قصه خليجيه و رومانسيه / للعاشقين فقط !!! / بقلمي‏

في بيت ابو بندر بدر قرر انه اليوم يكلم امه ماعاد فيه يصبر اكثر
بدر: امي ابغاكي تخطبي ليه سارة
نوف: الله اخيرا كلللللللللللللللللللللللل ويش
ام بندر: هذي الساعة المباركة متى تبغاني اخطبها
بدر: اليوم
نايف: ايوه اليوم
ابو بندر: وانت ايش دخلك
نايف: ايش فيك ياابويه مو انا ابغى الثانية كمان
ام بندر: نايف انت لسه بدري
نايف وهو زعلان: لا مو بدري ايش معنى بدر
نوف: سمر لسه صغيرة مااظن اهلها يوافقوا
نايف: مو لازم اتزوجها دحين اخطبها ونملك وبعد ماتتخرج نتزوج
ام بندر: انا اكلم امها ونشوف
بدر: بس اول اخطبيلي انا
نور: مررررررررة مستعجل
بدر: موشغلك
نور: ياربي ايش فيك انت والله لااحرش سارة واخليها ترفضك
نوف: ههههههههه ماتقدري انا صحبتها وتأثيري عليها بيكون اقوى
بدر: كفو والله
نوف بإبتسامة ناصعة: يسلمووووووووووووووووووو
نور: وجعععععع من زينك
نوف وهي تمد لسانها: احلى منك
ابو بندر: ايش فيكي انتي وهي خلاص اسكتوا مافي احترام ليه
نوف: انت فوق الراس ياابويه
بدر: خليكم بسالفتي متى بتروحين
ام بندر: والله مدري انت متى تبغى
بدر: لو عليه اليوم ابغى بس ايش رايك الاربعاء
ام بندر وهي تحسب: الأربعاء اليوم احنا احد يعني.......... بعد يومين
بدر: ايوه خلاص
ام بندر وهي تبتسم: خلاص الله يوفقك ياولدي
بدر: امييييييييين
نايف: وانا لاتنسيني
ام بندر: ههههههههههههههه لا مابنساك لاتخاف
نايف: كفو والله يااحلى ام بالدنيا وقام حضن امه
نوف: ههههههههههههههههه اااااااااااه من الحب وسوالفه
الكل ضحك على كلام نوف
......................... ......................... ..............

نروح لفهد اللي قرر انه خلاص بيخطب خلود لانه احتلت مكانة كبيرة بقلبه كل مايتذكرها بالحلم
فهد: الله عليها وعلى جمالها وادبها يعني بتكون زي في الحلم انشاء الله
وفتح جواله لقى رقمها لانه سجله اول لمن دقت عليه
فهد: ادق عليها ولا ماادق اتصل واقولها
اتصل فهد بجوال خلود
خلود اللي شافت الرقم اتفاجأت:هذا رقم فهد ياتري ايش يبغى خليني ارد
فهد: الوووووو السلام عليكم
خلود: وعليكم السلام
فهد: عرفتيني
خلود بإبتسامة: ايوه عرفتك مو فهد
فهد: ايوه انا كيفك
خلود: انا بخير انت كيفك
فهد: بخير خلود بقولك شيء
خلود: تفضل
فهد: انا بقولك الصراحة
خلود بثبات: هذا اللي ابغاه
فهد: خلود انا لمن دقيتي عليه اول وقولتيلي عن حبك الصراحة انصدمت بس قررت اني اطنشك لاني احب سامي وماابغى احط نفسي بمشاكل معاه وكلامي معاكي احسه خيانة له المهم نسيت الموضوع لمن جيتيني بالحلم وكان الحلم ولااروع انا طبعا مااعرفك بس احساس في داخلي قالي انه انتي وانا من اليوم هذا وانا افكرفيكي شغلتي تفكيري وبدات احبك
خلود تسمع فهد وماهي مصدقة اللي يقول انا في حلم ولاعلم
فهد: انا اليوم كلمتك وبقولك اني قررت اخطبك بس قبل كل شيء انا بسألك
خلود: تفضل
فهد: خلود لو خطبتك بتوافقي
خلود: امممممممممممم
فهد: خلود لاتستحي انا ابغى رايك
خلود: انت تعال اخطب وبتشوف ردي
فهد: طيب لو قلتلك عشان خاطري
