه

هتقول ايه ده ايه اللي حصلي هو انا ليه كده وليه بعمل كده.................. لانك اصلا كنت في غيبوبه

وانت مش عارف

زي المريض بالظبط يفوق من الغيبوبه يقول ايه ده انا ليه هنا وليه بأخد المحاليل دي وليه بتدوني

الدوا ده وليه وليه وليه

انت بقى اه اخدت الدوا والاعراض قصدي المعاصي اللي كنت بتعملها اختفت لكن زي ماقولت انت
كنت في غيبوبه

وهتفوق منها بعد فتره وهتستغرب اللي كنت بتعمله قبل كده وترجع تاني للي كنت عليه ممكن تخرج

من الغيبوبه دي بس بصوره

عبدالرحمن:صوره ايه

الحاج حسين:صوره الالتزام
شكلك ملتزم اه لكنك من جوه خراب

عبدالرحمن:خراب

الحاج حسين:اه خراب شكلك كل اللي يربطك بالالتزام شكلك وبس وبعد فتره ممكن تنازل عن الصوره دي

والله بالظبط زي مريض الكبد تلاقيه بعد الغيبوبه يقعد فتره متلتزم بتعليمات الدكتور ويبعد عن اي

حاجه تزود نسبه الامونيا لكن النفس اماره بالسوء تلاقيه ينسي تعليمات الدكتور بعد فتره ويهمل

العلاج مع انه سمع والدكتور شدد عليه وقاله ان ده غلط وماينفعش

انت بقى ممكن تكون دخلت في غيبوبه الالتزام اه الحمد لله سبت المعاصي والتزمت سبت سها والافلام

والاغاني والتزمت بالصلاه وحفظ القراءن واديت العمره

وعرفت خطوره المعاصي والذنوب

لكن بعد فتره لما تفوق تدريجيا هتقول ايه ده وهتستغرب كل اللي بتعمله وترجع تاني للي كنت عليه

وتبدا تفرط شويه بشويه لحد ماتفرط في كل حاجه وتهمل كل النصايح والتوجيهات

لان زي ماقولتلك مش مدرك ايه اللي بيحصلك لانك في غيبوبه


عبدالرحمن:لا انا مش في غيبوبه انا مدرك اللي بيحصل وحسيت بحلاوه كل حاجه قولتهالي انا مكنتش عايش قبل كده
انا بحمد ربنا انه احياني تاني

انا مقدرش زي ماحضرتك قولتلي اني اعصي ربنا تاني .......مقدرش ابعد تاني اه انا خايف اقع في

المعاصي اللي كنت بعملها قبل كده وارجعلها تاني بس انا عارف اني وقتها كنت ميت زي ماحضرتك قولت كده

ازاي بعد ماربنا اعطاني كل خير وبدلني بكل معصيه كنت بعملها حلاوه تانيه خالص لا مقدرش


بعد الاغاني والافلام وتضييع الوقت التزمت بحفظ القراءن وعشت قرءان زي ماحضرتك قولتلي

والتزمت بالصيام والقيام والذكر

وبعد حبي لسها قصدي بعد ماكنت بعصي ربنا وبشرك مع حبه حب تاني ربنا مايرضاش بيه بقيت

خلاص زي ماحضرتك قلت ربنا بس اللي علي عرش قلبي

مفيش حب محرم في حياتي حب ربنا والقرب منه بئي كل حياتي
حتي الهدايا وخط الموبايل لما حضرتك طلبتهم

الحاج حسين:انا عارف كل ده يابني وفرحان بيه اوي وانت بكده بقيت من النوع الرابع الحمد لله رب العالمين والله زي ماقلتك انت ثمره حياتي عشان كده انا خايف عليك خايف انك تقع او اي حد يقضي عليك
وبالذات انهارده لما قلت انك مش هتدخل طب انا خفت اوي عليك

عبدالرحمن:ليه بس والله انا فاكر ان حضرتك هتفرح وكنت حاسس ان حضرتك هتتطلب مني الطلب ده
ليه حضرتك زعلان اوي كده وخايف عليه


يتبع ان شاء الله

الحلقة الثالثة والعشرون

الحاج حسين:انت مش عايز تدخل طب ليه

عبدالرحمن:حضرتك عارف

الحاج حسين:عشان سها

عبدالرحمن:هو ده مش سبب كافي

الحاج حسين:هو سبب بس هو انت هتدخل كليه مفهاش بنات يعني........... اه انت منزلتش الجامعه قبل كده
بس يابني فاكر العنايه المركزه اللي كلمتك عليها

عبدالرحمن:ايوه فاكر

الحاج حسين:فاكر لما قولتلك انك ممنوع من اي زيارات انت بقي لازم تخرج من العنايه دي وتستمر في الادويه والمتابعه
انت هتخرج للناس وهتتعامل معاهم بس...

عبدالرحمن:بس ايه......

الحاج حسين:انت لازم تخرج من العنايه المركزه بجهاز استقبال شغال 24 ساعه


عبدالرحمن:جهاز استقبال

الحاج حسين:اه الجهاز ده شغال 24 ساعه ترجمه صحيحه لرسايل ربنا
كل حاجه تحصلك وكل رساله توصلك لازم يبقي لها ترجمه صح ماشي
مايبقاش جهاز استقبال زي قلته

يعني مثلا لما واحد تحصله مشكله في حياته

مثلا ضيق في الرزق او فشل مثلا في دراسته او موت احد احبابه

تلاقيه قلبه اتحول للاسباب نسي اهم حاجه

يعني بدل مايدور علي السبب الاساسي تلاقيه مهتم بالفروع

يعني زي ماسها قالتلك عن وفاه محمود كده هتلاقيه كان تعبان

وتنسي اني دي رساله من ربنا بتقولها فوقي ممكن انت اللي تبقي مكانه

وتلاقي اللي عنده ضيق رزق او مشكله في دراسته هو اصلا عنده مشكله في

حياته هي اصل المشكله ممكن تلاقيه مثلا مضيع الصلاة ومضيع حق ربنا

بس هو مهتم بالفرع شايف المشكله وناسي اهم سبب للمشكله

عشان كده.......انا عايزك تكون دكتور شاطر


عبداالرحمن:هو انا هدخل طب

الحاج حسين:سيبك دلوقتي من موضوع طب

انا قصدي دكتور قلب شاطر

عندك جهاز حساس لقياس اي ضعف ولو بسيط في الالتزام

يعني اي تفريط لازم تكتشفه بدري وتعالجه

عبدالرحمن:تفريط في ايه

الحاج حسين:في اي حاجه

يعني مثلا تلاقي واحد كان ملتزم بحضور الدروس والعلم وبعد فتره تلاقيه

يكسل ويقول خلاص انا مش لاقي وقت انا ممكن اسمع في البيت

وتلاقي الاخ من دول ملتحي ومقصر وبعد فتره يبدا بالتفريط شويه بشويه

ماهو يعني الشيطان مش فجاه هيقوله احلق لحيتك وارجع للبسك القديم

الموضوع بيبتدي خطوه بخطوه زي ماربنا قال سبحان الله

بسم الله الرحمن الرحيم

يَا أَيُّهَا الَّذِينَ آمَنُوا لا تَتَّبِعُوا خُطُوَاتِ الشَّيْطَانِ وَمَنْ يَتَّبِعْ خُطُوَاتِ الشَّيْطَانِ فَإِنَّهُ يَأْمُرُ بِالْفَحْشَاءِ وَالْمُنْكَرِ وَلَوْلا فَضْلُ اللَّهِ عَلَيْكُمْ وَرَحْمَتُهُ مَا زَكَا مِنْكُمْ مِنْ أَحَدٍ أَبَداً وَلَكِنَّ اللَّهَ يُزَكِّي مَنْ يَشَاءُ وَاللَّهُ سَمِيعٌ عَلِيمٌ (21)

هيبدا يفرط ويمشي ورا الشيطان خطوه بخطوه يقول انا لبسي ده غريب بين اصحابي وشكلي غريب

مالها الهدوم الي كنت بلبسها قبل كده خلاص انا ارجع لهدومي القديمه بتاعه زمان حتي مايبقاش شكلي غريب وسط اصحابي واقرب منهم وادعيهم لربنا
انا مش عارف بدعيهم لايه وهو بيفرط اصلا وبيقع خلاص
وبعد مايطول البنطلون
الشيطان طبعا مش هيسيبه في حاله
هيبدا يقول واللحيه دي كمان لسه محسساك بالغربه قصرها شويه
وطبعا هو اول مايحط ايده عليها خلاص انسى

هتلاقيه بعد كده.....الله المستعان ربنا يثبتنا

وبنت تلاقيها بفضل الله لابسه الخمار والحجاب الشرعي
وبعد فتره تلاقيها تفرط في الحجاب شويه بشويه وتقولك الموضه بقي والكليه والناس ووو
بعد الخمار تلاقيها تلبس طرحه طويله وتلفها وتقول دي اشيك من الخمار والمسكينه مش عارفه انها خلاص فرطت وبعد فتره هتلاقيها لابسه طرحه عاديه ولبس عادي
والامور كلها تبقي عادي في عادي
عشان كده انا عايزك اول ماتحس باي ذره تفريط تلحق نفسك لانك لو سبتها هتوقعك خالص وتجيبك الارض

وبرضه المعاصي بتاعه زمان تطلع عنده وتظهر شويه بشويه
الاغاني والتلفزيون والافلام
يعني مثلا فيلم او اغنيه كان بيحبها
تلاقيها لومرت بيه تفكره بايام زمان وتلاقيه يقول ياااااااا هو انا عملت في نفسي كده ليه وتلاقيه يبدا يحن لايام زمان
وتلاقيه يقول انا هتفرج علي التلفزيون ولو جت اغنيه او اي منظر ماينفعش اشوفه هقوم او اسكت الصوت عما المشهد او الاغنيه دي تخلص
فاهم ياعبدالرحمن

عبدالرحمن:فاهم

الحاج حسين:زي ماقلتلك لازم تكون عندك مناعه ايمانيه وجهاز حساس لاي ضعف في الالتزام انا كل كلمه قولتهالك لازم تكون محفوره في قلبك وعاقلك ماشي
لازم يبقي شعار حياتك سمعنا واطعنا ماشي يابني
كل كلمه تسمعها مني لازم تنفذها
مش عايزك تمشي بمبدا سمعنا وسمعنا وسمعنا
طب والتنفيذ والطاعه امتي

لان زي ماقولتلك قبل كده الوقايه خير من العلاج
ولو حصل والاعراض ظهرت لازم تتعالج بدري
لان كل مالعلاج كان بدري كانت المضاعفات والمخاطر اقل

عبدالرحمن:ممكن توضح اكتر انا مش فاهم

محمد:كويس كويس

عبدالرحمن:هو ايه اللي كويس

محمد:انك مش فاهم عشان مايبقاش حد احسن من حد وتقعد تتريق عليه

عبدالرحمن:الله يهديك يامحمد

محمد:بركاتك ياشيخ عبده كمل كمل

عبدالرحمن:ماشي ياسيدي

الحاج حسين:بص ياحبيبي
الدكتور الشاطر اللي يحط ايده علي المرض الصح ويبدا في العلاج بدري
يعني مثلا مريض يجي للدكتور يشتيكيله عندي صداع وبسخن وبطني بتوجعني وووووو
تلاقي بقي الدكتور الخايب يقعد يعالج الاعراض يهمل اصل المرض وده طبعا هيدخل المريض في مشاكل هو في غني عنها
يعني تلاقي اصلا ان المريض عنده سرطان وهو مش حاسس هو حاسس بس بالاعراض والدكتور ماشي ورا المريض وناسي المصيبه دي
وده طبعا حالنا تلاقي قلبك بايظ وتعبان وبيشتكي بس انت ولا انت هنا
يعني قصدي اي مشكله تحصلك في حياتك دور علي الاصل ماتهتمش بالمشكله وتنسي السبب الاساسي للمشكله
يبقي اتفقنا

عبدالرحمن:علي ايه

الحاج حسين:انك تخرج من العنايه المركزه بالحاجات دي والحاجات دي لازم لها شحن مستمر
اول حاجه
مناعه ايمانيه قويه ضد المعاصي والذنوب

تاني حاجه
جهاز استقبال شغال 24 ساعه

تالت حاجه
جهاز حساس لقياس اي ضعف و لو بسيط في التزامك لان الوقايه خير من العلاج

رابع حاجه
تكون دكتور شاطر تحط ايدك علي المرض الاصلي وتبدا في العلاج بدري في اقرب فرصه

خامس حاجه
الستاره


عبدالرحمن:ايه الستاره دي وازاي اشحنهم شحن مستمر

محمد:انا مبقيتش فاهم حاجه ستاره ايه وشحن ايه وانت في طب وللا لا وهو ليه زعلان اوي كده انك مش عايز تدخل طب دا المفروض يفرح



يتبع ان شاء الله

الحلقة الرابعة والعشرون

عبدالرحمن:بص يامحمد عشان تستريح انا معاك في طب

محمد:ياراجل اخيرا ريحتنني


بص انت ياعبدالرحمن بصراحه كده انا اول يوم شوفتك فيه في الكليه وانا حاسس انك



مش عبدالرحمن اللي كنت اعرفه قبل كده وقاعد تحكيلي في كلام .....



ومش عارف بصراحه هو الكلام اللي كبير وللا انا اللي مبفهمش مش عارف...وصحيح


ايه بقي حكايه الستاره والشحن

عبدالرحمن:بص يامحمد ياحبيبي انت هتفهم وهتحس كل حاجه وهتعرف وتعيش كل كلمه قولتهالك المهم انهارده يوم الخميس

محمد::رجعنا للالغاز تاني...... يعني ايه يعني انهارده يوم الخميس .............اااااااه

فهمت قصدك يعني سهره يوم الخميس بقي وفسح يوم الخميس والذي منه

عبدالرحمن:هو ايه ده الذي منه بص يامحمد الحاج حسين بيدي كل يوم خميس درس في الجامع بعد العصر وانا عايز اعرفك عليه

محمد:بجد والله....... لا ياعم روح اسمع انت وابقي تعالي قولي..... وبعدين هو مش قطعني قبل كده لاحسن يضربني المره دي... انا انهارده عايز اتفسح واخرج من جو الكليه الكئيب ده...... روح انت ياعم الله يهديك انا خايف منه


عبدالرحمن:اسمعني بس ده هيحبك اوي والله



محمد:اسمع ايه...... انا قولت اللي عندي



عبدالرحمن:داانا هعزمك علي الفطار مع انك مش صايم بس مش مشكله الاتنين الجاي تكون صايم


محمد:هو انت هتعملي فيها الحاج حسين



عبدالرحمن:انا .......طب ياريت اكون ربع وللا حتي تمن الحاج حسين


محمد:ايوه ياعم البقال المهم انت هتفطرني ايه انهارده



عبدالرحمن:انا عارف انك علي طول همك علي بطنك تعالي الاول الدرس وبعدين نشوف موضوع الاكل ده


محمد:لا نتفق علي الاكل الاول


عبدالرحمن:هههههههه ماشي ياسيدي عايز تاكل ايه


محمد:اللي تحبه مش من اول مره كده هشرط



عبدالرحمن:ليه هو انا هعزمك كل اتنين وخميس وللا ايه


محمد:اهو كله بثوابه

عبدالرحمن:اه بس انت كفايه عليه في الكليه مش كمان اخدك البيت

محمد:ههههههههه لا ياعم وكمان هنبقي نسايب

عبدالرحمن:وماله مايضرش برضه..... المهم اتصل بيهم في البيت عشان هنروح الجامع بعد الكليه


محمد:هو ايه ده


عبدالرحمن: هو انت مابتفهمش وكمان بتنسي ومابتسمعش ......ايه ده ارحمني



محمد:يعني بلاش اهزر


عبدالرحمن:هزر بس ماتنرفزنيش


محمد:خلاص ياسيدي هاجي معاك خلاص ماتزعلش



وبعد الانتهاء من الدرس


الحاج حسين:ازيك ياعبدالرحمن وحشتني اوي ايه اخبار الكليه...... ده صاحبك محمد


عبدالرحمن:الحمد لله رب العالمين ايوه ده محمد



الحاج حسين:انت بقي محمد


محمد:في سره هو هيضربني وللا ايه ..... ربنا يستر...... ومحمد بصوت متقطع ايوه انا محمد


الحاج حسين:ازيك ياحبيبي ايه اخبارك



ويحضن الحاج حسين محمد وكأنه ابنه التاني بعد عبد الرحمن


محمد:في سره حبيبك هو انت بتحب كل الناس كده....الحمد لله انا كويس


الحاج حسين:الحمد لله يابني اتمني اشوفك هنا علي طول


محمد:كل خميس طب وووووو


الحاج حسين:ووو ايه



محمد:لا ولا حاجه ابدا


وياذن المغرب

الله اكبر الله اكبر


ويقدم عبدالرحمن التمر للحاج حسين ومحمد


محمد:ياخد عبدالرحمن علي جنب هو ده الفطار لا انا اضحك عليه انا مش هاجي تاني

عبدالرحمن:اصبر يامحمد السنه انك تفطر علي تمر وبعد الصلاه هاخدك البيت وربنا يستر ومتاكلنيش في الطريق


محمد:لا مش للدرجه دي



وبعد انتهاء الصلاه


الحاج حسين:عبدالرحمن تعالي عايز اقولك حاجه


عبدالرحمن:ايوه ياحاج حسين


الحاج حسين:بكره ان شاء الله هنروح مشوار مهم

عبدالرحمن:مشوار ايه


الحاج حسين:هتعرف بكره ان شاء الله


عبدالرحمن:هعرف بكره طب اجيب محمد معانا



الحاج حسين:لا بلاش محمد دلوقتي هستناك بكره بعد صلاه الجمعه ماتنساش


عبدالرحمن:ان شاء الله



وبعد انتهاء الصلاه وخروج محمد وعبدالرحمن من المسجد متجهين لبيت عبدالرحمن

محمد:هو الحاج حسين كان بيقولك ايه


عبدالرحمن: كان بيقولي اننا بكره هنروح مشورا مهم



محمد:مشوار ايه ده



عبدالرحمن:ياريتني اعرف كنت قولتلك



محمد:اااااااااه تاهت ولقيناها


عبدالرحمن:هي ايه دي


محمد:وبتقولي اني مابفهمش اكيد الحاج حسين هياخدك لسها


عبدالرحمن:هههههههههه سها مين انسي بقي



محمد:طب بكره تقول محمد قالي مش بعيد كمان يجيبلك الشبكه هديه ماتاخدني معاك


عبدالرحمن:لا هو قالي بلاش محمد


محمد:انا مش عارف الراجل ده ماله ومالي امال بيحبني ايه


عبدالرحمن:هو انت ماتعرفش تسكت شويه سيبني افكر



محمد:تفكر ايه احنا وصلنا البيت اهو وللا انت رجعت في كلامك



عبدالرحمن:لا ياعم ازاي



ويدخل عبدالرحمن ومحمد البيت وترحب والده عبدالرحمن بمحمد


ويدخل عبدالرحمن ومحمد الاوضه

محمد:بص انت الاتنين الجاي ان شاء الله تقولك لمامتك تعملي سمك اصلي بحبه اوي


عبدالرحمن:محمد ارحمني واسكت شويه انا قلقان من مشوار بكره ده



محمد:قلقان ايه ياعم داانا هتصل اباركلك بكره .....بكره تقول محمد قالي


المهم ايه موضوع الشحن والستاره مش هتقولي بقي



عبدالرحمن::بص ياسيدي بالنسبه للشحن ده اللي كان انهارده

محمد:ايه ده هو ده بقي الشحن

ههههههههه الشحن فراخ ياسلام والمره الجايه سمك دمك خفيف ياعبده


عبدالرحمن:محمد


محمد:نعم ياعبده


عبدالرحمن:امشي اطلع بره وماتورنيش وشك تاني



محمد:طب مش هتعزمني حتي علي الخطوبه هجيبلك هديه والله وانا جاي


عبدالرحمن:امشي امشي من وشي جبتلي الضغط



انا هتصل بباك يعملك اختبار لنسبه الذكاء



محمد:هههههههه ايوه ايوه انت عايز تطمن علي اولاد اختك


عبدالرحمن:ياااااااااارب ارحمني



يتبع ان شاء الله

الحلقة الخامسة والعشرون

يتقابل محمد وعبدالرحمن في الكليه


عبدالرحمن:السلام عليكم ورحمه الله وبركاته ازيك يامحمد ايه اخبارك

محمد:وعليكم السلام ورحمه الله وبركاته انا الحمد لله كويس انت عامل ايه

عبدالرحمن:الحمد لله رب العالمين......... صحيح انا نسيت اسالك ايه رايك في درس يوم الخميس هو ده بقي الشحن يابني

محمد:بجد هو ده الشحن اه....... ههههه وانا اللي كنت فاكره السمك والفراخ

عبدالرحمن:هههههه اه شوفت بقي

محمد:اه المهم انا عايزك تحكيلي الاول انت عملت ايه مع الحاج حسين يوم الجمعه...... فين الدبله ياعم

عبدالرحمن:دبله ايه ياعم وبتاع ايه

محمد:انت مش خطبت سها

عبدالرحمن:انا لاخطبت سها ولاغير سها وحتي يابني انا لوخطبت مش هلبس دبله لانها بدعه

محمد:بدعه

عبدالرحمن:بص ابقي دور علي الموضوع ده براحتك .......انا اللي سمعته يوم الجمعه من الحاج حسين واللي شوفته

محمد:شوفت ايه وسمعت ايه...... شوفت اللي عمرك ماشوفته ههههههههههه

عبدالرحمن:انت بتهزر والله فعلا شوفت اللي عمري ماشوفته

محمد:ليه انتوا روحتوا فين

عبدالرحمن:روحنا المقابر

محمد:ايه........ المقابر ليه كده ورحتوا تعملوا ايه

عبدالرحمن:بعد ماصلاه الجمعه انتهت


الحاج حسين:ها مستعد

عبدالرحمن:مستعد لايه

الحاج حسين:احنا هنروح نزور حد عزيز عليك بس انت فرطت في حقه

عبدالرحمن:حد عزيز وفرطت في حقه مين ده!!!

الحاج حسين:محمود

عبدالرحمن:محمود

الحاج حسين:ايوه محمود ابن خالتك

عبدالرحمن:ليه ؟!!!! لازم يعني نروح

الحاج حسين:ايوه لازم نروح وهتعرف اهميه المشوار ده هناك

عبدالرحمن:طب مانقول الكلام اللي حضرتك عايز تقوله هنا لازم يعني نروح هناك

الحاج حسين:عبدالرحمن اسمع الكلام وماتجادلش كتير

عبدالرحمن:اصل

الحاج حسين:لا اصل ولا فصل خلاص احنا هنروح يعني هنروح يلا قوم

عبدالرحمن:خلاص ماشي ربنا يستر......بس انا معرفش مكانها فين بالظبط

الحاج حسين:بسيطه اتصل بباك اسئله مهياش حجه يعني هنروح يعني هنروح حتي لو معرفناش نوصل لمقبره محمود مش مشكله

وبعد ما وصلنا للمقابر

انا مكنتش قادر ادخل وكنت متردد لدرجه اني كنت هرجع الااني لقيت الحاج حسين بيشدني وبيدخلني بالقوه

الحاج حسين:انت رايح فين هتدخل يعني هتدخل مفيش مفر

عبدالرحمن:لا مقدرش مقدرش ادخل انا عايز اروح

الحاج حسين:انا قولتلك ايه ..........مش قولت

مش عايز اسمع مقدرش بس الا في حاله واحده بس انت عارفها عايزك تقول دايما مقدرش اعصي ربنا

يلا قول ورايا دعاء دخول المقابر

السلام علـيكـم أهل الديار من المؤمنين والمسلمين وإنا إن شاء الله بكـم لاحقون نـسأل الله لنا ولكم العافية".



وبعد ماوصلنا لمقبره محمود


الحاج حسين:ها حاسس بايه دلوقتي

عبدالرحمن :حاسس بايه....... انا مش حاسس بحاجه

الحاج حسين:اول حاجه عايز اقولها لك انك لازم تشكرنعمه ربنا انه امهلك الفتره دي ممكن تكون انت اللي مكانه


عبدالرحمن:مكانه

الحاج حسين:ايوه مكانه
شوف بقي كنت هتقابل ربنا ازاي .............ها مستعد


عبدالرحمن:مستعد لايه

محمد:هو ناوي يموتك ويدفنك جمب محمود ولا ايه

عبدالرحمن:لا يامحمد هو احياني بكلامه

محمد:ايه ده ازاي
هو انتوا عملتوا ايه هناك



يتبع ان شاء الله

الحلقة السادســــــــــــــة والعشرين


محمد:خلاص ياعبده كمل سماح المره دي

عبدالرحمن:اما اشوف اخرتها معاك

الحاج حسين قعد يتكلم معايا لدرجه اني حسيت اني دي
اخر مره هيكلمني فيها

كل كلمه وكل حرف قاله محفور جوايا زي ماهو
قالي......... كأني سامعه دلوقتي
انا اول ماسمعته قال قفل
استغربت اوي وسالته

عبدالرحمن:قفل ايه...... وليه

الحاج حسين:القفل ده اللي لازم يكون علي قلبك مكان

ماتروح لازم يكون موجود........ القفل ده هو حياتك

عبدالرحمن:حياتي ......القفل

الحاج حسين:ايوه .......انت لو عندك شئ غالي اوي
هتسيبه كده من غير ماتحافظ عليه

عبدالرحمن:لا طبعا اكيد هخاف عليه زي عنيه

الحاج حسين:اهو انت قولت اهو بلسانك

عبدالرحمن:انا مش فاهم حاجه

الحاج حسين:بص يابني انا عايزك تجاوبني بصراحه

الاول
انت حاسس بايه دلوقتي

عبدالرحمن:حاسس اني خايف وعايز اروح

الحاج حسين:لا انا مش قصدي كده انا قصدي انت ايه
حالك دلوقتي وكان ايه حالك قبل وفاه محمود و قبل
ماتدخل الجامع

عبدالرحمن:الفرق بين حالي دلوقتي وحالي زمان

ياااااااااااه دا فرق كبير اوي

مايحسش بيه الا كل بعيد وقرب من تاني

انا كنت غريق وربنا نجاني من بحر المعاصي اللي
بيغرق كل اللي يقرب منه
انا كنت ميت قبل وفاه محمود......اه انا مكنتش عايش

والله زي ماحضرتك قولت انا لازم فعلا اشكر نعمه ربنا

اللي امهلني وانا اللي كنت بعصيه طول الفتره اللي فاتت

محمود مات خلاص وادفن ربنا يرحمه رحمه واسعه وانا
ربنا احياني من جديد

ازاي تاني ابعد عنه....... ازاي اعصيه وهو كريم اوي

ممكن كنت ابقي مكان محمود اه ممكن ليه مش ممكن

احنا الاتنين اد بعض وهو مات فجاه من غير مايكون

تعبان ولاحاجه وكنا بنعصي ربنا مع بعض

وفرطنا في حق ربنا كتير

ودلوقتي........هو دخل قبره لوحده واكتر ناس بتحبه

سابته لوحده ومشت

ومين يقدر يقعد معاه ثانيه واحده في القبر ده........

القبر ضلمه دلوقتي وهو مفتوح امال لواتقفل عليه
لوحدي

لاااااااا انا مقدرش ابعد تاني ولااقدر افرط

مش هموت نفسي تاني بالمعاصي

لااااااا انا جربت معني الحياه.......انا حاسس بحاجات

حلوه وجميله اوي بس مش قادر اوصل لحضرتك
احساسي

والله انا مااقدرش اعصي ربنا تاني
انا بحبه اوي

الحاج حسين:مبارك عليك يابني والله انت وفرت عليه
كلام كتير اوي

وبكاءك ده دليل عل صدقك وحياة قلبك

الحمد لله رب العالمين الذي يحيي القلوب بعد موتها

عشان كده يابني انا عايز كل المعاني الحلوه دي وكل
الاحاسيس اللي انت عايشها دلوقتي

تفضل في قلبك طول مانت عايش

تحافظ عليها لانها حياتك....تحافظ عليها لانها اغلي من
اي شئ تاني

عشان كده انا عايزك تحط قفل علي قلبك عشان محدش

يخطف المعاني دي اللي انت تعبت فيها وجاهدت عشانها

عشان لو المعاني والاحاسيس دي ضاعت هتحس باللآم
الموت

لان اللي جرب وعاش وحس مش زي اللي مجربش

ولاااااا عاش

يعني اللي عاش حلاوه القرب وحلاوه الحب لما الحاجات

دي تضيع منه هيحس باوجاع ووحشه

عبدالرحمن:والقفل ده اجيبه منين

الحاج حسين:هقولك تجيب القفل ده منين بس لازم

تعرف الاول ازاي الحاجات اللي في قلبك دي تتخطف

يعني المفروض تعرف اعدائك اللي انت هتحاربهم عشان
تاخد احتياطاتك ضدهم

عبدالرحمن:اعداء

الحاج حسين:ايوه
ماتفتكرش انك هتلتزم كده وخلاص هتعدي الامور بسلام

لا

لازم هتتعرض للفتن دا غيرالناس اللي مش بيعجبهم
العجب

ومعاصي زمان

كل دي اعداء انت بقي لازم تاخد احتياطاتك وتقفل كل
المداخل
والقفل ده تاخده وتحطه علي قلبك المسيطر علي المداخل
فتكون مستريح ان محدش هيدخل ويخطف اللي في قلبك
المداخل دي هي عينيك وودانك ولسانك وايديك ورجليك
كل المداخل دي لازم تقفلها عن كل المعاصي
وكأنك
بتقفل الباب في وش المعاصي وبتقولها لاااا انا مش

هسمحلك بالدخول ابدا
لانك اول ماتفتح بس الباب قصدي المداخل اللي قولتلك
عليها دي المعاصي هتدخل البيت قصدي هتدخل قلبك

وهتسكن فيه

والحاجات اللي في قلبك اللي انت كلمتني عنها دي
عزيزه وغاليه اوي مش هتقعد في مكان في حد تاني
غيرها مش هتقعد في مكان فيه معاصي ابدا
يعني مثلا لو واحد عنده صندوق تفاح والتفاح ده كويس
جدا وطعمه حلو اول مايدخل علي التفاح ده تفاحه واحده
بس بايظه سواء كان قاصد او غصب عنه

التفاح كله اللي في الصندوق هيبوظ

فاهمني ياعبدرالرحمن

عبدالرحمن:ايوه فاهم

الحاج حسين:الحمد لله انا عايزك يابني تعرف خطوره

المعاصي لا ن المعاصي دي لودخلت قلبك هتحكم علي

التزامك بالاعدام

انا مش هسمحلك تضيع كل ده ابدا مهما كان

ربنا اللي يعلم انا بحبك اد ايه انا معنديش اولاد

بس ....ربنا اللي يعلم انت بالنسبه لي ايه

مش هسمحلك ابدا تضيع من ايدي

ولا عايزك تعيش علي مبدأ شماعه المبررات

عبدالرحمن:شماعه ايه

الحاج حسين:يعني مثلا كل لما تقع او تغلط في حاجه

تيجي تقولي الدنيا والظر وف والناس وووووووو

وكل الناس كده وانا احسن من غيري

لا انا بقولك اهو انا مش عايز اسمع الكلام ده منك ابدا

عايزك كل لما نفسك الاماره السوء تامرك بالمعاصي

تفتكر منظر القبر اللي انت شايفه ادامك ده وتفتكر موت

محمود فجأه

انا عايزك كل اما تحس بضعف في التزامك او اول

ماتحس بقرب اي معصيه من قلبك تبدا العلاج بدري

عشان ماندخلش في مشاكل اكبر

زي ماقولتلك تكون دكتور شاطر اوي

محمد:اه هو ازاي بقي اقنعك انك تدخل طب

يلا هتلاقيه كان حاسس انك ماتقدرش تبعد عني ثانيه

عبدالرحمن:ههههههههه


يتبع ان شاء الله

الحلقة السابعة والعشرون

عبدالرحمن: قبل مااقولك هو اقنعني ازاي ادخل طب انت مش ملاحظ
حاجه؟!!!

محمد:حاجه ايه ......ااااه انت مااتصلتش ببابا عشان تقوله علي

اختبارنسبه الذكاء

عبدالرحمن:لا مش كده يامحمد حاجه تانيه

محمد:ههههههه ....انت بقيت هادي كده ليه

عبدالرحمن:انا قولت بقي احنا هنقعد في الكليه دي ان شاء الله ست سنين
ولو كل حاجه اخدتها علي اعصابي هيحصلي حاجه فقررت اصبر عليك
والاجر من عند ربنا

محمد:ايه ده........... هو انا بلاء ربنا ابتلاك بيه ماشي ياعبده ....ماشي

يعني انرفزك براحتي

عبدالرحمن:ااااااااايه يامحمد الحاجه اللي انت ملاحظها؟

محمد:مش عارف قول انت

عبدالرحمن:انا من اول يوم شوفتك فيه في الكليه

محمد:اه وانت مش قادر تستغني عني هههههههههه

عبدالرحمن:لا من اول يوم شوفتك وانا قاعد اتكلم واحكي وانت بتسمع

وتنرفزني وخلاص

انت ايه رايك في الكلام اللي بقوله

محمد:بص ياعبده انت عارف طبعا انا في فتره االثانويه العامه ماكنش ليه
علاقه بالبنات وده مكانش عشان اني عارف حرمه الموضوع ده لا انا
مكنتش لسه اعرف حرمته
لكني في الفتره دي وانت اقرب واحد ليه عارف اني كنت مركز في المذاكره
وبس ............عايز ابقي دكتور بقي هههههه
ولما دخلت الكليه زي ماطلبت منك كده في اول يوم اننا نعمل صحوبيات
كنت حاسس من جوايا انا الكلام ده كلام فاضي واننا كده بنخون ربنا
وبنخون اهلنا

عبدالرحمن:ولماانت عارف انه فاضي كنت عايزه ليه

محمد:يعني هي كل حاجه قبل كده عرفنا انها حرام او كنا عارفين انها

حرام سبناها الواحد عايش حياه كلها تناقض

عبدالرحمن:ايه ده يامحمد ايه اللي انت بتقوله ده انت صدمتني بجد كده انا
زعلان منك انا مش بهزر انا مش عايزك تعيش بالمبدا ده انا حاسس انك
كويس ولو بدات هتنجح
انا عايزك يامحمد تعيش علي مبدا سمعنا واطعنا
وعايزك تعرف حاجه مهمه اوي
كل حاجه عرفت انها حرام ومترضيش ربنا لازم تسيبها فورا
تسيبها عشان ربنا ربنا وبس مش عشان اي حاجه تانيه مش عشان
المذاكرة وللا اي حاجه تانيه ربنا وبس