خلود استحت ماعرفت ايش تقول وبعد تردد: ايوه بوافق
فهد وهو مبتسم: الحمد لله يلا انا ماعاد بكلمك الا لمن املك عليكي انشاء الله انا بس اتصلت بأخذ رأيك ويلا دحين مع السلامة
خلود: مع السلامة

بعد ماقفل فهد خلود جلست تبكي معقولة اللي اتمنيته من سبع سنين بيتحقق ماني مصدقة الحمدلله لك يارب اااااااااااه اشكرك ياربي اشكرك
واتصلت خلود على صحبتها لينا وقالتلها طبعا فرحت لها وبعدين قامت خلود تصلي ركعتين تشكر فيها ربها


يوم الاربعاء
يوم خطبة سارة وبدر ونايف وسمر
طبعا ام بندر اتصلت على ام سارة وقالتلها انها بتزورهم بس مابينت لها ليه ونوف كمان ماقالت لسارة على اساس تخليها مفاجأة
سارة وامها رتبوا البيت وبخروه سارة كان قلبها طول اليوم يدق حاسة انه في شيء بيصير
ام سارة: سارة حبيبتي ايش فيكي مسرحة بإيه
سارة انتبهت لأمها: هااا لا ولاشيء
ام سارة: طيب قومي سوي العصير مابقي شيء عن جيتهم
سارة: طيب
وراحت سارة سوت العصير وبعدين راحت تستحم ولبست تنورة زيتي قصيرة شوية وبلوزة بدون أكمام لونها احمر ولبست حزام جلدي احمر وصندل احمر وكان شكلها جنان وسرحت شعرها وتركته منساب على كتوفها وبعدين راحت عند امها تساعدها
ام سارة: ماشاء الله الله يحفظك يابنتي
سارة وهي مبتسمة: انا حلوة
ام سارة: انتي قولي للقمر قوم واقعد محلك
سارة: ههههههههههههههه القرد في عيون امه غزال
ام سارة: هههههههههه الله يسعدك يابنتي ويرزقك بولد الحلال قولي امين
سارة: امين
وفي هذا الوقت دق جرس الباب وراحت سارة تفتح الباب
سارة: هلا والله
ام بندر: السلام عليكم
سارة: وعليكم السلام تفضلوا حياكم
وسلموا الحريم على بعض
نوف كانت مع سارة في المطبخ
نوف: سارة يسلم عليكي بدر
سارة ابتسمت: الله يسلمك ويسلمه
نوف: انتي عارفة ليه اليوم احنا جايين
سارة: لا
نوف: احنا جينا عشان نخطب سمر لنايف
سارة: والله
نوف: وانتي لبدر
سارة كانت تصب العصير وارتجفت يدها وانكب العصير على الصحن
نوف: هههههههههههههههههه
سارة استحت من نوف
نوف: سارة ايش فيكي
سارة: مافيه شيء
نوف: طيب اتكلمي قولي شيء
سارة: ايش تبغني اقول
نوف: يعني زغردي ههههههههههههه
سارة: ههههههههههههه الله يرجك
نوف: يالله نفس كلمة بدر
سارة: ايت كلمة
نوف: الله يرجك دايما يقولها
سارة: فديته
نوف: هههههههههه قلبتي إماراتي
سارة: هههههههههههههههههه
نوف وهي تحضن سارة: الله يسعدكم انشاء الله والله تستاهلون بعض
سارة: امين وعقبالك
نوف: انشاء الله من بؤك لباب السما
سارة: هههههههههههههههه انشاء الله ويلا خلينا نروح عندهم
نوف: اوكي يلا وصارت تغني تدرج يامليح وامشي على العود
سارة: ههههههههههههههههههههههههه هههههههه

ام بندر: احنا اليوم جايينكم ياام سارة ونبغى نتقرب منكم اكثر انشاء الله
ام سارة: والله انتوا اهل وحبايب
ام بندر: تسلمين حبيبتي والله نا بزوج اولادي بدر ونايف وقلت مافي الا بنات دلال يشيلون اولادي ويسعدونهم في حياتهم وانا اليوم جايه اخطب بدر لسارة ونايف لسمر ويكون لنا الشرف بمناسبتكم
ام سارة: واحنا لنا الشرف اكثر وسارة وسمر بناتك
ام بندر: تسلمين والله انه معزتهم من معزة نوف ونور
ام سارة: الله يخليهم لكي وهاا البنات موجودين وإسأليهم
سارة وسمر من يوم سمعوا كلمة امهم وهم مختبصين وكل وحدة فيهم قلبها يرقع رقع <<<<<<<<<< مالومهم هههههههههههههه
ام بندر: هاا ايش قولتوا يمه لاتستحون مني انا زي امكم
سارة: براحتكم
نوف: احنا راحتنا انك تتزوجي بدر وسمر تتزوج نايف
ام بندر: يعني موافقة
سارة تحس نفسها خلاص شوية وتذوب: مواافقة
نوف: كلللللللللللللللللللللللل للويش مبروك وتحضن سارة
سارة: الله يبارك فيكي وعقبالك
ام سارة: بس يامنى سمر لسه صغيرة
ام بندر: والله تعبت وانا اقول لنايف بس هو مصر يقول مو لازم نتزوج دحين بس نملك ونتزوج بعد ماتتخرج ها ايش رايك؟؟؟
سمر ارتبكت لمن سمعت كلام ام بندر
وتقول في قلبها: الله عليه امووووت فيه
ام سارة: والله على راحتكم
ام بندر: ها يمه سمر موافقة
سمر: هااا
نوف: هههههههه تقولك موافقة
سمربإبتسامة: موافقة
نور: دحين دوري عاد كللللللللللللللللللويش
الكل ضحك على نور
نور تكلم سمر بشويش: يادبة بتسبقيني وتتزوجي
سكر: مو توك سمعتي امك تقول بعد مااتخرج
نور: ايوه صح يلا انشاء الله نتزوج بيوم واحد
سمر: انشاء الله
نوف: ايش عندك انتي وهي اتكلموا جماعي ماله داعي الاسرار
نور: ياربي على اللقافة
نوف: خلاص مو وقتك لاتخربين علينا فرحتنا
نور: انا ولا انتي
ام بندر: خلاص انتي وهي ولاكلمة
ام سارة: احنا دحين موافقين بس باقي ابوهم تعرفين لازم ناخذ رايه
ام بندر: خذوا راحتكم احنا اهل
وتموا الحريم سوالف مع بعض واغلبها تتعلق بالزواج
......................... ......................... ........
نروح لبدر اللي مو قادر يجلس على بعضه خايف ومرتبك
بدر: الحمارة نوف قولتلها ترسلي مسج لمن يوافقوا ولين دحين ماجاني شيء
نايف: لاتشيل هم ياخويه اللي كاتبه الله بيصير
بدر: ونعم بالله الله يستر
نايف: انشاء الله
طبعا نايف ماكانت حالته اقل من بدر بس هو يتظاهر انه ثقيل
وشوية الا يدق جوال بدر بدر لقي مسج من نوف
بدر وهو يقرا: يادبببببة افرحوا (وافقوا ) بس لاتفرحوا مرة استنونا ههههه
نايف: الحمدلله مبروك لنا
بدر: الله يبارك فيك اخيرا تحقق حلمي وااااااااه
نايف: الله يقدرنا على اسعادهم
بدر: امييييييييين
وحضنوا الأخوان بعض

في غرفة سارة
نوف: هاا سارة ايش شعورك دحين
سارة: اااااااااه شعوري مايتوصف ماااقدر اقول الا انه الحمدلله الحلم اللي تمنيته من سنين تحقق وانشاء الله اقدر اكون على قد ثقة بدر فيني واقدر اسعده واتوج حياتنا بحب ومودة ونعيش بهناء ولايكدر سعادتنا شيء
نوف: الله يوفقكم ويسعدكم
سارة: انشاء الله وعقبالك انتي
نوف: انشاء الله
سارة: ايوه صح ذكرتيني
نوف: ايش فيه
سارة: لحظة
وقامت سارة وفتحت الدولاب وطلعت كرتون صغير واعطته نوف
نوف: هدية لمين؟؟
سارة: هذا بدل العطر اللي جبته لبدر وانكسر
نوف: اها اكيد بدر بيفرح فيها مين قدك يااخويه اخذت لك وحدة رومانسية
سارة: ههههههههههههههه
......................... ......................... ........