محمد:اسمعني بس

عبدالرحمن:هتقول ايه...... تاني اسمعني انت
انت عارف يامحمد احنا مشكلتنا ايه احنا بنغير مسميات كل حاجه عشان
تتماشي مع اهواءنا
يعني الربا اللي ربنا حرمه نسميه فوايد البنوك والخمره نسميها مشروبات
روحيه
و العلاقه بين الولد والبنت نسميها
زماله ........صداقه ......اخوات ....اي حاجة
مع ان اسمها الحقيقي هي مالهاش اسم اصلا لان مفيش حاجه اسمها
علاقه بين ولد وبنت
غيرنا اسماء حاجات ربنا حرمه لاسماء تانيه وكأنها كده خلاص بقت
حلال
حطينا احكام الدين علي شماعه ننزلها وقت مااحنا عايزين وممكن
ماننزلهاش خالص
دخلنا كل الاحكام في حياتنا ونسينا حكم ربنا وحكم الدين
انا مش عايزك يامحمد تفتحلي ودانك انا عايزك تفتحلي قلبك
وماتقولش اني هعملي فيها الحاج حسين
لا يامحمد انت عارف احساس انك كنت اعمي وفجاه ابصرت النور
كنت تايه ومره واحده عرفت الطريق عرفت انت ماشي ازاي
عشان كده انا بدعوك الي الهدي ائتنا
انت عارف انا ان شاء الله هدور علي كل اصحاب زمان وابدا معاهم من
جديد زي ماكنا بنعصي ربنا مع بعض هنطيع ربنا مع بعض
اصل اللي كان في ظلام المعصيه وربنا نورله طريقه بيبقي نفسه كل
الناس تشوف النور زيه وبيبقي حاسس بقيمه النور ده
انت ايه رايك في الكلام اللي انا بقوله

محمد:انا حاسس كل اللي بتقوله
بس عارف احساس انك عايز بس مش قادر
عرفت الحرام وعرفت الحلال بس مش قادر
تقرب خطوه من ربنا

عبدالرحمن:بص يامحمد انا هكلمك بصراحه انت لوجيت تفكر كده
احنا الاتنين قبل ماندخل الكليه كنا زي بعض كنا بنصلي وقت الامتحان
عشان ربنا ينجحنا وبعد كده خلاص مفيش حاجه في حياتنا اسمها صلاه
وكنا بنحب الاغاني والافلام
وانا كنت اسوء حال منك انا كنت متعلق بسها
يعني احنا الاتنين كنا زي بعض وانت كنت احسن مني
انت ايه رايك في حالي دلوقتي وحالي قبل كده

محمد:والله انا حاسس انك دلوقتي اسعد كتير من زمان وفي راحه نفسيه
احسن

عبدالرحمن:خلاص انت تقدر
الشيطان ونفسك هما اللي بيقولوا انك متنفعش للطريق ده
خلاص يامحمد اتفقنا هنبدا سوي من اول انهارده
وبعدين انت مش فاكر الموقف اللي انت حكيتهولي اول يوم في الكليه
الموقف ده معناه انك كويس وتقدر

محمد:موقف ايه

عبدالرحمن:انت لحقت تنسي .......موقفك مع البنت اللي كانت في كليه
تجاره وانت وقتها افتكرت موقف سيدنا موسي
صحيح انت سمعت الموقف ده فين انت

محمد:والله ياعبدالرحمن سبحان الله انا كنت بقلب في التلفزيون كده انت
عارف طبعا انا بتفرج في التلفزيون علي ايه
وفجاه كده لقيت شيخ بتكلم عن قصه سيدنا موسي انا سبحان الله مش
عارف ايه الي خلاني اسيب القناه دي واسمعها
دي كانت تقريبا اول حاجه اسمعها عن ربنا........وانبهرت بقصه سيدنا
موسي عليه السلام

عبدالرحمن:سبحان الله
انت عارف احنا نبدا سوي من جديد
وربنا قادر انه يطلع من قلبك حب الاغاني والافلام ويزرع بقلبك حب
القراءن والرسول صلي الله عليه وسلم والصحابه
هو مش ربنا بيقول

بسم الله الرحمن الرحيم

وَلَكِنَّ اللَّهَ حَبَّبَ إِلَيْكُمْ الإِيمَانَ وَزَيَّنَهُ فِي قُلُوبِكُمْ وَكَرَّهَ إِلَيْكُمْ الْكُفْرَ وَالْفُسُوقَ وَالْعِصْيَانَ أُوْلَئِكَ هُمْ الرَّاشِدُونَ (17)

محمد:ايه ده هي السوره دي في الجزء الكام

عبدالرحمن:لا متخافش انا لسه ماوصلتش للجزء ده
انا لسه في جزء المجادله
عارف انت لو بدات دلوقتي هتسبقني

محمد:ياراجل

عبدالرحمن:ابدا انت بس وبلاش كسل ....

محمد:خلاص ياعبدالرحمن اتفقنا
بس انا عايز اصارحك بحاجه مهمه

عبدالرحمن:حاجه ايه

محمد:بصراحه انا خونتك

عبدالرحمن:بتقول ايه!!!!!!



يتبع ان شاء الله

الحلقة الثامنة والعشرون




عبدالرحمن:انت خونتني في ايه يامحمد قول الصراحه


محمد:بصراحه كده ........انت لما كنت بترن عليه وتقولي كنسل وقوم


صلي بصراحه كده ماما وبابا وساعات انا كنت بكنسل عليك ومااقومش اصلي


عبدالرحمن:بتقول ايه ياااااااا

ايه ده تخيلك ان اسمك محمد



محمد:ياراجل بجد اول مره تاخد بالك من اسمي


عبدالرحمن:بص يامحمد ربنا يعلم انا بحبك في الله اد ايه


ولو انا طلبت منك طلب هتنفذه



محمد:يابني دا قبل ماتكمل كلامك اكون نفذته في الحال انت متعرفش انا


بحبك اد ايه



عبدالرحمن:طب تخيل بقي ربنا بيحبك اد ايه


محمد:بيحبني


عبدالرحمن:اه بيحبك بيحب اكتر من والدك ووالدتك واحن عليك


منهم............تخيل



ربنا اكرمك بالاسلام وانعم عليك بيه وكفي بها نعمه



انت مسلم



محمد:ايوه انا مش اسمي محمد وللا ايه


عبدالرحمن:الدليل مش بالاسم الدليل بالفعل


محمد:يعني عايزني اعمل ايه


عبدالرحمن:عايزك تحب ربنا زي مابيحبك


محمد:هو انا مبحبش ربنا


عبدالرحمن:ميت مره اقولك يامحمد الحب مش كلام الحب افعال


معني انك تحب ربنا انك تحب اللي ربنا يحبه وتكره اللي ربنا يكرهه



وربنا بيأمرك بالصلاه انت عارف لو حبيت ربنا



محمد:قولتلك انا بحب ربنا


عبدالرحمن:طب قدم دليلك انت خلاص من اول انهارده لازم تصلي لا من


دلوقتي ادامي علي الجامع احسنلك



محمد:ههههههههههه ايه ده مطلوب القبض عليه


عبدالرحمن:ايوه لانك مذنب في حق ربنا وفرطت كتير وربنا امهلك شوفت


ربنا كريم ازاي ها من اول انهارده هتلتزم والا



محمد:والا ايه


عبدالرحمن: والا ..........لا انت صاحبي


ولااعرفك ................ههههههه بس انا عارف انك ماتقدرش تستغني



عني ثانيه



محمد:انت هتعملي فيها محمد ولا ايه خلاص ياسيدي هصلي


عبدالرحمن:خلاص دي ايدي ومد ايدك واوعدني انك تدرك تكبيره الاحرام


محمد:ناقص تقولي كمان وادرك الصف الاول


عبدالرحمن:اه وايه يعني صعبه دي


هنقدر سوا ان شاء الله ونعين بعض ها اتفقنا يامحمد



محمد:خلاص اتفقنا ياعمي


عبدالرحمن:عمك...... اما اشوف لو اتظبط معايا ممكن اوافق علي الجواز


محمد:ربنا يستر


قولي بقي الحاج حسين اقنعك ازاي انك تدخل طب



عبدالرحمن:بص انت عرفت طبعا اننا هنقفل المداخل اللي كلمتك عنها قبل كده


محمد:ايوه فاكر وبعدين


عبدالرحمن:بص بقي ياسيدي


الحاج حسين:بص يابني انت لازم تبقي طبيب داعيه الي الله تعلق قلوب


الناس بربنا وماتعلقش قلوبهم بيك ولا بالدوا اللي انت بتكتبه لان ربنا هو



الشافي وانت مجرد سبب



ولازم تكون دكتور امين



انا عايزك اثناء فتره الامتحانات ماتقولش ايه يعني لمااغش السؤال ده دي



درجه مش هتفرق



مفيش حاجه اسمها مش هتفرق لان اللي يغش في درجه دلوقتي هيغش



في حياة انسان بعد كده



فاهم يابني



عبدالرحمن:ماشي ياحاج بس حضرتك قولتلي قبل كده المفروض ابعد عن


كل حاجه تفكرني بمعاصي زمان



ازاي ادخل طب واقابل سها هناك



الحاج حسين:يابني انا عايزك تبقي صاحب بصيره


يعني كل واحد لازم يعرف المعاصي اللي بتوقعه وايه الحاجة اللي بتبعده



عن ربنا



يعني انت مثلا مش مشكلتك سها



لازم تحط ايدك علي المرض الاساسي زي ماقولتلك قبل كده



سها دي عرض من اعراض المرض الاساسي




عبدالرحمن:وهو ايه المرض الاساسي اذا كانت سها عرض



الحاج حسين:مرضك الاساسي انك بعيد عن ربنا وقلبك خراب



قلبك مريض متعلق بحب محرم



يعني انت لو قلبك ماتعالجش بحب ربنا



هيدور علي اي حب تاني محرم سواء كانت سها او اي واحده تانيه



لان نفسك لو ماشغلتهاش بالحق هتشغلك هي بالباطل



اتفقنا ياعبدالرحمن



عرفت ايه اللي بيوقعك



محمد:هههههههههههههه قصده يقولك مشكلتك انك عايش فراغ عاطفي



هههههههههه



عبدالرحمن:والله يامحمد انت لو عشت حب ربنا هتعرف انك قبل كده كنت ميت



حاجه تانيه يامحمد لازم تاخد بالك منها



الحاج حسين قالي عليها



محمد:حاجه ايه تاني



عبدالرحمن:احنا اتفقنا قبل كده ان مفيش حاجه اسمها علاقه بين ولد



وبنت



بس طبعا الشيطان ونفسك مش هيسيبوك في حالك وهي خطوات



محمد:يعني ايه



عبدالرحمن:يعني ممكن بعد ماتلتزم وتعرف الحلال والحرام



الشيطان يقولك وايه يعني لما تكلم البنت دي داانت حتي مش هتكلمها في



كلام فاضي ولاحاجه



محمد:ايوه ايوه فهمت هيقولك كلمها وصاحبها عشان تذكرها بقيام الليل



وتصحيها للفجر



هههههههههه وتقولها ماتنسيش اذكار الصباح وبالمره



ادعيلي ان ربنا يهديني .............هههههههههههههههههه

الحلقة التاسعة والعشرون

يذهب عبدالرحمن الي المسجد وفي طريقه الي المسجد يدعو ان يقابل الحاج حسين كما كان يقابله

دوما في كل صلاة

ولكنه عندما يذهب الي المسجد لا يجد الحاج حسين

وبعد انتهاءه من الصلاة يتصل بمحمد

عبدالرحمن:
السلام عليكم ورحمه الله وبركاته

محمد:
وعليكم السلام ورحمه الله وبركاته ايه انا لحقت اوحشك

عبدالرحمن
:بلاش هزار يابني الحاج حسين مش في المسجد انا حاسس انه تعبان

انا هستناك تفوت عليه عشان نروح له متتاخرش انا مستنيك في المسجد

عارف لو اتاخرت همشي واسيبك

محمد
:خلاص ياسيدي جاي ان شاء الله بسرعه........ اياك تروح من غيري

مش هتتصل بيه طيب قبل مانروح جايز مايكونش في البيت

عبدالرحمن
:اه .....صح

انا هتصل بيه عماانت تيجي انا احساسي بيقولي انه في البيت

محمد
:طب ياعم ياحساس انت اتصل وانا جاي اهو

عبدالرحمن يتصل علي الحاج حسين لكنه المره دي مش هيرد عليه زي كل مره كان بيرد عليه فيها

يتصل عبدالرحمن بمحمد تاني

عبدالرحمن
:محمد ......الحاج حسين مش بيرد علي الموبايل ولا حتي تليفون البيت

محمد
:يابني هو زي مابقولك كده...... ماتقلقش هتلاقيه بس سافر ومش عايز حد يزعجه

ممكن السفر جه فجأه ومالحقش يقولك

عبدالرحمن:
لاااااااا يامحمد ........ انا حاسس انه .......ماااا

محمد
:لا ياعبدالرحمن ماتقولش كده هو اكيد مسافر .......اه اكيد سافر فجأه

هو يعني ياعم اه بيعتبرنا زي اولاده بس هو وراه شغل برضه انت ناسي انه داعيه وخدام عند ربنا

زي ماكان بيقولنا وللا ايه يابني .......اه اكيد سافر

عبدالرحمن
:يارب يكون سافر ويرجع لنا تاني يارب

محمد:
انا خلاص هركب اهو وجاي ونروح نسأل عليه في بيته واكيد الجيران هيقولولنا انه سافر

عبدالرحمن
:يارب

ويقابل محمد عبدالرحمن ويروحوا لبيت الحاج حسين

ولما يوصلوا للبيت

محمد
:شوفت اهو هو اكيد سافر ومحدش خالص في البيت عشان يفتحلنا او حتي كان يرد علي

التليفون هو سافر واخد زوجته معاه

عبدالرحمن
:ياسلام .......

محمد
:بص هو لو كان اللي في دماغك كان زمان زوجته هنا صح ولا ايه

وبعدين انت مش طول عمرك بتقول اني مابفهمش

خليك معايا كده بالعقل هو لو .....كده يعني........ هيلحق

عبدالرحمن
:هيلحق يعني ايه.......

محمد:
ماتفهم يابني هو انت مالقتهوش في صلاه الفجر والضهر ولو في حاجه من اللي في دماغك اكيد

الناس اللي في الجامع هتكون عارفه

ولو هو يعني ........ لا لا لا هو اصلا مامتش

بص بقي انا هروح اخبط علي الجيران اسالهم عشان ابين لك ان غلطان


ويخبط محمد علي جيران الحاج حسين

محمد
:السلام عليكم ورحمه الله وبركاته

جارة االحاج حسين
:وعليكم السلام ورحمه الله وبركاته تلزم اي خدمه يابني

محمد
:لو سمحت ياحاجه انا كنت عايز اسال عن الحاج حسين

جارة الحاج حسين:
الحاج حسين ......دا الساعه 3الصبح تعب اوي ونقلوه المستشفي دا حتي زوجي

عنده دلوقتي

محمد
:تعب امتي وازاي فجاه كده

جاره الحاج حسين
:ربنا يشفيه ويعافيه انا مش عارفه ايه اللي حصله بيقولوا تقريبا دخل في غيبوبه

محمد
:غيبوبه...غيبوبه ايه طب ياحاجه جزاكي الله خيرا

جاره الحاج حسين
:وجزاكم مثله .......هو انت مش عايز تعرف هو في مستشفي ايه

محمد
:ااااااااه نسيت .......هو في مستشفي ايه

وبعد الانتهاء من الكلام مع جاره الحاج حسين

محمد:شوفت اهو لسه عايش الحمد لله

وبعد الانتهاء من الكلام مع جاره الحاج حسين

محمد
:شوفت اهو لسه عايش الحمد لله


عبدالرحمن
:ده في غيبوبه يامحمد انت ماسمعتش وللا ايه

محمد
:خير ياعبدالرحمن ان شاء الله خير



خليك راجل ......خير ان شاء الله

عبدالرحمن
: الحاج حسين تعبان .......

يارب مايسيبني لوحدي

محمد
:اسكت ياعبدالرحمن الله يكرمك

وتعالي يلا عشان نزوره

وان شاء الله يخرج معانا

عبدالرحمن
:يارب

ويذهب محمد وعبدالرحمن لزيارة الحاج حسين

عبدالرحمن
:السلام عليكم ورحمه الله وبركاته ازيك ياحاجه

زوجه الحاج حسين
:وعليكم السلام ورحمه الله وبركاته

ازيك ياعبدالرحمن عامل ايه يابني .....ازيك يامحمد

تعبتوا نفسكوا ليه

عبدالرحمن
:لا مفيش تعب ولا حاجه هو الحاج حسين فين دلوقتي

زوجه الحاج حسين
:الحاج حسين....الحاج حسين في العنايه المركزه دلوقتي

محمد
:ليه ......

زوجه الحاج حسين
:امبارح بعد صلاه العشا بفتره دخل الحاج حسين عشان ينام وقالي صحيني الساعة30/2ولما جيت عشان اصحيه

عبدالرحمن:
هدي نفسك بس ياحاجه خير ان شاء الله

زوجه الحاج حسين
:يارب يابني

انا لما صحيته لقيته مابيردش عليه

ولما نقلناه المستشفي الدكتور قال دي غيبوبه كبديه

بس انا خايفه عليه اوي

هو لسه في غبيوبه لحد دلوقتي

محم
د:خير ان شاء الله يقوم زي الاول واحسن

زوجه الحاج حسين
:دي اول مره تيجيله الغيبوبه دي

عبدالرحمن
:في سره غيبوبه كبديه.........غيبوبه اسمها الالتزام.......ااااااااااه ياتري هيرجع يكلمني

تاني عن الالتزام

ولما يحس عبدالرحمن ان زوجه الحاج حسين اخدت بالها من بكاءه

يستاذن هو ومحمد ويقول لزوجه الحاج حسين حضرتك معاكي رقمي علي موبايل الحاج حسين اي

حاجه حضرتك عايزاها اتصلي بيه علي طول

ان شاء الله هيقوم بالسلامه احنا هنيجي تاني نزوره انهارده ويكون قام ان شاء الله

زوجه الحاج حسين
:الله يكرمك يابني

وبعد خروج محمد وعبدالرحمن من المستشفي

محمد:
خير ياعبدالرحمن بسيطه ان شاء الله

عبدالرحمن
:هو.......ممكن يموت

محمد
:كلنا هنموت ياعبدالرحمن

عبدالرحمن
:بس ......انا مش .....مش هقدر اكمل من غيره

فاكر لما كان بيقولنا انا مش عايز اسمع كلمه مقدرش دي الا في حاله واحده بس

اه انا مقدرش اعصي ربنا زي ماكان بيقولي

بس مش هقدر اكمل من غيره

انا هبقي يتيم من بعده تاني يا محمد ........انا كنت يتيم قبل مااعرفه

انت مش حاسس بيه يامحمد


هو اول واحد قالي الطريق من هنا

هو اول واحد عرفني بربنا

هيموت كده ويسيبني لوحدي تاني زي ماكنت لوحدي قبل كده طب هيسيبني لمين

محمد
:اهدي شويه ياعبدالرحمن

انت لو افتكرت يوم مااخدك لقبر محمود هتعرف انه كان بيقولك ماتتعلقش بيه وعلق قلبك بربنا بس

فاكر وللا لا ياعبدالرحمن

هو عارف ومقدر كويس انت متعلق بيه اد ايه عشان كده قالك الكلام ده

انا عارف انك فاكر كويس بس انت مش مسيطر علي نفسك دلوقتي

فاكر لما قالك انك لازم تكمل بعده وانه مش هيسمحلك ابدا انك تقع تاني

وانت هتكمل ياعبدالرحمن حتي لو الحاج حسين......