في البيت كانت نوف عند بدر
بدر: الله يقدرني واسعدها
نوف: عاد هذي سارة حبيبتي هالله هالله فيها
بدر: ههههههههههه لاتوصي هي حبيبتي قبلك
نوف: هههههههههههههه صح ذكرتني
بدر: ايش فيه
وراحت نوف غرفتها وجابت هدية يارة
نوف: تفضل
بدر: غريبة تهديني بس مشكورة نردها لكي
نوف: ابلع ريقك هذي مو مني
بدر: بس عرفت اكيد من سارة
نوف: ايش عرفك
بدر: قلب المحب دليله ههههههههههه
نوف: الله الله مااقدر على كلامك
وفتح بدر الهدية وشاف العطر وفتحه وشمه
بدر: ريحته موغريبه عليه
نوف: هذا بدل اللي انكسر
بدر فرح: اها الله عليكي ياسارة وعلى ذوقك
نوف بفخر: طبعا موصحبتي
بدر: نوف هاتي جوالك
نوف: ليييييييييييييه
بدر: هاتيه وبس
واعطته نوف جوالها
وكتب بدر رسالة لسارة
اذا بها الدنيا حب غالي اكيد بيكون حبي لك
واذا في شوق مو عادي اكيد ياعمري شوقي لك

مشكورة على الهدية الحلوة يأغلى هدية ربي حطها بدربي
بدر
وارسل بدر المسج
نوف: ارسلت لسارة
بدر: ايوه
نوف: وريني طيب
وورى بدر نوف ايش كتب
نوف: الله الله اموووووت انا
بدر: ههههههههههههههه سارة تستاهل
نروح لسارة اللي كانت تقرا المسج
سارة: ااااااااااااه عليه وعلى كلامه ياربي ماني مصدقة اخيرا تحقق حلمي
خليني ارسله مسج ولا اتغلى شوي
لا برسله انا بحكم خطيبته وكفاية اللي راح مني
وارسلت لبدر مسج
*************
نوف مصرة انه بدر يقرا المسج عشان تسمعه
بدريقرا: ياساكن القلب والروح انت دمي في عروقي والنفس والحياة والعمر بإختصار انت الحب
نوف: ياسوسة ياسارة كل هذا يطلع منك
بدر: وانتي ايشلك يلا فارقي روحي
نوف: شوية شوية اصلا انا قايمة
بدر: لحظة هاتي جوالك
واخذ الجوال وسجل رقم سارة عنده
نوف: اخذت رقم سارة
بدر: ايوه عندك شيء
نوف:وجعع بشويش لاتصارخ يلا بااااااااااي اخليك مع الحبيبة ههههههههههههههههههههههههه ههههههههههههه
بدر: يكون احسن
وطلعت نوف وتركت بدر لوحده
بدر: احبك يامورتي خليني ارسلها مسج ثاني
**********
سارة تقراالمسج
يمكن انا اكون أعزالناس في عيونك بس انتي والله كل الناس في عيوني
بـــــدر
سارة: ياويلي بيجنني هذا
وارسلت سارة مسج على رقم بدر
************
بدريقرأ: من اول ماعرفتك انت في قلبي ووجداني
زرعتك داخل ضلوعي ورسمتك بأول كتابي
راح ارسلها بدر
احبـــــــــــــــــــــك
****************
سارة: اااااااااااااه ياربي عليه والله وانا اكثراحبك
وارسلتله سارة: احبك
*************
بدربعد ماشاف المسج يكلم نفسه: تسلميلي والله ياروحي وياقلبي دحين انام وانا مرتاح
......................... .................
بعد مرور اسبوع
دقت ام سارة على ام بندر وبلغتها موافقة ابو سارة وفرحت ام بندر بالخبر
ووعدتها انه ابو بندر يزورهم ويخطبهم رسمي
وراح ابو بندر وعياله بندر وبدر ونايف<<< العرسان هههههههههههه
وخطبوا البنات واتفقوا على انه زواج بدر وسارة في الإجازة والملكة بعد شهراما بالنسبة لزواج نايف وسمر اتفقوا انه زواجهم بعد سنتين بعد ماتتخرج سمر من الثانوية

في بيت سامي
خلود: امي تسلم عليكم نوف
ام سامي: الله يسلمها كيف حالهم
خلود: والله طيبين
(طبعا خلود وامها زاروا اهل نوف وانبسطوا كثير مع بعض)
سامي: متى تخطبولي نوف
خلود: يويو ماشاء الله اخيرا جا اليوم اللي سامي يوقلنا فيه روحي اخطبولي
سامي: تبغوني ابطل
ام سامي: لا ياحبيبي ماعليك منها يوم المنى اللي اشوفك فيه عريس
سامي: تسلمين يالغالية ها متى تخطبولي
ام سامي: بكيفك
سامي: لو عليه اليوم هههههههههه
خلود: الله الله على الحب انا من رأيي نروح نخطب بكرة الخميس ايش رأيكم خير البر عاجله
ام سامي: خلاص قومي دقي على نوف وقوليلها بنزورهم
خلود: اوكي ها سام ايش رأيك
سامي: براحتكم
......................... .....
يوم الخميس زاروا ام سامي وخلود وسامية بيت نوف
نوف ونور في المطبخ
نور: مو تحسين زيارتهم غريبة
نوف: ليه يعني
نور: مدري بس هم زارونا قبل شه لهدرجة وحشناهم
نوف: مدري بس انا احسها عادي
نور: لا انا حاسة انهم يبغون شيء
نوف: اقول خلينا نروح عندهم
......................... .......
ام بندر: الله يحيكم زارتنا البركة
ام سامي: تسلمين حبيبتي
سامية: كيف الدراسة معاكي نوف
نوف: الله يعين والله تعبت هذي السنة تعب
خلود: مين سمعك الله يمرها على خير ونتخرج ونرتاح
ام بندر: يلا مابقي شيء على الإختبارات كلها شهرين شدوا حيلكم
خلود: انشاء الله ياخالة بس دعواتكم
ام بندر: الله يوفقكم
الكل: اميييييين
......................... ..............
بعد ماراحوا اهل سامي
نور سمعت امها تقول لابوها وبدر على خطبة نوف وعلى طول ماصدقت خبر وراحت قالت لنوف
نور: نوف نوف
نوف: بسم الله ايش فيكي
نور: شفتوا كيف انه احساسي صح
نوف: احساس ايه
نور: موقلتلك انه جيت ام سامي وبناتها فيها شيء
نوف: وايش فيها جيتهم يافيلسوفة زمانك انتي
نور: استعدي للمفاجأة الكبرى
نوف: يلا قولي خلينا نشوف نهايتها معاكي
نور: ههههههههه طيب اسمعي واعي
نوف: هيييه انتي بتقولي محاضرة
نور: احسن من المحاضرة ههههههههههه
نوف وصبرها نفذ: بسرعة قولي
نور: ام سامي خطبتكي لولدها سامي

&&& الجزء التاسع عشر &&&
نوف ماصدقت نور وصارت ساكتة ومسرحة
نور: نوف نوف ايش فيكي
نوف: ولاشيء بس ماتصورت في يوم انو سامي يخطبني سامي يالله
نور: ايوه والله بس النصيب يمكن ربي خلاكي تصدمي فيه وتتعرفي عليهم كل هذا لانه بيصير زوجك
نوف: يمكن .... سبحان الله
نور: طيب انتي ايش رأيك
نوف: مدري صراحة عمري ماتوقعت انه يخطبني
نور: هو الصراحة حلو ورزة
نوف: قولي ماشاء الله
نور: الله الله بدأنا
نوف: لا بس حرام
نور: طيب ماشاء الله الله يحفظك ياسامي يازوج اختي
نوف تدف نور: اقول اسكتي خلاص على طول خليتيه زوجي
نور: احساسي يقول انه من نصيبك وعاد يلا نبغى نفرح اخرمرة كان زواج بندر وكنا صغار
نوف: انشاء الله بتفرحي بنفسك مع ماجد
نور: ايش دراكي
نوف: هههههههه ياحبيبتي مافي شيء يخفى عليه
نور: عادي مافيها شيء ماجد طيب واي بنت تتمناه
نوف: اصلا احسن عيال عمي مها وماجد و الله يسعدك معاه
نور وهي خارجة من الغرفة : امييييين وانا من رايي انه سامي مافيه شيء عريس لقطة
وتركت نوف لوحدها والأفكار توديها وتجيبها
وبعدين قررت انها تدق على سارة وتقولها
نوف: الووو مرحبا
سارة تتثاوب: هلا
نوف: هييه سكي فمك وجععععع
سارة: نعم ايش تبغي تتصل وتصارخ
نوف: نعم الله عليك قومي كل هذا نوم
سارة: حرام عليكي والله ماصرت انام كثير
نوف: ايوه اكيد البال مشغول هههههههههههههه
سارة: هههههههههههههههه
نوف: نسيتيني ايش بقولك
سارة: اممممممم
نوف: انخطبت
سارة: لااا
نوف: والله
سارة: مبروك
نوف: هههههههه على ايش تباركي توهم رايحين من عندنا حتى امي لسه ماقالتلي الملقوفة نورهي اللي قالتلي