عبدالرحمن
:اسكت يامحمد.....اسكت.........

انا مكنتش عايز امشي واسيبه بس مكنتش عايز زوجته تشوفني في الحاله دي

روح انت يامحمد دلوقتي

محمد
:وانت هتروح فين

عبدالرحمن
:انا هروح اقعد في اي مسجد استني صلاة العصر وبعد كده هرجعله تاني

محمد
:طب ماتخلينا لبعد المغرب احنا لسه راجعين من عنده

احنا نروح بعد العصر وانت تستريح شويه ونرجعله المغرب وانا عندي احساس انه يكون قام ان شاء

الله
روح استريح شويه ونروح بعد المغرب


يتبع ان شاء الله

الحلقة الثلاثـــــــــــــــون


يتصل عبدالرحمن بمحمد



عبدالرحمن:السلام عليكم ورحمه الله وبركاته الحاج حسين فاق من الغيبوبه الحمد لله رب العالمين


يلا البس بسرعه عشان نروح

محمد:الحمد لله انا هلبس علي طول اهو ونتقابل عشان نروح بس انت

عرفت منين انه فاق من

الغيبوبه


عبدالرحمن:زوجته اتصلت بيه دلوقتي يلا بقي بسرعه انت لسه هتقعد تسال

ويتقابل عبدالرحمن ومحمد ويروحوا المستشفي للحاج حسين

عبدالرحمن:السلام عليكم ورحمه الله وبركاته الحمد لله رب العالمين شفاك الله وعفاك


محمد:اسال الله العظيم رب العرش العظيم ان يشفيك


الحاج حسين:وعليكم السلام ورحمه الله وبركاته وحشتوني اوي


ايه اخباركم

محمد وعبدالرحمن:بخير والحمد لله المهم حضرتك ياحاج حسين



الحاج حسين:انا بخير الحمد لله ماتقلقوش



المهم انا عايز اقولكم كلام مهم

محمد وعبدالرحمن:لا ياحاج ماتتعبش نفسك ان شاء الله تخرج بالسلامه وتقولهولنا



حضرتك لسه قايم من الغيبوبه استريح بس ونتكلم بعدين

الحاج حسين:لا لازم اقوله دلوقتي



وانتوا تسمعوه من غير ماتقطعوني

انا اول مره تجيلي الغيبوبه الكبديه والحمد لله اني قمت منها عشان لازم

تسمعوا الكلام ده مني محدش عارف

عبدالرحمن:يعني ايه محدش عارف



الحاج حسين:انا مش قولت مش عايز حد يقاطعني ياعبدالرحمن



اسمعي للاخر يابني الله يكرمك ويحبك

انا هقولوكوا حاجه

ومش عايزك يامحمد تقولي انت بقيت مهندس مدني وللا


ايه................ ههههههههه زي ماكنت فاكر اني دكتور

محمد:هههههه لا خلاص احنا اتفقنا مش هنقاطع حضرتك


الحاج حسين:
اول حاجه لازم تعرفوها ان اللي عايز يبني بيت كويس لازم الاساس يبقي متين



اهم حاجه الاساس

عشان كده لازم يبقي عندكم ثوابت ماتفرطوش فيها ابدا مهما كان

الثوابت دي تبقي زي روحك وحياتك

طبعا لو اي حد فرط في روح اكيد هيموت

وامراض القلوب وموتها اصعب بكتير من امراض وموت الابدان

واللي جرب عارف صح وللا ايه

عبدالرحمن:صح والله واللي عاش الموت والحياه هو اللي يقدر يفرق بس



هي ايه الثوابت اللي منفرطش فيها

الحاج حسين:الثوابت هي اي حق من حقوق ربنا علينا اي حاجه تعرفوا



ان ربنا امرنا بها وفرضها علينا لازم تبقي ثوابت في حياتنا

لازم يبقي ربنا الاول والاخير في حياتنا نقدمه علي اي حاجه وعن كل

حاجه

والاصل الثابت اللي لازم ترجعوا ليه في كل حاجه هو القراءن والسنه

ومحدش فيكوا يتبع هواه عشان مايضلش فاهمين

لان اللي هيبني بيت علي اساس الهوي البيت ده لازم هيقع علي دماغه

فاهم يا بشمهندس محمد

محمد:ههههههههههههههه لا انا دكتور بس انا فاهم الحمد لله



الحاج حسين:تاني حاجه مش عايزكم تبقوا ممثلين



محمد:الحمد لله احنا دكاتره



الحاج حسين:انت دايما غلباوي يامحمد هههههههههه



انا عايز الدين يبقي نبض حياتكم

وماتمثلوش علي نفسكم والناس دور الالتزام

محمد:هههههههههه انا مش فاهم حاجه خاااااااااااالص هندسه وتمثيل



وطب
عبدالرحمن:اسكت شويه يامحمد الحاج حسين تعبان مش اد هزارك



الحاج حسين:هههههههه انت عارف يامحمد انا لو عندي بنت مكنتش فرط



فيك حتي تضحكني طول الليل والنهار

محمد:هههههههههه اسمع ياعبدالرحمن عشان تعرف قيمتي بس



الحاج حسين:هو عارف قيمتك من غير حاجه يامحمد



المهم نرجع لكلامنا والله يامحمد انت شكلك كده هتنسيني اللي انا عايز

اقوله
احنا كنا بنقول ايه

محمد:كنا بنكلم في التمثيل



الحاج حسين:اه انا في بدايه معرفتي بيكم



كنت قايم بدور الاب والمربي الحريص علي اولاده واللي دايما بيوجههم

للطريق الصحيح
عشان كده عايزكم تعيشوا دين وتعيشوا عشان الدين

انا مكنتش مخرج وطلبت منكم انتوا الاتنين تقوموا بدور الملتزم عشان

الناس تتفرج عليكوا ويقولوا الله شكلهم حلو

وبعد فتره الدور يخلص والناس فرحانه بيكم اوي وتخرجوا من التمثيل ده

بفرحه الناس وباشكال ملتزمه وخلاص

انا مش عايز تعب السنين ده كله يروح علي الفاضي

انتوا فاهمين انا قصدي ايه

محمد:ايوه يعني حضرتك عايزنا نصلح الباطن والظاهر وماكنش اشباه



ملتزمين

الحاج حسين:تبارك الله ايه ده يامحمد



هو انت ساكت ليه ياعبدالرحمن مش فاهم كلامي

عبدالرحمن:لا فاهم بس حضرتك كده بتتعب نفسك وباين علي حضرتك


التعب وحضرتك كنت من شويه في العنايه المركزه

الحاج حسين: العنايه المركزه فاكرالعنايه المركزه ياعبدالرحمن



عبد الرحمن:العنايه المركزه والستاره اللي نخرج بها من العنايه المركزه



كل كلمه حضرتك قولتها محفوره جوايا

محمد:اه وانا كمان فاكر حتي الستاره دي كمان اللي هنخليها بيننا وبين



الحرام عشان مانشوفوش

الحاج حسين:الحمد لله



تالت حاجه انا عاملتكم في الاول معامله الاطفال

محمد:معامله اطفال ههههههههههههه طب انا ممكن اه يعاملوني معامله




اطفال هههههههه طب وعبد الرحمن كمان بقي زيي


معامله اطفال ايه




يتبع ان شاء الله

الواحدة والثلاتين

عبدالرحمن
:يعني ايه معامله اطفال

الحاج حسين
:يعني لما يكون عندك طفل ماسك في ايده لعبه

انت عشان تاخد اللعبد دي من ايده لازم تديله بديل

والا هيقعد يعيط ومش هيسكت ولو بطل عايط قلبه هيكون متعلق باللعبه

محمد
:اه والله بس ده ايه علاقته بينا

الحاج حسين
:بصوا انا هقولوكوا ايه العلاقه بس انا عايزكم تتبعوا الحاجه دي في دعوتكم لاي حد

مثال الطفل واللعبه ده مثال لاي عاصي بيعصي ربنا ومتعلق باي حاجه غير ربنا

فانت بقي عشان تاخد المعصيه دي من قلبه كده ومن ادام عينه

لازم تديله بديل

زي الطفل بالظبط عشان تاخد اللعبه منه لازم تبدله بحاجه احسن منها عشان يرضي يسيب اللعبه اللي

في ايده

يعني مثلا لو واحد بيسمع اغاني انت بعد ماتبين له حرمه الغناء ماتقعدش ساكت

لازم تقدمله بديل ماهو يعني هيعمل ايه في الوقت ده لازم تشغل وقته بحاجه

يعني تشجعه علي سماع القراءن وحفظه

ولو واحد بيحب واحده مثلا

محمد:
انا الحمد لله مش بعاني من الموضوع ده

الحاج حسين:
ماشي يامحمد بس اسمعني

المهم انت يعني لازم تطلع من قلبه الحب ده وتبين له خطورته وتملا قلبه بحب ربنا

وهو بعد كده هيعرف انه كان بيلعب

لما يقولك انا حبيت حب محدش حبه بعد كده هيعرف ان اللي محبش ربنا ميعرفش اصلا يعني ايه حب

بعد كده ننتقل لنقطه تانيه

عبدالرحمن:
كفايه علي حضرتك كده انهارده احنا هنيجي تاني بكره نشوف حضرتك

الحاج حسين
:اسمع بس ياعبدالرحمن

انتوا شايفين المرضي اللي هنا

محمد
:اااااااااه داانا حتي لما بدخل المستشفي بحس ان مفيش حد بره ولما بخرج من المستشفي بحس

ان مفيش حد تعبان

عبدالرحمن
:اه وانا كمان بحس نفس الاحساس

الحاج حسين
:كويس اوي

اسمعو الايات دي كده


بسم الله الرحمن الرحيم
حَتَّى إِذَا جَاءَ أَحَدَهُمْ الْمَوْتُ قَالَ رَبِّ ارْجِعُونِ (99)لَعَلِّي أَعْمَلُ صَالِحاً فِيمَا تَرَكْتُ كَلاَّ إِنَّهَا كَلِمَةٌ هُوَ قَائِلُهَا وَمِنْ وَرَائِهِمْ بَرْزَخٌ إِلَى يَوْمِ يُبْعَثُونَ (100)فَإِذَا نُفِخَ فِي

الصُّورِ فَلا أَنسَابَ بَيْنَهُمْ يَوْمَئِذٍ وَلا يَتَسَاءَلُونَ (101)فَمَنْ ثَقُلَتْ مَوَازِينُهُ فَأُوْلَئِكَ هُمْ الْمُفْلِحُونَ (102)وَمَنْ خَفَّتْ مَوَازِينُهُ فَأُوْلَئِكَ الَّذِينَ خَسِرُوا أَنفُسَهُمْ فِي جَهَنَّمَ خَالِدُونَ(103) تَلْفَحُ وُجُوهَهُمْ النَّارُ وَهُمْ فِيهَا كَالِحُونَ (104
أَلَمْ تَكُنْ آيَاتِي تُتْلَى عَلَيْكُمْ فَكُنتُمْ بِهَا تُكَذِّبُونَ (105)
قَالُوا رَبَّنَا غَلَبَتْ عَلَيْنَا شِقْوَتُنَا وَكُنَّا قَوْماً ضَالِّينَ (106)
رَبَّنَا أَخْرِجْنَا مِنْهَا فَإِنْ عُدْنَا فَإِنَّا ظَالِمُونَ (107)
قَالَ اخْسَئُوا فِيهَا وَلا تُكَلِّمُونِ (108)
إِنَّهُ كَانَ فَرِيقٌ مِنْ عِبَادِي يَقُولُونَ رَبَّنَا آمَنَّا فَاغْفِرْ لَنَا وَارْحَمْنَا وَأَنْتَ خَيْرُ الرَّاحِمِينَ (109)
فَاتَّخَذْتُمُوهُمْ سِخْرِيّاً حَتَّى أَنسَوْكُمْ ذِكْرِي وَكُنتُمْ مِنْهُمْ تَضْحَكُونَ (110)
إِنِّي جَزَيْتُهُمْ الْيَوْمَ بِمَا صَبَرُوا أَنَّهُمْ هُمْ الْفَائِزُونَ (111)



محمد
:حضرتك تقصد ايه

الحاج حسين
:انا اقصد ان اللي بيعصي ربنا بيكون فاكر ان محدش بيطيع ربنا

مش معني اننا مش شايفين انه مفيش

يعني مش معني انك قاعد هنا في المستتشفي في وسط المرضي ان مفيش حد سليم بره انت بس اللي

مش شايف كويس

ومش معني انك بتعصي ربنا وشايف ناس كتير بتعصي حواليك ان مفيش حد بيطيع ربنا


يعني في الايات دي لما ربنا بيسأل العصاه يوم القيامه انتوا ليه عصيتوني

قالوا اننا كلنا كنا قوم ضالين كلنا كنا بنعصي كلنا كان حالنا واحد

فربنا رد عليهم وقال انه كان في فريق من المؤمنين كانوا بيطيعوني بس انتوا اللي كنت بتستهزءوا

بيهم وتسخروا منهم

فلازم تحسبوها صح مش معني ان الغالب اللي انتوا شايفينه ان الناس بتعصي انهم صح وعلي حق

فلاتغتر بكثرة الهالكين ولايبعدك عن طريق الالتزام قلة السالكين

وافتكروا دايما الكلمه دي ليس الغريب بمن هلك كيف هلك

ولكن الغريب بمن نجا كيف نجا

ولازم تقارنوا نفسكوا دايما بالناس اللي اعلي منكم في الالتزام والتدين عشان همتكوا تبقي عاليه

المهم انا عايز اقولك حاجه مهمه ياعبدالرحمن

فاكر الهدايا والجوابات بتاعه سها

عبدالرحمن:ايوه فاكر

الحاج حسين
:الحاجات دي لسه عندي

انت لازم تاخدها انا ممكن كنت اتصرف فيها لكن انا عارف انك دلوقتي هتحسن التصرف فيها

انا عايز يكون القرار نابع من نفسك

انت وقت ماجبت الحاجات دي عندي واتنازلت عنها دي كانت خطوه كويسه

وممكن لو طلبت منك وقتها انك تتصرف فيها ممكن كنت اتصرفت فيها تحت طغط مني

لكن دلوقتي انا عارف انك هتاخد القرار الصح

عبدالرحمن
:لا انا مش عايزها ومش هاخدها

انا مش عايز اشوفها تاني

الحاج حسين:
انت هتاخدها عشان تتصرف فيها التصرف اللي يليق وانا عارف انت هتعمل فيها ايه

عبدالرحمن
:ماخلاص حضرتك اعمل الي انت متاكد اني هعملها بسيطه

الحاج حسين
:لا انا مش عايز افرض حاجه عليك انا عايز دايما قرارك يكون نابع منك مش اي حد

تاني يفرضه عليك مهما كان

لازم تكوت راضي من جواك من قراراتك وتاخدها بنفسك عشان تكون ملتزم صح مش بتاخد قرارات

عشان ترضي الناس لا انت بتاخد قرارات عشان ترضي ربنا في الاول وفي الاخر

وبعدين انت ممكن يكون عندك رواسب لازم تتخلص منها وتحرقها

عبدالرحمن
:لا انا مش عايزها ......انا مش عايز افتكرها

محمد
:ياجماعه بلاش تتخانقوا انا هاخدهم واقف ابيعهم في اي جنب والجوابات هديهم لاي بقال يبيع

فيهم مش مشكله يعني

الحاج حسين:
هههههههههه وماله

خلاص انت هتاخدهم ياعبدالرحمن وهتعرف اهميه كلامي بعد كده

المهم انتوا مستعدين

محمد:
علي ايه
الحاج حسين:
علي السفر

عبدالرحمن:
سفر ايه

الحاج حسين
:المؤمن لازم يكون مستعد دايما انه يسافر في اي وقت

محمد
:يسافر فين

الحاج حسين
:يسافر ويسيب الدنيا

يعني انت لازم تكون مستعد تسافر في اي وقت شوف الحال اللي هتقابل ربنا بيه

وشوف هتحضر ايه في شنطة سفرك

محمد
:شنطه ايه

الحاج حسين
:الشنطه دي اللي لازم يكون فيها اعمال صالحه تقابل ربنا بيها

يعني مثلا اللي بيسافر لمكان معين بيحضر شنطه السفر وياخد الحاجات اللي تنفعه في المكان اللي