سارة: ومين عريس الغفلة هذه
نوف: غفلة بعينك يلا بااي الشرهة عليه انا روحي كملي نومك بااااااااااااي
سارة: الوو نوف بلا بياخة
نوف: مين البايخ بالله
سارة: خلاص انا
نوف: لا والله سلامتك خلينا نحطها في احد غيرك ياربي مين خلاص نور البايخة ههههههههه
سارة: هههههههههههههههه والله انك نكتة عفوا عفوا حلوة
نوف: احم احم ايوه خليكي كذا
سارة: انتي تؤمري بس ويلا قولي مين العريس
نوف: لا اول شيء حزري انتي
سارة: اممممممم واحد اعرفه
نوف: ايوه وشوفتيه كمان
سارة: شوفته مين هذا نوف والله مدري اااه لحظة لحظة ليكون سامي
نوف: هههههههه اجابة صحيحة لكن ايش عرفك
سارة: ههههههه مدري بس كان عندي احساس من زمان انه بيخطبكي
نوف: ومن وين جاء هالاحساس ياحساسة انتي
سارة: هههههههه لا بس كذا سيبيكي مني دحين ومن احاسيسي وقولي ايش رايك انتي
نوف: مدري انا معجبة فيه بس محتارة
سارة: حبيبتي انتي صلي الإستخارة وشوفي طبعا بعد مايسألوا عنه اهلك
نوف: اكيييد بسوي كذا والله اعلم
سارة: الله يوفقك انشاء الله معاه اذا كان من نصيبك
نوف: اميييييييييين وانتي كمان

بعد مرور يومين
سامي ماخلى خلود في حالها كل شوية طالعلها بسؤال
خلود: ياحبيبي ياسامي والله مدري عنها ماكلمتها
سامي: طيب كلميها
خلود: سامي مجنون انت صح هي صحبتي لكن استحي اكلمها ايش اقولها خلاص اصبر شوية وهم بيدقوا علينا
عهود: هههههههه والله انك تحفة
سامي: اقول اسكتي انتي
خلود: حبيبي خليك ريلاكس انشاء الله بتكون من نصيبك
سامي: اقول انتي وهي ماعندكم سالفة
خلود: وين رايح
سامي: بروح اخرج مليت منكم الواحد ماياخذ منكم شيء الا الهواش وجععع
خلود: ههههههه سام حبيبي لاتزعل
عهود: طيب قول اخرج اخواتي معايا حرام طفشانات
سامي: توك تتريقي عليه يلا فارقي هذا اللي ناقصني
عهود: حبوبي والله امزح
سامي: نوووو انا اصلا خارج مع فهد يلا باااااي
وراح سامي عنهم وخلود من يوم سمعت اسم فهد سرحت
عهود: خلود خلود ايش فيها هذي البنت
عهود صارت تصارخ : خلللللللود
خلود : وجعععع قصري صوتك
عهود: ايش فيكي سرحتي ها اعترفي بسرعة
خلود: موشغلك يلا فارقي
وراحت عنها ودخل عليها اخوها عبدالرحمن
عهود: اهليين اخيرا فارقت غرفتك
عبدالرحمن: ومين قالك اني فارقتها دحين راجعلها
عهود: حاسب على نفسك ليطقلك عرق وتموت وانت تذاكر
عبدالرحمن: على الاقل احسن من اللي كل همهم الاكل والتلفزيون والهرج الفاضي قومي ذاكري لكي كم كلمة احسن لكي
وتقرب عهود من اخوها وتمسك يده: رحموني حبيبي ايش رايك تغير جو عن المذاكرة ونخرج انا وياك والله بننبسط
دفها عبدالرحمن: لا والله انا فاضيلك يعني يلا فارقي عني اوففففففف
عهود: وجععععع ايش فيهم اليوم كل واحد يقط بلاه عليه اوففففف منهم خيني اروح عند ابويه حبيبي اقنعه انه يخرجني بموت طفش
......................... ......................... ..................
في بيت ابو بندر
نادى ابو بندر بنته
وراحت نوف وهي مرتبكة وخايفه وبنفس الوقت مستحية وتحس بشعور غريب حتى ايام ماقلها ابوها عن خطبة يوسف ماجاها مثل هالشعور والارتباك
نوف: السلام عليكم
ابو + ام بندر: وعليكم السلام
ابوبندر: تعالي يانوف جنبي
ابوبندر بعد ماصار في نوف حلف انه مايغصبها على أي احد وهي حره في اختيارها
وراحت نوف وجلست عند ابوها
ابويندر: حبيبتي نوف اليوم جوا ناس يخطبوكي وانت تعرفينهم سامي اخو خلود صحبتك وانتي ادرى مننا فيهم وانا ماكلمت الا بعد ماسالت عن الولد والحمدلله طلعوا ناس ماعليهم كلام سامي مدرس وعمره 27 سنة وماشاء الله عليه رجال ماينعاب انا بنفسي رحت وسالت عنه في المدرسة اللي يدرس فيها والكل مدحه والقرار النهائي بيدك وتأكدي اننا مابنغصبك على شيء ماتبغيه ها ايش قولتي
نوف مستحية : الله يخليك ليه ياابويه
ام بندر: امييين ايش رايك يابنتي
نوف: اعطوني فرصة أفكر
ابوبندر: هذا الكلام .... الله يكملك بعقلك يابنتي

في الجامعة
البنات كلهم باركوا لسارة على خطوبتها
مها: يؤ يؤ شوفوا خدودها كيف حمرة ياقلبو عليها وتمط خدود سارة
نوف: مها شيلي يدك ترى هذي من ممتلكات اخويه
سارة تضرب نوف: اقول اسكتي
نوف: آآآآآي طيب عند بدر
مها: هذي من دحين تهدد الله يعينك عليها لمن يتزوجك اخوها
ريم وهي تغمز: لا اكيد نوف بتكون مشغولة
مها: مشغولة بإيش؟؟؟
ريم: هاا اقول نوف ولا انتي تقولي
نوف: بس انا لسه ماوفقت
مريم: على ايش توافق
ريم: اسمعوا المفاجأة سامي ولد خالتي خطب نوف
نوف استحت وجاء دورها بحمرة الخدود هههههههههههههه
مها: الله مبروك والله
مريم: مبروك
نوف: لسه ماوفقت على ايش تباركوا
مها: انشاء الله توافقي ونفرح فيكي وتقوم وتبوس نوف
نوف: وانشاء الله نفرح فيكي انتي كمان
سارة تبغى تحرج نوف: ريم ايش شعور سامي
ريم: يو طاير من الفرح تصدقون انه يحلم بنوف ومسكينة خلود تقول مجننها كل شوي يجيب طاري نوف
مريم: يؤيؤ ياحظك يانوف اللهم ارزقنا
نوف بدلع: رررريم
مها: اول مرة اشوف نوف تنكسف طالعوا خدودها حمر
البنات: ههههههههههههههههههههههههه ههه
نوف: صدق ماتستحون يلا اشوف غيروا الهرجة
مها: هههه لا مانبغى نغيرها عاجبتنا
نوف: وانا مو عاجبتني
مها بعناد: انا عاجبتني
نوف: بالغصب بتغيرينها الهرجة تخصني وانا ماابغى اكملها
مها: وانا عاجبتني
سارة: يووووو رجعنا انتي وهي ماتعقلون
ريم: وكل وحدة فيهم عروسة ياشيخات استحوا
مريم: ماظني نوف ومها بيعقلون
نوف: ههههههه خلينا العقل لكم
مها: أي والله من زينكم عاد اصلا الجلسة من دوننا ان ونوف ولاشيء
سارة: اشوف صرتوا حبايب توكم تتناقرون والله محد يعرفلكم
ريم: زين خليكم كذا وياويلكم لو رجعتوا تتهاوشوا
وضحكوا البنات وكملوا سوالفهم لين جاء وقت محاضراتهم
......................... ......................... ...........