هيسافر ليه

انت بقي وانت مسافر لربنا وخلاص هتتحط في قبرك ايه اللي هتاخده في شنطه سفرك

ايه اللي هينفعك وانت رايح لربنا

تفريط في الصلاه..... تهاون في حق ربنا......ذنوب خلوات

اغاني .....مسلسلات ......افلام .....حب محرم.....غيبه.....نميمه

محمد
:وصلت الفكره

يعني حضرتك عايزنا نكون دايما في وضع الاستعداد

يعني نكون دايما علي طاعه ومجهزين شنط السفر

ونحط فيها

صلاة....وذكر .....وقيام......وحب وقرب من ربنا.....وطاعه ربنا وتعظيمه في كل امر ونهي

الحاج حسين:
ايوه يامحمد

واياكم والتهاون والانتكاس

لان اللي عرف حب ربنا وقرب منه مش زي اللي معرفش ربنا وحبه

عشان كده لازم تلتزموا ببيئه الالتزام وماتخرجوش منها ابدا لان والله لو طلعتوا منها هتموتوا

انا عايزكم تركزوا في كل كلمه وكل حرف سمعتوه مني قبل كده وتمرروا علي قلبكم

انا عايز اطلب منكم طلب كمان بس هو صعب شويه بس ان شاء الله تنفذوه

محمد
:طلب ايه

نتخصص باطنه ونشوف مرضي في غيبوبه وكده يعني

الحلقة التانية والثلاثون


عبدالرحمن:لا اكيد هو طلب تاني

الحاج حسين:قبل مااقول الطلب انا عايز اسأل سؤال مهم

هو لو مهندس بني بيت وبعد كده المهندس مات البيت يقع


محمد:وهيقع ليه هو مش البيت وقف خلاص


الحاج حسين:وانت ياعبدالرحمن ايه رايك

عبدالرحمن:رايي

الحاج حسين:ايوه انت ساكت ليه

عبدالرحمن:البيت هينهار مش هيقع

الحاج حسين:ليه كده ياعبدالرحمن معني ان البيت ينهار ان

الارض ماكنتش صالحه ان المهندس يبني عليها والسبب ده انا

بستبعده

او ان المهندس خان ومبناش صح

عبدالرحمن :لا المهندس ماخانش

بس البيت كان بيحب المهندس واتعلق بيه

محمد :بيت ايه ومهندس ايه

الحاج حسين:عارف يامحمد لو مكنتش فاهم انا ممكن تجيلي

سكته قلبيه واروح فيها

محمد:لا طبعا فاهم

الحاج حسين: مع اني مش مطمن لفهمك ده بس الحمد لله

محمد:هههههههه

عبدالرحمن:هو ايه الطلب الصعب اللي حضرتك عايزنا نعمله

الحاج حسين: ماتستعجلش ياعبدالرحمن كل حاجه هتعرفها في

وقتها

حتي لو معرفتهاش دلوقتي هتعرفها في وصيتي

المهم عشان انا حاسس اني مش هلحق اقولكم كل حاجه

وحاسس خلاص اني لازم اقفل شنط سفري

سبحان الله ممكن في الدنيا دي تجهز لحاجات كتير اوي وفي

الاخر ماتبقاش ليك وانت للاسف تعبت اوي فيها

لكن الحاجه اللي بتجهز لها واكيد هتاخدها معاك هي شنطه

سفرك لربنا

سفر من غير رجوع


ولو حد في الدنيا دي كان مسافر ونسي ياخد حاجه في شنط

سفره ممكن لو في وقت يرجع ياخدها او ممكن يشتريها

من المكان اللي هيسافرله

بس السفر ده مفيش منه رجوع تاني ولو نسيت وضيعت وقتك

في حاجات فاضيه وغفلت عن حاجات كانت هتنفعك هناك للاسف مش هترجع
تاني

عشان تاخدها

عبدالرحمن:كفايه ....كفايه كده

الحاج حسين:لا مش كفايه ولا حاجه ......لازم تسمع كلامي

للاخر

عبدالرحمن:لا انا مش قادر استحمل ولاانا هقدر اكمل

بعدك ....مقدرش

الحاج حسين:مش عايز اسمع الكلام ده تاني منك ياعبدالرحمن

انا مش قاسي عليك ولاحاجه بس......انا عايزك تعرف انك زي

ابني بالظبط انت ومحمد

وربنا اللي يعلم حبي ليكم اد ايه

وعلي اد حبي ده انا خايف عليكم اوي

انا عارف اني خلاص وظيفتي انتهت بالنسبه لكم وانا خلاص

مش هعيش في الدنيا دي اد اللي عشته قبل كده

عشان كده انا قبل مااسيبكم لازم اطمن عليكم

لان والله الموت عندي اهون من اني اشوفكم رجعتم خطوه

واحده في الطريق اللي انتوا ماشين فيه

انا زي ماقلت كده المهندس مايقدرش يشوف البيت اللي تعب

فيه بينهار ادام عينه

مادام الاساس صح يبقي عمر مالبيت هيقع صح ياعبدالرحمن

كان الاساس صح وللا لا

عبدالرحمن ماتعيطش ورد عليه

عبدالرحمن:لا انا خلاص هبقي يتيم تاني

انا عارف ان الاساس صح وحضرتك ماقصرتش معايا بالعكس

حضرتك عوضتني كتير

بس ......انا مش هقدر اكمل لو......

الحاج حسين:عبدالرحمن.....اسكت انت كده بتموتني

يعني ايه مش هتقدر تكمل من غيري ......

يعني ايه....

محمد:ياحاج حسين ...اصبر عليه هو بس مش مستوعب .....

استحاله نرجع عن الطريق لاي سبب من الاسباب

الدين ده مابيموتش لموت حد

الحاج حسين:الله المستعان.......

المهم انا عايزكم تاخدوا بالكم من علامات الطريق




محمد:علامات ايه
الحاج حسين:العلامات دي اللي هتحسسك انك ماشي صح في
الطريق

لازم تلتزموا بالقراءن والسنه والصحبه الصالحه

يعني مثلا اللي رايح مصر في طريقه لها بيلاقي علامات تقوله

انه ماشي صح وفاضل علي الطريق كام كيلو

فانتوا بقي في طريقكم لربنا لو حسيتم انكم ضليتوا الطريق او

حسيتم بأي زلل لازم تراجعوا نفسكم

والله العمر اقصر من اننا نضيعه في حاجات فاضيه

لان مش هينفع تمشي في طريقين في نفس الوقت وماتخليش

نفسك تديك مسكنات وتسكتك

لان وانت بتعمل معصيه بتبقي حاسس من جواك ان في حاجه

غلط وبدل ماتقف وترجع تدور علي الطريق الصح

نفسك تديك مسكنات وتسكتك وتقولك مش مشكله هنتصلح

بعدين

لاااااا مش هينفع تتصلح بعدين

لان زي ماقلت قبل كده العلاج كل مكان بدري كل ماالمضاعفات

كانت اقل

واحسن من كل ده الوقايه

لازم يكون فيه حاجز بينكم وبين المعاصي

يعني تخيلوا واحد مش شايف المعصيه اصلا ومش حاسس بها

هيعصي ازاي

وخلوا بالكم من الكلمه الخطيره دي

ان اللي بيقع من فوق سطح الجبل مش هيستقر الا في سفح

الجبل

والله الكلمه دي خطيره جداااااااااا

يعني اللي هيبدا يقع مش هيقف عند حاجه معينه

اعرفوا انكم لما تبدءوا في التساهل وتقديم تنازلات

اعرفوا وقتها انكوا خلاص هتستمروا علي كده

عشان كده اول ماتحسوا بالزلل الحقوا نفسكوا واستجيبوا لجهاز

الانذار وابعدوا عن المسكنات

مش هينفع تكون ملتزم وتقول وايه يعني لمااعمل كذا او كذا

اسال نفسك الاول دي ترضي ربنا وللا لا

مش هينفع تمشي في طريقين في نفس الوقت

داانت حتي عندك رجلين بس مش اربعه

محمد:ههههههههه لا حلوه احنا مش ذوات الاربع حتي

الحاج حسين:انا عايزكم دايما تقولوا للمعاصي انا خارج نطاق

الخدمه

محمد:هههههههههههههه مينفعش نقولها مشغول ولا غير

متاح وحاول الاتصال في وقت لاحق


هو حضرتك بتشتغل ايه بالظبط


الحاج حسين:خدام عند ربنا

هاقرروا انتوا في اي فريق

محمد:فريق الاهلي ههههههههههههههه

الحاج حسين:ههههههههههههه محمد انت دايما تخرجني عن

الجو الي بتكلم فيه اهلي ايه وزمالك ايه

انا قصدي فريق الجنه وللا فريق السعير



بسم الله الرحمن الرحيم

وَكَذَلِكَ أَوْحَيْنَا إِلَيْكَ قُرْآناً عَرَبِيّاً لِتُنْذِرَ أُمَّ الْقُرَى وَمَنْ حَوْلَهَا وَتُنْذِرَ يَوْمَ الْجَمْعِ لا رَيْبَ فِيهِ فَرِيقٌ فِي الْجَنَّةِ وَفَرِيقٌ فِي السَّعِيرِ (7)




ها في سوره ايه دي يامحمد

محمد:ايه ده هو ده في الحفظ اللي حفظناه

الحاج حسين:ايوه

محمد:بس احنا كده اتاخدنا علي خوانه ومش مراجعين

الحاج حسين:هههههههههه خوانه...........هههههههههههه

محمد:اه افتكرت في سوره الشوري

الحاج حسين:طب يلا كمل من بعدها

محمد:ماشي ربنا يستر


بس لو اتلخبط سماح بقي انا مش مراجع

الحاج حسين:ماشي يلا سمعني

وبعد انتهاء محمد من تسميع سوره الشوري

الحاج حسين:تبارك الله..... الحمد لله انتوا كده حفظتوا نص

القراءن تقريبا

انا عايزكم توعدوني انكوا تكملوا

ها وعد

محمد:وعد

الحاج حسين:انت ساكت ليه ياعبدالرحمن مش هتوعدني

عبدالرحمن:بايه

الحاج حسين:انك تكمل بعدي

انا واثق من كده انت هتكمل وهتبقي داعيه في يوم من الايام


عبدالرحمن:داعيه

مش اما ابقي اكمل الطريق اصلا واستمر فيه

داعيه ايه .......بقي

الحاج حسين:عبدالرحمن ........انا عايز اطمن عليكي يابني اوعدني انك هتكمل

عبدالرحمن:ازاي.......هو في حد يكون ماشي في طريق منور

وفجأه النور يقطع

هيكمل الطريق ازاي

ولو نبات الدعامه بتاعته وقعت هيوقف هو ويكمل ازاي

استحاله يكمل

لانه هيرجع يتيم تاني

الحاج حسين:انا زي ماقولت انت هتبقي داعيه صدقني هتكمل

بكره انت ومحمد ان شاء الله هتبقوا اسود في الدعوة الى الله

في شباب كتير ضايعين وانا مشفق عليهم جدا بس خلاص

مفيش بايدي حاجه اعملها

بس انتوا البذرة اللي انا زرعتها وان شاء الله هتطلع ثمار كتير

انا متاكد من كده

متاكد انكوا مش هتسيبوا الشباب يضيعوا

لازم هتقولولهم تعالوا الطريق من هنا

الراحه والسعاده والامان كله في الطريق ده

يلا سمع ياعبدالرحمن

عبدالرحمن:اسمع ايه

الحاج حسين:سوره الزخرف

محمد سمع الشوري وانت يلا سمعني الزخرف

عبدالرحمن:لا انا مش هعرف اسمع حاجه دلوقتي

الحاج حسين:اسمع كلامي يابني الله يكرمك

ممكن يكون ده اخر طلب اطلبه منك

سمع يلا

ويبدا عبدالرحمن في التسميع

الحاج حسين:الله ......الايات دي جميله اوي

قولها تاني ياعبدالرحمن



عبدالرحمن:

يَا عِبَادِ لا خَوْفٌ عَلَيْكُمْ الْيَوْمَ وَلا أَنْتُمْ تَحْزَنُونَ (68)
الَّذِينَ آمَنُوا بِآيَاتِنَا وَكَانُوا مُسْلِمِينَ (69) ادْخُلُوا الْجَنَّةَ أَنْتُمْ وَأَزْوَاجُكُمْ تُحْبَرُونَ (70)
يُطَافُ عَلَيْهِمْ بِصِحَافٍ مِنْ ذَهَبٍ وَأَكْوَابٍ وَفِيهَا مَا تَشْتَهِيهِ الأَنفُسُ وَتَلَذُّ الأَعْيُنُ وَأَنْتُمْ فِيهَا خَالِدُونَ (71)

وَتِلْكَ الْجَنَّةُ الَّتِي أُورِثْتُمُوهَا بِمَا كُنتُمْ تَعْمَلُونَ (72)

لَكُمْ فِيهَا فَاكِهَةٌ كَثِيرَةٌ مِنْهَا تَأْكُلُونَ (73)



الحاج حسين:لا اله الاالله

محمد:انا لله وانا اليه راجعون

عبدالرحمن:لا انت بتهزر صح


انت علي طول بتهزر يامحمد اه صح قولي انك بتهزر المره دي

هو مات لا هو مامتش زي محمود مامات وكان بيقول انا فرطت

كتير

كان لسه بيسمعني دلوقتي

ده كان اخر طلب يطلبه مني

لاااااااااا

انا بقيت يتيم تاني

طب الاول كان طول عمري يتيم

بس دلوقتي بعد مالقيت حد يحبني ويسمعني ارجع يتيم تاني

انا خلاص بقيت يتيم يامحمد

لوكان ينفع كنت اديته من عمري وعاش معايا

صدقني يامحمد انا مش هكمل من غيره

انا هرجع تاني اعيش في الضلمه اللي كنت فيها

في حد بيكمل في طريق النور اللي كان فيه مات

هو بجد مات يامحمد

ممكن يكون راح في غيبوبه

انت ما بتردش ليه يامحمد

انا هنادي للدكتور يشوفه ....اه هو اكيد في غيبوبه وهيرجع

تاني يسمعني ويرد عليه

ويروح عبدالرحمن ينادي الدكتور

وبعد مايجي الدكتور وتدخل زوجه الحاج حسين

عبدالرحمن:هو في غيبوبه صح

الدكتور:انا لله وانا اليه راجعون

زوجه الحاج حسين:انا لله وانا اليه راجعون

عبدالرحمن:لا انتوا اكيد بتهزروا

اتاكد يادكتور ممكن يكون في غيبوبه اتاكد

محمد:خلاص ياعبدالرحمن الحاج حسين مات

عبدالرحمن:خلااااااااااص ............


محمد:استني استني ياعبدالرحمن انت رايح فين






يتبع ان شاء الله

الحلقة الثالثة والثلاثون




محمد يخرج ورا عبدالرحمن لكن مش هيقدر يلحقه ويقرر انه يرجع المستشفي عشان يكون جنب زوجه الحاج حسين



زوجه الحاج حسين وهي تبكي:انا عايزاك يابني تتصل بعبد الرحمن ضروري



محمد:ماانا اكيد هتصل بيه





زوجه الحاج حسين:عارف يابني الطلب الصعب اللي الحاج حسين كان عايزه منكم


هو وصاني اني اقولهولكم لو هو مالحقش يقوله عارف يابني ايه الطلب



محمد:لا مش عارف




زوجه الحاج حسين:هو عايزك انت وعبدالرحمن تكونوا موجودين وهو بيتغسل وبيتكفن وبيدفن


انت عارف يابني اننا لم نرزق بأولاد
وكان دايما الحاج حسين يقولي عبدالرحمن ومحمد اولادي اللي ربنا رزقنا بهم
وكل يوم كان حبه لكم بيزيد
وفي يوم قالي


الحاج حسين: انا خايف عليهم اوي خايف عليهم من بعدي مش هقدر اتحمل انهم يرجعوا خطوه واحده عن الطريق اللي هما فيه


انا بوصيكي انهم يكونوا واقفين وقت تغسيلي وتكفيني ودفني



زوجه الحاج حسين:لااااا دا صعب اوي عليهم انهم يشوفوك في الوضع ده لا بلاش هما مش هيستحملوا





الحاج حسين:لا هما لازم يدخل في قلبهم النهايه دي ويحسوها اوي


يحسو ان كل شئ مرده في نهايه ومآله الي الله
لازم يشوفوني كده وانا ميت بعد ماكنت بتكلم معاهم واقعد معاهم واسمعهم وانصحهم لازم كلامي لهم يثبت بقلبهم
لازم يعرفوا ان الشخص بيموت ويدفن لكن الكلام لا والافعال لا عمرها ابدا مابتموت



زوجه الحاج حسين:بلاش كلام في الموضوع ده





الحاج حسين:لاالموضوع مهم انت عارفه ان لو سبت لهم مال وضاع مش مشكله المال نعوضه في اي وقت


لكن ده دين فاهمه يعني ايه دين انا تعبت معاهم اوي وعندي الموت اهون من تفريطهم
دي وصيتي ولو ماقدرتش ابلغهلهم ابقي بلغيهم



زوجه الحاج حسين:هي دي يابني وصيته





محمد:هي وصيه صعبه اوي علينا بس للاسف مش هنقدر مانفذش





زوجه الحاج حسين:انا اتصلت بأخواته عشان ننتهي من اجراءت خروجه من المستشفي


اتصل بعبدالرحمن دلوقتي عشان يجي علي البيت


محمد:عبدالرحمن .........



وبعد خروج عبدالرحمن من المستشفي
يشغل علي الموبايل درس من الدروس اللي كان مسجلها للحاج حسين




عبدالرحمن:هو انا مش هسجلك حاجه تاني


لا انا حاسس اني هسمع صوتك من تاني وتقول زي اول مره قابلتني فيها في الجامع وعرفتني فيها الطريق ازيك يابني انا بحبك اوي واني بوحشك اوي
هو انت صحيح مت خلاص
زي مامحمود مات
هو بعد ماحسستني اني ابنك تموت
تموت وترجعني يتيم تاني
طب سبتني لمين
مين تاني هيسمعني ويحبني
عبدالرحمن فوووووق هو خلاص مات ودايما كان بيقولك قبل كده كل حاجه هتحبها غير ربنا لازم هتسيها او هي اللي هتسيك
واهو سابك اهو ومات مات خلاص
انا خلاص مش هحب حد تاني
سها وكان وهم وانا سبته
والحاج حسين هو اللي سابني سابني للابد

ويرن موبايل عبدالرحمن



عبدالرحمن:محمد ايه الحاج حسين طلع في غيبوبه زي ماانا قلت صح



محمد:تعالي بيت الحاج حسين ضروري



عبدالرحمن:هو عايزني صح




محمد:ايوه عايزك




عبدالرحمن:شوفت عشان كنت تصدق كلامي




محمد:هو عايزك تقف وتشارك في تغسيله وتكفينه ودفنه





عبدالرحمن:انت اتجننت انت متخيل اني اقدر اعمل كده


لاانا مقدرش
ااااه لما كان بيقولي مش عايز اسمع منك كلمه مقدرش دي الافي حاله واحدهبس



محمد:مفيش وقت ياعبدالرحمن دي وصيته ولازم تيجي دلوقتي ده اخر حاجه ممكن نقدمهاله انا هستناك متتاخرش




وبعد انتهاء المكالمه




عبدالرحمن:ايه ده انا اروح ادفن روحي ازاي


ويقولي انا عايزك تبقي اسد الدعوة وانت البذره اللي انا اهتميت بها
بذره ايه واسد ايه
انا خلاص زي مالحاج حسين مات وهيدفن
عبدالرحمن هيموت وهيدفن في حد يعيش من غير روحه
بس انا دلوقتي لازم مهما كان انفذ وصيته ده حبيبي مش هقدر ماانفذش كلامه
بس ازاي كده اشوفه وهو ميت مابيكلمنيش

يااااارب اعمل ايه يارب قويني

ويذهب عبدالرحمن لبيت الحاج حسين




محمد:يلا ياعبدالرحمن هو في الاوضه دي واخوه خلص اجراءت الدفن خلاص


وكل شئ جاهز


عبدالرحمن:عارف يامحمد انهارده يوم ايه يوم الخميس يامحمد


يوم الخميس هنروح فين بعد صلاه العصر يامحمد


محمد:اسكت ياعبدالرحمن الله يكرمك


يلا عشان ندخل مع اللي هيغسلوه ويكفنوه


عبدالرحمن:ليس الغريب غريب الشام واليمن ان الغريب غريب اللحد والكفن




محمد:مش وقته ياعبدالرحمن يلا عشان ندخل وبالله عليك امسك اعصابك شويه


ويدخل محمد وعبدالرحمن علي الحاج حسين ويشاركوا في تغسيل وتكفين الحاج حسين
وقبل تكفين الحاج حسين يتقدم محمد ويقبل جبهه الحاج حسين
ومن بعد عبدالرحمن ويقول في سره خلاص بجد دي اخر مره هقرب منك فيها يارب صبرني


وبعد الصلاه علي الحاج حسين يتوجهوا للمقابر


اخو الحاج حسين:ينادي علي عبدالرحمن ومحمد حد فيكم يجي يساعدني في فك الكفن





محمد:انزل ياعبدالرحمن





عبدالرحمن:لاانزل انت انا مش هقدر




وينزل محمد القبر يساعد الحاج حسين وبعد انتهاءه يخرج لعبدالرحمن



محمد:انزل والله هتحس براحه وانت تحت معاه




عبدالرحمن:راحه ايه هو مش قبر




محمد:لا انا حاسس انه مختلف عن اي قبر مش عارف ليه حاسس اني مرتاح




عبدالرحمن: مرتاح طيب ياعم سيبني في حالي مش خلاص عملنا الوصيه انا ماشي





محمد:ماشي ايه استني لازم نقف شويه نسأل الله له الثبات اسال الله ان يثبتنا بالقول الثابت في الحياه الدنيا وفي الاخره





عبدالرحمن:لا انا مش قادر اقف انا همشي




محمد:تمشي تروح فين




عبدالرحمن:ماتوجعش دماغي انا مش ناقصك





محمد:طب علي العموم احنا لنا قاعده مع بعض لما اعصابك تستريح





عبدالرحمن:لاقاعده ولاواقفه وبعدين انا مااتجننتش عشان اعصابي تستريح شيلني من دماغك وانساني





وبعد مرور اسبوعين من وفاة الحاج حسين

يذهب محمد لزياره عبدالرحمن ولكنه يفأجا بحاله عبدالرحمن



يتبع ان شاء الله

الحلقة الرابعة والثلاثون(أي الفريقين أحق بالأمن)



وبعد مرور اسبوع من وفاة الحاج حسين

يذهب محمد لمنزل عبدالرحمن
محمد
:السلام عليكم ورحمه الله وبركاته

والدة محمد:
وعليكم السلام ورحمه الله وبركاته اتفضل يابني


ازيك يابني عامل ايه

محمد
:الحمد لله رب العالمين


هو عبدالرحمن موجود

والدة عبدالرحمن
:اهو يابني موجود ومش موجود


من يوم وفاة الحاج حسين وهو قافل علي نفسه اوضته دا حتي
مابينزلش صلاة الجماعه


والله يابني احنا مش عارفين نعمل ايه معاه مبيتكلمش معانا خالص


حتي والده عرض عليه انه يروح لدكتور نفسي او الدكتور يجي يشوفه

في البيت وطبعا هو رفض



انا يابني والله مش عارفه اعمل معاه ايه


انا قلبي بيتقطع عليه ده مش عبدالرحمن ابني


انا عارفه هو اد ايه كان متعلق بالحاج حسين بس يابني مكنتش متخيله

انه يحصله كل ده


انا خايفه عليه اوي انا مش عارفه هو خلاص مش هيتكلم تاني وللا هو

اللي مش عايز يتكلم وللا ايه

محمد
:ماتقلقيش ياحاجه هو ان شاء الله هيكون كويس

والده عبدالرحمن
:يارب يابني

محم
د:ممكن ادخله

والده عبدالرحمن
:ممكن يابني بس هو اللي يرضي يدخلك

محمد
:عبدالرحمن ممكن ادخل انا عارف اني وحشتك ها يلا افتح بقالنا

اسبوع وانت بعيد عني


بص انت لو مفتحتش انا ممكن استاذن والدتك واكسر الباب وادخل

يعني مش مشكله


افتح انا عايز اقولك كلام مهم


ولو مفتحتش هقعد هنا واقوله احسنلك تفتح يعني


عبدالرحمن هو انت كمان مابقيتش تسمع


افتح يلا


حتي لو مفتحتش انا قاعد استناك لحد ماتخرج غصب عنك



وادي قاعده

ويفتح عبدالرحمن لمحمد ويرجع تاني يقعد في مكانه من غير مايتكلم


ويدخل محمد ويقفل باب الاوضه
محمد
:ماانت بتسمع اهو امال كل ده مش راضي تفتح ليه وشكلك برضه

بتتكلم ومعندكش اي مشكله بس انت بس اللي بتتدلع علينا


انا عارف انك مش هترد عليه بس انا جاي اقولك كلام مهم اوي ولازم

تسمعه كويس


بس قبل مااقول الكلام اللي انا جاي اقوله في نقطتين مهمين عايز

اقولهم في البدايه

اول حاجه
لازم تكون متاكد انك محبتش الحاج حسين


زي ماسيدنا ابو بكر الصديق حب الرسول صلي الله عليه وسلم


ومع ذلك لما توفي الرسول صلي الله عليه وسلم ثبت سيدنا ابو بكر

الصديق وثبت الصحابه معاه


يعني رجل واحد كان سبب في ثبات امه باكملها


وسبحان الله سيدنا ابوبكر الصديق كان عندما يسمع ايات القراءن كان

لايتمالك نفسه من البكاء


وكان يحب الرسول صلي الله عليه وسلم اكثر من نفسه


ورغم كل ده عند وفاة االرسول صلي الله عليه وسلم وقف وثبت كل

الصحابه رضوان الله عليهم


وقال

بسم الله الرحمن الرحيم

وَمَا مُحَمَّدٌ إِلاَّ رَسُولٌ قَدْ خَلَتْ مِنْ قَبْلِهِ الرُّسُلُ أَفَإِيْن مَاتَ أَوْ قُتِلَ انْقَلَبْتُمْ عَلَى أَعْقَابِكُمْ وَمَنْ يَنْقَلِبْ عَلَى عَقِبَيْهِ فَلَنْ يَضُرَّ اللَّهَ شَيْئاً وَسَيَجْزِي اللَّهُ الشَّاكِرِينَ (144)


انا عارف انك كنت بتحب الحاج حسين


بس مش معني كده انه لما يموت تنتكس انت

لا لازم تثبت وتكمل بعده

تاني حاجه
عايز اكلمك فيها


انك مش يتيم ولا حاجه


كفايه انك عايش في بيت وسط اهلك اللي بيحبوك


امال الاطفال اللي في الملاجئ يبقوا ايه


فاكر لماكنت بتكلمني عن بر الوالدين وقولتلي ان معاملتك اتغيرت

معاهم وحاسس انهم فرحانين بيك


فاكر لما قولتلي ان اكتشفت ان المشكله عندك انت فاكر لما قولت انهم

عندهم استعداد يسمعوك بس انت اللي محرج تحكي معاهم



انا مش عايز اسمع منك تاني انك يتيم لانك كده بتكذب


انا عارف ان ممكن كلامي يكون صعب عليك بس لازم تسمعه لان انا

مش متخيل ان حالتك توصل للدرجه دي


انت ياعبدالرحمن اللي قبل الاذان تكون موجود في المسجد وتقولي زي

مالحاج حسين كان بيقول


المحب مش محتاج حد يفكره بميعاد حبيبه


والله اعلم انت كمان بتصلي في البيت وللا سبت الصلاه خالص


لا انت مش عبدالرحمن اللي انا عرفته


انت عبدالرحمن اللي كان سبب في هدايتي بعد الله عزوجل


انت ياعبدالرحمن اسد في الدعوة زي ماقال الحاج حسين


ماينفعش اسد يقعد ويقفل علي نفسه كده


انت بفضل الله بقيت داعيه


فاكر لما كنت بتقولي انا عايز كل الشباب يعرفوا ربنا ويحبوه زي ماانا

بحبه

عايزهم كلهم يشوفوا النور


فاكر وللا لا


فاكر لما قولتلي انا هبدا الدعوه في المسجد زي ماكانت بدايه هدايتي في

المسجد وبدات تدي كلمه بعد صلاة الضهر في مسجد الكليه


وبفضل الله شباب كتير التزموا



وانا كنت واحد منهم


عايز بعد كده ترجع


لعلمك انت مش هترجع لواحدك ممكن يرجع وراك الناس اللي التزموا

علي ايدك


وتبقي انت سبب في انتكاسهم وهتبقي شهادة زور علي الاسلام


لان ناس كتير هتقول داكان ملتزم ورجع تاني للي كان فيه


لو كان شاف خير في التزامه مكانش سابه صح وللا لا


لو كان ارتاح في الالتزام والصلاة وحضور الدروس مكانش ساب

الطريق ابدا


اكيد هيقولوا حالته الاول هي اللي كان مرتاح فيها فرجع لها تاني


قبل ماتعمل اي حاجه لازم تشوف ايه عواقبها فاهم ياعبدالرحمن


فاكر اول كلمه قولتها في المسجد عشان ربنا


فاكر ياعبدالرحمن


تعرف ان دي اكتر حاجه اثرت فيه


فاكر اول كلمه كانت ايه ياعبدالرحمن


انا عارف انك فاكرها كويس لانك دايما كنت تقولي انا مش هقولك كلمه

الا لما اكون عايشها وحاسسها


لان الكلام اللي طالع من القلب بيدخل القلب


عارف كانت ايه اول كلمه

فأي الفريقين احق بالأمن ان كنتم تعلمون

قولت وقتها انا هكلمكم ياشباب عن حكايه واحد مشي في طريقين


واكتشف في الاخر أي الفريقين احق بالأمن


انا هكلم انهارده عنه عشان ماتفرطوش في حق ربنا زي ماهو فرط


وقعدت تحكي حكايتك وقولت


الشاب ده عرف دلوقتي اي الفريقين احق بالامن


واستحاله انه يرجع تاني للمعاصي


انا بكلمكم عنه عشان ماتعصوش ربنا زي ماهو عصاه


عشان ماتفرطوش في حق ربنا زي ماهو فرط


ياشباب العمر اقصر من اننا نضيعه والله


انا خايف عليكم


عشان نبتدئ صح ياشباب


كل واحد فيكم يسأل نفسه هو من أي الفريقين


انت الشاب اللي مش متخيل الدنيا من غير صيام وقيام


وللا الشاب اللي مش متخيل الدنيا من غير بنات واغاني وشات


الشاب اللي شعاره وعجلت اليك ربي لترضي


وللاالشاب اللي شعاره وعجلت اليك ايها المعاصي وياايها الدنيا لترضي


الشباب والبنات اللي كل همهم في الدنيا ازاي ربنا يرضي عنهم وعلي

لسانهم دايما اني اخاف ان عصيت ربي عذاب يوم عظيم


وللا الشباب والبنات اللي عايشينها كده وخلاص وزي ماتيجي تيجي كل

همهم في الدنيا


ازاي الشاب ده يوقع البنت دي وازاي البنت دي توقع الشاب ده


ياشاب احنا مش وظيفتنا كده في الدنيا


احنا استقالنا من عباده الرحمن والقرب منه واشتغلنا جنود عند

الشيطان

ياجماعه أي الفريقين احق بالأمن


أي الفريقين احق بالأمن


فريق الرحمن وللا فريق الشيطان


فريق حب الرحمن وللا حب المعاصي والشهوات والحب المحرم


فريق القرءان وللا فريق الاغاني


من البدايه ياشباب مش هينفع تبقي في الفريقين هو فريق واحد بس

اللي هتكون فيه


اختاروا ياشباب أي الفريقين


ان مش جاي اطرح عليكم اختيارات وتختاروا وامشي وخلاص لا


الاختيار ده لازم بعده يكون في شغل هتدخل في فريق الرحمن وهو

الفريق الاحق بالامن


لازم تشوف الحاجات اللي ربنا امر بها والحاجات اللي ربنا نهي عنها


سيدنا ابراهيم اما عارف ربنا تبرأ من ابوه وقومه وكسر كل الاصنام


ودخل النار عشان ربنا


احنا هنعمل ايه عشان ربنا


هتعملوا ايه عشان ربنا ياشباب


فروا الي الله ياشباب وهتلاقوا عنده كل الامن


تبرءوا من كل المعاصي وكل حاجه تبعدكوا عن ربنا


البنت اللي الشاب بيحبها ومش متخيل الدنيا من غيرها والاغاني اللي

مايقدرش يسيبها


وغيرها من المعاصي كل دي اصنام في طريقه لربنا لازم يكسرها


ومفيش حاجه اسمها صعب ومانقدرش


بقولكم سيدنا ابراهيم دخل النار عشان ربنا


انا مش بطلب منكم تدخلوا النار


بس انا عايز كل حاجه تبعدك عن ربنا وتكون حجاب بينك وبين ربنا

تفر منها


استعينوا بربنا ياشباب لو ربنا اطلع علي قلوبكم ووجد فيها صدق

التوبه هيعينكوا وهيقربكوا


استحاله تقرب من ربنا وربنا يبعد عنك وهو القريب


استحاله تنادي الله عزوجل ولا يجيبك وهو السميع المجيب


ياجماعه انا بكلمك عن الشاب عشان يكون مثال ادامكم وماتقولوش

صعب ومش هنقدر


انا مابطلبش حاجه صعبه


شوفوا كده المعصيه اللي هتسيبوها عشان ربنا ربنا هيديكوا بدلها ايه


تخيلوا كده ولله المثل الاعلي لو انت غلطت في حق والدك


ووالدك بدل مايعاقبك لقيته بيخبط علي بابك يديك هديه تخيل انت ايه
حالك وايه خجلك


وقتها منه وانت غلط في حقه وعارف ان الغلطه دي تستحق العقوبه


ومع ذلك لقيته جايلك يديك هديه


تخيل انت بتعصي ربنا ليل نهار النعم بتاعته ومع ذلك مايسلبهاش منك


بل بالعكس بيسترك وقت المعصيه


ها ألم يأن ياشباب اننا نستحي من الله حق الحياء ونقدره حق قدره


وهو المنعم الستير


اختاروا ياشباب أي الفريقين تكونوا


وانا وضحت لكم الطريقين وعاقبه كل طريق


واي فريق فيهم احق بالامن...................


وانت بعد ماوضحت الطريقين ياعبدالرحمن ومشيت فيهم هما الاتنين



دلوقتي هتمشي في اي طريق


انا مش هسيبك ابدا ترجع خطوه واحد


انت اسد ياعبدالرحمن


فاكر لما قولتلي بعد الدرس انك خايف انك ماتكونش اتكلمت كويس


وانا قولتلك ذلك فضل الله يؤتيه من يشاء وقولتلك وقتها


انت هتكون مكان الحاج حسين


وقولتك مش شرط تشوف نتيجه عملك المهم انك ترمي البذور في

الارض وماتنتظرش الثمار والنتيجه دي من عند ربنا


بس احنا نعمل اللي علينا

انت لازم تكون عارف انت هتمشي في اي طريق حدد من دلوقتي ماتفضلش قاعد كده وقافل علي نفسك اوضتك






الحلقة السابعة والثلاثون(اني اخاف ان عصيت ربي عذاب يوم عظيم)


محمد:انت ياعبدالرحمن لازم ترد عليه دلوقتي انت من اي فريق



ومفيش حاجه اسمها انا واقف في الطريق لازم تقرر انت هتمشي مع


اي فريق وفي اي طريق


عبدالرحمن انا متاكد انك سامعني


فاكر لما كنت بتقولي انا عايز اروح في كل مكان عصيت فيه ربنا واقف

فيه وقفه حياء من ذنوبي...

اتكملة الجزء السابق\

ي فريق وفي اي طريق


عبدالرحمن انا متاكد انك سامعني


فاكر لما كنت بتقولي انا عايز اروح في كل مكان عصيت فيه ربنا واقف

فيه وقفه حياء من ذنوبي


ووقفه شكر ان ربنا وفقني وهداني في نفس الوقت اللي مات فيه محمود


علي تفريطه في حق ربنا


فاكر ياعبدالرحمن


لو مش هترد عليه انا هقوم امشي


عبدالرحمن......رد عليه


انا خلاص همشي


ويقوم محمد عشان يخرج من عند عبدالرحمن

عبدالرحمن
:انا مقدرش ابعد عن ربنا ثانيه مقدرش يامحمد


ربنا اللي انعم عليه كتير وانا كنت بعصاه بنعمه


وسترني كتير وانا في كل مرة كنت بهتك ستره


وقربني كتير وبعتلي رسايل وانا اللي كنت ببعد عنه


ومحمود مات واحنا الاتنين كنا مفرطين في حق ربنا


انا بعد ماربنا يهديني ويقربني ارجع تاني لااااااا


اني اخاف ان عصيت ربي عذاب يوم عظيم زي مالحاج حسين كان

بيقول بس ........

محمد:
بس ايه

عبدالرحمن
:انا بعد دفن الحاج حسين روحت الجامع اللي كنا بنصلي فيه


وقعدت اتكلم مع نفسي وقولت خلاص يانفس شكل ده هيبقي حال علي

طول


محدش عاد هيسمعك ولا يحس بيكي


فاكره يانفس اول يوم قابلتيه هنا كان يوم وفاة محمود


ياااااااه دا كان بيحبني زي ابنه بالظبط واول يوم شافني فيه ضمني

لصدره وسمعني


مين هيسمعني تاني


انا مش متخيل الجامع من غيره


كل مكان وكل ركن في الجامع بيفكرني بقعدتي وكلامي معاه


انا قعدت اعيط كتير واقول في حد يمشي في طريق النور اللي فيه اطفا


انا مقدرش ادخل الجامع تاني وهو مش فيه قبلي


انا الموت عندي اهون من اني ادخل الجامع من غير مايكون موجود فيه

محمد
:النور اللي بيهدينا في طريقنا مش نور الحاج الحسين ولانو اي

شخص


زي ماقولت الدين ده مش بيموت بموت الاشخاص


النوراللي بينور طريقنا نور هدايه الله ونور القراءن والسنه


وانت لو مش قادر تدخل الجامع اللي كنت بتصلي فيه مع الحاج حسين

مش معني كده انك تصلي في البيت


انا عارف ياعبدالرحمن ان انت لها

عبدالرحمن
:هي مين دي

محمد
:الدعوة ياعبدالرحمن هيكون ايه يعني غيرها


انت اسد في الدعوة زي مالحاج حسين قال


انا عارف انك ماتقدرش تبعد عن ربنا

عبدالرحمن:
اقول يامحمد علي سر

محمد
:سرك في بير

عبدالرحمن
:انا كتبت قصتي من اولها لحد دلوقتي

محمد:
ايه ده من ورايا وكتبت فيها تعليقاتي لااا


اختك اسماء لو قريتها هتقول عليه ايه لا بلاش ههههههههه

عبدالرحمن:
ههههههههههه ياعمي انت لسه الموضوع ده في دماغك


بص يامحمد انت بصراحه الكلام اللي قولتهولي خلاني ممكن افكر فيك

محمد
:ممكن ......ايه الرضا ده

عبدالرحمن
:سيب الموضوع ده علي جنب دلوقتي

محمد
:صحيح النتيجه قربت تبان طبعا انت من الاوائل

عبدالرحمن
:ايوه طبعا انت بتتكلم ازاي


المهم مسالتنيش علي اسم القصه

محمد:
اه صحيح سميتها ايه

عبدالرحمن
:لسه مش عارف اسمها هيتحدد طبعا علي اساس نهايتها

محمد:
يارب تكون نهايه ترضي ربنا


بس هي ايه نهايتها

عبدالرحمن
:والله لسه مش عارف يامحمد الله المستعان

محمد
:طيب علي العموم ماتكتبش فيها المواقف اللي انت كنت بتشد في

شعرك فيها مني .........اتفقنا

عبدالرحمن
:ههههههههههه

محمد
:يلا مش عايز اي حاجه انا اتاخرت

عبدالرحمن:
اه فعلا انت اتاخرت اوي قوم يلا انا زهقت منك

محمد
:من ورا قلبك طبعا

عبدالرحمن:
لا من جوا قلبي السلام عليكم ورحمه الله وبركاته

محمد
:وعليكم السلام ورحمه الله وبركاته بس قبل مامشي عايز اقولك

حاجه

عبدالرحمن
:حاجه ايه تاني

محمد
:اتمني ان قصتك تنتهي نهايه كويسه


والكلام اللي قولته فوق يتنفذ بالحرف


انت عارف زي مالحاج حسين علمنا ان الكلام سهل اوي



لكن......التنفيذ هو اللي صعب


سهل تقول انك ملتزم وانك بتحب ربنا وبتخاف عذابه


بس......أحسب الناس أن يتركوا أن يقولو ءامنا وهم لايفتنون


اللي جاي لسه اصعب من الي فات وانا مش بخوفك انا بس بحذرك


عايزك تسال نفسك قبل اي عمل تعمله ياتري العمل ده يرضي ربنا وللا

العمل ده يستحق العذاب


يعني لو انت فعلا خايف من عذاب ربنا عمرك ماتعمل حاجه تغضب ربنا


وهتدور علي كل حاجه ربنا بيحبها وتعملها لازم الكلام اللي تقوله

تطبقه في الواقع


مش يبقي كلام في الهوا وخلاص


وماينفعش تغتر برحمه ربنا وتذنب وتضيع حق ربنا وتقول ربنا غفور

رحيم


زي ماربنا غفور رحيم


برضه ربنا عذابه شديد


بسم الله الرحمن الرحيم
نَبِّئْ عِبَادِي أَنِّي أَنَا الْغَفُورُ الرَّحِيمُ (49) وَأَنَّ عَذَابِي هُوَ الْعَذَابُ الأَلِيمُ


افتكر ان الحاج حسين اخر حاجه قالها ان السنه الجايه عندنا مادتين

اطفال وباطنه


فاكر لما قال ان الباطنة عليها 900 درجه والاطفال عليها 500درجه


ومش معني ان الاطفال عليها درجات اقل من الباطنه اننا نضيعها



مفيش حاجه عنده اسمها فرائض وسنن هو محب ومعظم للاوامر

والنواهي


وقال ان الانسان الملتزم لازم يبقي ناجح في كل حاجه ومش مقصر في

اي حاجه


عارف يوفق بين الدين والدنيا


عارف يعني ايه دين وعارف انه لازم يشيل هم الدين



عايزك تعيش معني الايه اللي انت قولتها


بسم الله الرحمن الرحيم


إِنِّي أَخَافُ إِنْ عَصَيْتُ رَبِّي عَذَابَ يَوْمٍ عَظِيمٍ (15)سورة يونس

انا مش عايزك ترددها بلسانك انا عايزك تعيشها بقلبك وكل جوارحك



عبدالرحمن
:الله المستعان

محمد
:السلام عليكم ورحمه اله وبركاته

عبدالرحمن:
وعليكم السلام ورحمه الله وبركاته صحيح هي النتيجه

هتظهر امتي

محمد
:هانت لسه اسبوع كده وللا حاجه

عبدالرحمن
:طب كويس يادوب الواحد يلحق

محمد
:تلحق ايه انت ناوي تروح المصيف وللا ايه

عبدالرحمن:
ههههههههههههه مصيف ايه ياعم انا فاضي

محمد:
امال ايه

عبدالرحمن
:بحضر لحاجه كده مفأجاة بقي

محمد:
ماتقول بقي وماتبقاش رخم

عبدالرحمن
:لا يوم ظهور النتيجه تبقي تعرف

محمد:
قول بقي هزعل

عبدالرحمن
:لا مش هقول وده جواب نهائي وماتزعلش


قوم يلا امشي


محمد
:طيب بس خليك فاكر......السلام عليكم ورحمه الله وبركاته

عبدالرحمن
:وعليكم السلام ورحمه الله وبركاته


يتبع ان شاء الله

الحلقة ما قبل الاخيرة
(فلاتلوموني ولوموا انفسكم)


وبعد مرور اسبوع من زياره محمد لعبدالرحمن
محمد يتصل بعبد الرحمن
محمد:
السلام عليكم ورحمه الله وبركاته ازيك ياعبده يلا بسرعه انزل قابلني النتيجه ظهرت
عبدالرحمن
:وعليكم السلام ورحمه اله وبركاته بجد النتيجه ظهرت
محمد:
ايوه يابني انا ههزر معاك حضرت المفأجاه
عبدالرحمن:
الحمد لله رب العالمين
محمد
:شكلك كده كنت بتحوش عشان تعزمني بمناسبه نجاحك علي العموم انا هفكر انا عايز اتعزم فين واقولك
عبدالرحمن
:هههههههههه ليه هو انا اللي هنجح وانت ناوي......
محمد:
حرام عليك ناوي ايه ......يلا انا هستناك عشان نروح سوا
عبدالرحمن
:ماشي االسلام عليكم ورحمه الله وبركاته
ويتقابل محمد وعبدالرحمن ويروحوا الكليه
وبفضل الله هما الاتنين ينجحوا
عبدالرحمن
:مبارك يامحمد
محمد
:الله يبارك فيك ياعبده ايه المفاجاه بقي
عبدالرحمن
:هتعرف دلوقتي
ويروح يقف عبدالرحمن في وسط الكليه وبصوت عالي يرتل هذه الايات

بسم الله الرحمن الرحيم
وَقَالَ الشَّيْطَانُ لَمَّا قُضِيَ الأَمْرُ إِنَّ اللَّهَ وَعَدَكُمْ وَعْدَ الْحَقِّ وَوَعَدْتُكُمْ فَأَخْلَفْتُكُمْ وَمَا كَانَ لِي عَلَيْكُمْ مِنْ سُلْطَانٍ إِلاَّ أَنْ دَعَوْتُكُمْ فَاسْتَجَبْتُمْ لِي فَلا تَلُومُونِي وَلُومُوا أَنْفُسَكُمْ مَا أَنَا بِمُصْرِخِكُمْ وَمَا أَنْتُمْ بِمُصْرِخِيَّ إِنِّي كَفَرْتُ بِمَا أَشْرَكْتُمُونِي مِنْ قَبْلُ إِنَّ الظَّالِمِينَ لَهُمْ عَذَابٌ أَلِيمٌ (22)وَأُدْخِلَ الَّذِينَ آمَنُوا وَعَمِلُوا الصَّالِحَاتِ جَنَّاتٍ تَجْرِي مِنْ تَحْتِهَا الأَنْهَارُ خَالِدِينَ فِيهَا بِإِذْنِ رَبِّهِمْ تَحِيَّتُهُمْ فِيهَا سَلامٌ (23)
الشيطان واقف يخطب يوم القيامه في وسط العصاه اللي اغواهم وزين لهم الشهوات
يوم القيامه يتبرأمن كل العصاة ويقولهم بعد ماكل شئ انتهي وادخل اهل الجنه الجنة وادخل اهل النار النار
يقف الشيطان يخطب في العصاة
فلاتلوموني ولوموا انفسكم ماانا بمصرخكم وماانتم بمصرخي
الله وعدكم وعد الحق وارسل لكم الرسل لتطيعوه ولو كنتم اطعتموه لادركتم الفوز العظيم
لكن انا وعدتكم بالخير لكني اخلفتكم انا كنت بمنيكم باماني باطله
خلاص ماتلومونيش اني اغوتكم وزينت لكم المعاصي
لوموا انفسكم انتوا اللي اتبعتوني وانا مكانش عندي اي دليل ولا حجه علي كلامي غير اني كنت بس بزين لكم المعاصي
وانتم اللي استجبتم لي اتباعا لاهوائكم وشهواتكم
خلاص قضي الامر
انا مش هغيثكم من العذاب كل واحد فينا له قدر من العذاب

ايوه ياشباب الشيطان يوم القيامه هيتبرأ من كل شاب ومن كل بنت عصوا ربنا بسببه
انهارده لما النتيجة ظهرت وناس بفضل الله نجحت وناس تانية سقطت
فريق فرحان بالنتيجه ويقول الحمد لله ده تعب طول السنة
وفريق تاني حزين علي النتيجه حزين علي تفريطه

عارفين ياشباب الموقف ده فكرني بايه
بسم الله الرحمن الرحيم
فَأَمَّا مَنْ أُوتِيَ كِتَابَهُ بِيَمِينِهِ فَيَقُولُ هَاؤُمْ اقْرَءُوا كِتَابِيَهْ (19) إِنِّي ظَنَنتُ أَنِّي مُلاقٍ حِسَابِيَهْ (20) فَهُوَ فِي عِيشَةٍ رَاضِيَةٍ (21) فِي جَنَّةٍ عَالِيَةٍ (22) قُطُوفُهَا دَانِيَةٌ (23) كُلُوا وَاشْرَبُوا هَنِيئاً بِمَا أَسْلَفْتُمْ فِي الأَيَّامِ الْخَالِيَةِ (24)
وَأَمَّا مَنْ أُوتِيَ كِتَابَهُ بِشِمَالِهِ فَيَقُولُ يَا لَيْتَنِي لَمْ أُوتَ كِتَابِيَهْ (25) وَلَمْ أَدْرِ مَا حِسَابِيَهْ (26) يَا لَيْتَهَا كَانَتْ الْقَاضِيَةَ (27) مَا أَغْنَى عَنِّي مَالِيَهْ (28) هَلَكَ عَنِّي سُلْطَانِيَهْ (29)خُذُوهُ فَغُلُّوهُ (30) ثُمَّ الْجَحِيمَ صَلُّوهُ (31) ثُمَّ فِي سِلْسِلَةٍ ذَرْعُهَا سَبْعُونَ ذِرَاعاً فَاسْلُكُوهُ (32) إِنَّهُ كَانَ لا يُؤْمِنُ بِاللَّهِ الْعَظِيمِ (33) وَلا يَحُضُّ عَلَى طَعَامِ الْمِسْكِينِ (34)فَلَيْسَ لَهُ الْيَوْمَ هَاهُنَا حَمِيمٌ (35) وَلا طَعَامٌ إِلاَّ مِنْ غِسْلِينٍ (36) لا يَأْكُلُهُ إِلاَّ الْخَاطِئُونَ (37)



قارنوا ياشباب كده بين الفريقين

تخيلوا الناجحين دلوقتي ايه فرحتهم بالنتيجه وهيروحوا يفرحوا اهلهم بيها
امال فرحه اللي هياخد كتابه بيمينه هتبقي ايه جعلنا الله واياكم منهم
الناجح فينا دلوقتي هيقول انا ياما تعبت وسهرت وذاكرت كتير وبفضل الله ماضاعش تعبي
واللي هياخد كتابه بيمينه ده برضه كان جزاء تعب وشغل في الدنيا وللا ايه ياشباب
هي الجنة مش غاليه ياشباب عشان نشتغل ونطيع ربنا عشانها

والشباب اللي ضيعوا وقتهم ودلوقتي جايين يشوفوا النتيجه هما كانوا متوقعين ايه غير كده
وهيفيد بايه زعلهم علي النتيجه
ولما يروحوا لاهلهم ممكن يضحكوا عليهم بكلمتين واهلهم يصدقوهم
هيقولوا دا الامتحان كان صعب والدكتور كان عايز يسقطنا وغيرها من المبررات
لكن يوم القيامه اللي هياخد كتابه بشماله اعاذنا الله واياكم منهم
ايه هتكون مبرراته وايه هيكون حاله وقتها
هو كدب في الدنيا كتير والناس صدقته بس يوم القيامه هيكدب علي مين
انتوا مدركين يعني ايه نار
مدركين حر النار وعذاب النار

ياشباب كل واحد فينا يقف لازم يقف وقفه مع نفسها
يقولها علي فين وايه اخرتها معاكي يانفس انت مش عايزه تدخلي الجنه
الطريق واضح ياشباب وكل واحد يختار الطريق اللي عايز يمشي فيه
من دلوقتي ياشباب ماتضيعوش عمركم في حاجات فاضيه
انا مشيت في الطريقين وعشت الحياتين انا مش عايزكم تضيعوا عمركم ياشباب
ياشباب طريق الجنه هو طاعه ربنا
انا جاي ياشباب اخد بايدكم للجنه.....
للجنه ياشباب اللي تستاهل ان الواحد يعيش كل عمره عشانها يعيشه كله في رضا ربنا
هي ماتستاهلش ياشباب....... طب ايه غيرها يستاهل
كل واحد فينا يحاسب نفسه ويقف وقفه حياء من ربنا
ربنا اللي سترك كتير وانت بتعصيه وانعم عليك بنعم كتير وعصيته بها
وبالرغم من كده ماسلبهاش منك في كرم اكتر من كده ياشباب
انا لو قعدت اتكلم عن رحمه ربنا وكرمه طول عمري كل كلامي مش هيوفيه حقه

لحد امتي ياشباب هتبعدوا عن ربنا وهو القريب المجيب
لحد امتي هتعصوه وهو الملك
لحد امتي هتضيعوا حق ربنا وهو الودود الغفور
لحد امتي ياشباب
انا مش بخاطب فيكم بس البعيد عن ربنا
انا بخاطب فيكم كمان اللي كان قريب وبعد
بعدت عن ربنا وقربت من مين يامسكين ....قربت من مين بعد البعد عن القريب
بعت القرب بايه
كل شاب وكل بنت كانوا ملتزمين وانتكسوا والله انتكاسهم خنجر في قلبي
بعتوا الالتزام بايه بعرض من الدنيا قليل
انت بعت التزامك وانتي بعتي التزامك بايه وعشان ايه
بعتي حجابك بايه بعرض من الدنيا قليل
بعتي حجابك عشان تتجوزي هو مش ربنا هو الرزاق
وهو من يقول
بسم الله الرحمن الرحيم

وَلَوْ أَنَّ أَهْلَ الْقُرَى آمَنُوا وَاتَّقَوْا لَفَتَحْنَا عَلَيْهِمْ بَرَكَاتٍ مِنْ السَّمَاءِ وَالأَرْضِ لَفَتَحْنَا عَلَيْهِمْ بَرَكَاتٍ مِنْ السَّمَاءِ وَالأَرْضِ وَلَكِنْ كَذَّبُوا فَأَخَذْنَاهُمْ بِمَا كَانُوا يَكْسِبُونَ (96)
انتوا مش مصدقين ربنا
مش مصدقين انكوا لو قربتوا منه هتاخدوا كل حاجه
ولو بعدتوا عنه هتفقدوا كل حاجه
وانت بعت التزامك عشان ايه
عشان شكلك وسط الناس وعشان شغلانه فيه فلوس احسن وانت عارف ان الشغلانه دي هتفتنك
انا اتكلمت قبل كده عن حكايتي
لاني دلوقتي عايش احلي حياه
انا كنت بوهم نفسي بالحب والسعاده لكن كل دي كانت حاجات مزيفه
زي مافيه دهب اصلي ودهب فالسو
برده في حب وسعاده اصليين وفيه حب وسعاده فالسو
وبرضه الملتزمين كده
ياتري انتوا من اي نوع ياشباب
ياشباب بدا السباق للجنه مين هيوصل ومين هيتقطع نفسه من المعاصي
يلا قربوا من ربنا واقطعوا كل الحبال اللي بينكم وبين المعاصي لانك لو سبتها هتقع فيها تاني
مين هيتخلي عن المعاصي واهوائه ويشتري الجنه
ومين هيتنازل عن الجنه عشان شهواته
اسال الله ان يجعل مااقول حجه لي لا علي
فستذكرون مااقول لكم وافوض امري الي الله

وبعد انتهاء عبدالرحمن من خطبته
محمد
:تبارك الله بقي كل ده يطلع منك
ماشي ياعم ......وقال مش هقدر اكمل بعد الحاج حسين
كل ده وانت مش قادر امال لو قادر بقي هتعمل ايه بس يجي منك
كويس عشان تبقي خطب يوم زواجي من اختك
عبدالرحمن:
ههههههههههههههههه .......الحمد لله رب العالمين
محمد
:ايه ده......
عبالرحمن
:في ايه...........
محمد:دي سها شكلها جايه تديك خطبه

[الحلقة الاخيـــــــــــــــــــــــــــــــــــرة]
(كلا ان معي ربي سيهدين)


عبدالرحمن :بتقول ايه طب يلا نمشي بسرعه

محمد:ماظنش اننا هنلحق

سها:عبدالرحمن استني مش هتمشي الا لما تسمعني

ويحاول عبدالرحمن يمشي هوومحمد لكن مش هيقدروا

سها:انت فين ياعبدالرحمن كل ده انت اتغيرت كتير

معقوله كل ده ماتسالش عليه هو انا موحشتكش

انا مكنتش اعرف انك معايا في نفس الكليه انت كنت فين كل ده

وايه اللي غيرك كده معقوله وفاة ابن خالتك تعمل فيك كده

انا اول ماشوفتك وانت بتتكلم مصدقتش نفسي قولت دا حد شبهك بس

صوتك اكدلي ان انت

يااااه اربع سنين ماتسالش عليه

ويحاول عبدالرحمن يمشي لكن

سها بصوت عالي بقولك مش هتمشي الا لما تسمعني للاخر

انا مصدقت شوفتك

صحيح انا اتخطبت بس انا مستعده اتنازل عن كل حاجه عشانك

بس انت قولي اعمل ايه وانا اعمل

لوعايزني التزم عشان خاطرك هلتزم بس انت ترضي عني وترجع تحبني

زي الاول

انا واثقه انك لسه بتحبني

مش معقول تنساني بالسهوله دي انا متاكده من حبك ليه

فاكر لما كنت بتقول انا محبتش قبلك ولا هحب بعدك

فاكر وللا لا ياعبدالرحمن

فاكر لما كنت بتقول انا اعمل اي حاجه عشان بس ترضي عني

انا بقولك اهو انهارده اعمل ايه عشان تحبني وترضي عني

انا سمعت كل كلامك دلوقتي ......

اكيد حبنا كان حرام وغلط صح بس ده كان غصب عننا

بس انا لسه بحبك ياعبدالرحمن

ساعدني اني اقرب من ربنا زيك

صدقني هعمل اي حاجه انت عايزها

انت عارف اني عايشه حاله ضياع

مد ليه ايدك ياعبدالرحمن

ماتسبنيش ضايعه

انا حاسه انك اتغيرت كتير

لوعايزني اتغير زيك هتغير قول بس اعمل ايه

انت لسه بتحبني صح

رد عليه ياعبدالرحمن

لسه بتحبني صح انا متاكده من كده

ومتاكده ان الهدايا والجوابات بتاعتي لسه عندك

حرام عليك ياعبدالرحمن انا لسه بحبك زي الاول واكتر

رد عليه انت كمان لسه بتحبني

انت مش كنت بتقولي اني محفوره جوه قلبك

كل الكلام ده نسيته

انا عملتلك ايه عشان تعمل فيه كده انت بتعذبني ليه ياعبدالرحمن

انا طول الفتره اللي فاتت دي مقدرتش انساك

حرام عليك رد عليه

انت عمرك مهتنساني

انت كنت بتقولي كده

انا هموت ياعبدالرحمن لو مردتش عليه ورجعت تحبني زي الاول

مستحيل تكون نسيت حبنا وكل حاجه كانت بينا

رد عليه قول اي حاجه

نظر عبدالرحمن الي السماء قائلا كلا ان معي ربي سيهدين

وانطلق مسرعا
سها :استني انت رايح فين


يتبع ان شاء الله





بعد خروج عبدالرحمن من الكليه

عبدالرحمن :انا امد لها ايدي عشان تقرب من ربنا مااكيد هنغرق سوا

هو احنا هنقرب لربنا بالمعاصي

اللي عايز يقرب من ربنا يختار الطريق الصح

مش يمشي في طريق ضلمه ويقول اكيد هوصل دا يبقي كده بيضحك علي
نفسه


انا بعد القرب ده ارجع تاني اعصي ربنا

وحب ايه اللي لسه بحبه لها

انا خلاص عرفت حب الرحمن

قلبي بقي ليه هو وبس

هي ضايعه اه انا عارف ربنا يهديها للخير

بس انا مش ممكن امد لها ايدي هي هتغرقني تاني لو رجعت اتكلم معاها

اه اكيد الحاج حسين قالي كده ماتقربش من النار وتقول انا مش هتحرق

وماتقربش من المعاصي وتقول غرضي طاعه ربنا لا مفيش حاجه اسمها كده

ياااااااه انا صعبان عليه اوي كل واحد بعيد عن ربنا

ربنا يعيني اني اخد بايديهم واقولهم الطريق من هنا

وسها ربنا يسخر لها الاخوات اللي يقربوها من ربنا وينوروا طريقها

ربنا بعت لكل واحد فينا رسايل كتير زي ماالحاج حسين قال

بس احنا اللي بنترجم غلط او مبنفتحش الرساله اصلا

ياااه كام واحد كلمنا عن الالتزام واحنا بنسد ودانا عنه

كام داعي قال الطريق من هنا واحنا بعدنا عنه

انا بحبك اوي يارب ومقدرش ابعد عنك

ايه ده الهدايا والجوابات انا لسه فعلا متخلصتش منهم

ياه دول لسه في بيت الحاج حسين

ويذهب عبدالرحمن لمنزل الحاج حسين

عبدالرحمن:السلام عليكم ورحمه الله وبركاته ازيك ياامي ايه اخبارك

زوجه الحاج حسين:وعليكم السلام ورحمه الله وبركاته

الحمد لله يابني ازيك عامل ايه

عبدالرحمن :الحمد لله بخير

انا عارف ان الوقت مش مناسب بس انا محتاج الشنطه اللي كنت جايبها للحاج حسين قبل كده

زوجه الحاج حسين:لا يابني ابدا مفيش حاجه ثواني وتكون عندك

اتفضل يابني الشنطه اهي لو كنت اعرف بيتك كنت وصلتهالك من زمان
عبدالرحمن:لا ابدا ياامي ماتتعبيش نفسك

حضرتك مش محتاجه اي حاجه

زوجه الحاج حسين:جزاك الله كل خير يابني

عبدالرحمن:السلام عليكم ورحمه الله وبركاته

زوجه الحاج حسين:وعليكم السلام ورحمه الله وبركاته الله يرضي عنك

يابني

وياخد عبدالرحمن الشنطه وينزل

عبدالرحمن:ياتري اعمل ايه دلوقتي في الحاجات دي

اروح بها فين واتصرف فيها ازاي

اعمل ايه دلوقتي

الله اكبر الله اكبر

ويروح عبدالرحمن لاول مره بعد وفاة الحاج حسين المسجد اللي كانوا

بيصلوا فيه مع بعض

وبعد انتهاءه من اداء الصلاة ينظر في كل جوانب المسجد

ويفتكر كل كلام الحاج حسين معاه واد ايه كان بيحبه

ياااااه انا كنت تايه انا كنت ميت وانا بعيد عنك يارب

ياااااه فعلا اي الفريقين احق بالامن

مين اللي يستحق قلبي ومين يستحق حبي غيرك يارب

من غيرك يارب نورلي طريقي وبعتلي الحاج حسين يقولي الطريق من هنا

انا لو مش هخاف وانا بعصيك يارب هخاف من ايه تاني

انا اكلم سها تاني وارمي نفسي في بحر المعصيه ليه

وعشان ايه

ازاي ابدل نعم ربنا بالمعاصي دي

اللهم اني اعوذ بك من الزلل

يامقلب القلوب ثبت قلبي علي دينك

ويخرج عبدالرحمن من المسجد ويروح لمكان يحرق فيه كل الهدايا وكل الجوابات

يحرقها قبل مايتحرق بالذنوب والمعاصي دي يوم القيامه

انا خلاص بقي قلبي كله لله

انا مش ورقه.....ايوه انا مش ورقه وعمري ماهكون في يوم ورقه

ويروح عبدالرحمن لقبر الحاج حسين

السلام عليكم أهل الديار من المؤمنين والمسلمين ، وإنا إن شاء

الله بكم لاحقون نسأل الله لنا ولكم العافية


انا مش ورقه زي ماانت كنت بتوصينا بعد كل درس وتقول


الملتزمين كتير بس عند الفتن في ملتزم بيبقي جبل ثابت اي

حاجه

متأثرش فيه

جبل ثابت ولو كل اللي حواليه اتهز ووقع هو ثابت بالايمان

وفيه ملتزم يبقي ورقه اي حاجه ولو بسيطه تطيره وتوقعه علي الارض

ووقتها هيداس عليه

ملتزم ورقه اي حاجه تقطعه وتدمره

اي فتنه ولو بسيطه توقع قلبه وتجيبه الارض

سهل ا نك تقول انا ملتزم

بس الصعب انك تبقي جبل

انت ربيت فيه ازاي اكون جبل ثابت

وانا مش هضيع تعبك ابدا

انا خلاص كل حاجه هتبعدني عن ربنا هسيبها وهحرقها

كل حاجه هتفكرني بذنوب زمان هبعد عنها

ايوه انا مش ورقه

انا مش ورقه ياحاج حسين

انا مش ورقه ياسها

انا مش ورقه لاي حاجه هتبعدني عن طريق ربنا

ويخرج عبدالرحمن من المقابر

ويروح البيت

عبدالرحمن:السلام عليكم ورحمه الله وبركاته


والده عبدالرحمن:وعليكم السلام ورحمه الله وبركاته مبارك ياحبيبي انت كنت فين

محمد اتصل بيك كان قلقان عليك انت قافل موبايلك ليه

عبدالرحمن:الله يبارك فيكي انا هتصل به دلوقتي طمنه عليه

عبدالرحمن:السلام عليكم ورحمه الله وبركاته

محمد:وعليكم السلام ورحمه الله وبركاته

انت كنت فين يابني كل ده وعملت ايه مع سها

عبدالرحمن:هحكيلك بعدين المهم انا عايز افرحك بحاجه

عايزين الفرحه تبقي فرحتين

محمد:هتخطب سها
عبدالرحمن:يابني شيل سها من دماغك الله يهديك ويهدينا

محمد:ليه كده يابني ممكن تلتزم انا عايز افرح بيك بقي



عبدالرحمن:هههههههههه انا ابنك ياولدي وللا ايه خليك في نفسك

محمد:الحق عليه

عبدالرحمن:انا عايز اعزمك علي خطوبه اسماء

محمد:نعم وهي دي الفرحه اللي هتبقي فرحتين لا بجد ادخلت علي قلبي

السرور
عبدالرحمن:يابني الفرح مش هينفع من غيرك

محمد:ليه انا الكهربا وللا الشربات اللي هتوزعوه

عبدالرحمن:هههههههههههههه لا انت اللي امك داعيه عليك

محمد:هههههههه خفه يلاياعم مبارك عليكوا

عبدالرحمن:يابني استني بس انا مش بقولك امك داعيه عليك معناها ايه

دي
محمد:معناها ايه

عبدالرحمن:معناها ان انت العريس ياغبي

محمد:انت بتتكلم بجد ياعمي

عبدالرحمن:عمك ههههههههه يلا انا هستناكوا

محمد:انت بتتكلم بجد

عبدالرحمن:انا ههزر معاك ياولد

محمد:طب هي موافقه

عبدالرحمن:ياسيدي هخليها تعصر علي نفسها كيلو لمون

محمد:ههههههههه ليه هي تطول

عبدالرحمن:هتخليني اغضب عليك ياولد وارجع في كلامي

محمد:لا خلاص انا هكلم ابويا وامي وثواني ونكون عندكوا

وتمر السنين وتنتهي الكليه ويصبح عبدالرحمن الطبيب الداعيه وكذلك محمد

ويتزوج محمد من اسماء ويرزق منها بعبدالرحمن

محمد:انت يابني مش ناوي تتزوج بقي

عبدالرحمن:يابني متشغلش نفسك بيه خليك في نفسك وبطل لماضه شويه

محمد:الحق عليه بفكر فيك خايف تبقي عانس

هو ينفع لفظ عانس يطلق علي الرجال ههههههههههه

عبدالرحمن:عانس في عينك

انا يعني لما افكر في الزواج هستشيرك ليه هههههههه

محمد:انا هقولك لاختك اسماء تدورلك علي عروسه

عبدالرحمن:ابعد عني بس انت واسماء وانا هبقي كويس صحيح ماجمع الا اما وفق

انا مصدقت خلصت منكوا كمان عايزين تنقوا العروسه واصطبح بوشها

ليل نهار

لا انا مش عايز حاجه من طرفكوا هههههههههههههه

سيبوني في حالي ربنا هيبعتلي زوجه في الوقت المناسب

اهم حاجه يابني خليك جبل وماتكونش ورقه ياابو عبدالرحمن

محمد:حلوه ياابو عبداالرحمن دي

هههههههههههه ورقه هههههههههههه ماشي ياسي كشكول

وقريب اقولك ياابو محمد

عبدالرحمن:ههههههههههههه ابو محمد


الله المستعان



السلام عليكم ورحمه الله وبركاته
الحمد لله الذي بنعمته تتم الصالحات
الحمد لله ان اعانني واعطاني العمر علي اكمال القصه اللهم اتمم علي نعمك في الدنيا والاخره
واسفه لتاخري كثيرا عنكم اسال الله لنا ولكم التوفيق والسداد
وان ينفعني وينفعكم بهذه القصه وارجو من الله ان تكون نهايه القصه نهايه موفقه
وسامحوني علي تقصيري
اسال الله العظيم ان يجعل عملي كله خالصا لوجهه
وجزاكم الله خيرا علي المتابعه
حدثتكم من قبل ان هذه القصه ليست حقيقيه ولكنها ليست خياليه ايضا
فالحاج حسين يمثل في القصه كل داعيه وكل رساله وكل حاجه بتقول الطريق لربنا من هنا
فالحاج حسين هو حادي الطريق
وعبدالرحمن انا وانت وانتي
ومحمد هو الرفيق والاخ المؤمن
فالطريق الي الله يحتاج الي حادي ورفيق
فلابد من الصحبه الصالحه التي تعين علي طاعه الله بعد معرفه الطريق
وسها هي كل معصيه وكل حاجه بتبعدنا عن ربنا يعني سها في القصه مش بتمثل بس الحب المحرم لا هي بتمثل كل المعاصي اللي بتبعدنا عن ربنا

اسالكم الدعاء بظهر الغيب
اللهم لاتحرمنا لذة النظر الي وجهك الكريم
منقووووووووول

تــــــــــــــــــــــــ م بـــــــحــــــــمـــــــ ــد الــــلــــــه

اتمني وارجو من الله
ان تكون القصة قد نالت اعجابكم
فهي واقع يحصل كل يوم
لكل شاب وشابة..
فلنتقي الله في انفسنا واهلونا
ونتوب ولنرجع ولنفر الي الله...
مع تحياتي وارق امنياتي لكن
ام نور الدين وشيما
الملاك الطموح
شوشو

تنقل نسخة منه الى قسم الروايات الطويلة لتعم الفائدة لانها قصة بجد تستحق القراءة

مشكوة على هده القصة الرائعة + المميزة