في البيت
بدر: نوف سارة ليه ماصارت تجي بيتنا
نوف: كرهت البيت بلي فيه
بدر: نوف تكلمي عدل لاهفك دحين
نوف: يمه خوفت والله انك فاااضي
بدر: طيب يانوف يجيلك يوم
نوف: هههههههههه لا بالله
نايف دخل عليهم وهو يغني: من يقول اني لغيرك انا لك ماني لغيرك
نوف: هههههههههههه ايش عنده العاشق الثاني
نايف: هههه احب
نوف: ياقلبووووو عليهم والله يابنات محمد جننتوا اخواني
نايف: انا بالنسبة ليه راضي بالجنان
بدر: وانا معاك على طول
نوف: ههههههههههههههههههههههههه ههههههههههههههههههههههههه ه
ههههههههههههههههههههههههه هههههههههههههههههههههه
بدر: خير مرة لهذه الدرجة قلت شيء يضحك
نوف: اضحك عليك انت واخوك صحيح اصحاب العقول براحة
نايف: اقول اسكتي ياحقت سامي
نايف باللي قاله جابها على الجرح هههههههههههههه
نوف على طول وجهها حمروصفر وصار الوان وانكسفت
نايف: هههههههههه شوف وجهها حمر وصفر وخضر
بدر: تقول اشارة ههههههههههههه
نايف: ههههههههههههههههههههههههه هههههههههههههه
نورجات: ايش فيكم تضحكوا قولولي ترى نفسي اضحك
بدر: تعالي شوفي نوف كيف شكلها
نور: هههههههههه نوف ايش فيكي
نوف: موشغلك
نايف اللي قاعد لسه يضحك: ااااااااه بموت
نوف: مرررررة كثرمنها
نورتبغى تغايض نوف: نايف الله يخليك خلاص بموت من الضحك
نوف: من جد منتهين خليني اروح غرفتي احسن ليه
بدر: فين شاردة ها اعترفي قولي انك موافقة وارتاحي
نوف: مو شغلكم ها وانت يالاخ بدر ترى مصلحتك عندي يلا اهجد
بدر: لا كل شيء ولا سارة يلا خلاص اسكتوا
نوف: ايوه خليك كذا ماشاء الله على طول فهمها
نور: والله انا حرة بضحك على كيفي الضحك ببلاش صح نايف
نايف: صح يانورتي انتي
نور: احم احم انا عارفة انه هذي الدحلسة مو عشاني بس يلا مقبولة منك
نايف: هههههههههههههه
نوف: دحين انت وهو واحد فيكم يخرجنا نتمشى
نورصارت تناقز: وااااو بنخرج بنخرج
بدربإبتسامة: ولايهمكم كم نوف ونور عندي يلا كلنا بنخرج حتى امي وابويه
نوف:ايوه خليكم كذا اسمعوا الكلام خلاص انا بروح اقولهم
وراحت نوف تقول لامها وابوها واعتذر ابوها يقول تعبان شوية وراحت امهم معاهم وداهم بدر البحر بعدين راحوا مطعم واتعشوا وانبسطوا بالطلعة كثير

بعد مرور اسبوع و3 ايام
كانت نوف في غرفتها وتصلي
نوف مترددة كثير هي صح انها معجبة في سامي وهو الف بنت تتمناه لكنها خايفة هي ماتعرفهم الا من فترة صح هم طيبين بس برضو محتارة هي تعودت على حياة مع ناس تعرفهم وكمان لانه سارة وسمر بياخذون اخوانها وهما عارفين اخوانها ومتعودين على بعض من الصغر وكمان نور اذا اتزوجت ماجد تعرفوا لكن انا ياربي والله تعبت ياربي ساعدني
وقامت تصلي وبعد الصلاة صارت تدعي
اللهم اني استخيرك بعلمك واستقدرك بقدرتك واسألك من فضلك العظيم فإنك تقدر ولا اقدر وتعلم ولااعلم وانت علام الغيوب اللهم ان كنت تعلم ان زواجي من سامي محمد خير لي في عاجل امري واجله فاقدره لي ويسره ثم بارك لي فيه اللهم وان كنت تعلمه شر لي في عاجل امري واجله فاصرفه عني واصرفني عنه واقدر لي الخير حيث كان ثم رضني به
اللهم امين
وبعد ماخلصت صلاتها راحت عند نور
ودخلت على نور لقيتها عالكمبيوتر
نور: بسم الله خرعتيني
نوف: بسم الله من وجهك شايفتني جنية... ايش قاعدة تسوي
نور: قاعدة على الكمبيوتر شايفة شيء ثاني يعني
نوف: طيب لاتدفي لا انتي لمن سمعتي صوتي على طول غيرتي الصفحة قاعدة تكلمي مين عالماسنجر
نورارتبكت : اكلم صحبتي
نوف: نور لاتلفي وتدوري لو صحبتكي ماغيرتي الصفحة
نور: اوففففف هو تحقيق صحبتي وبيني وبينها اسرار
نوف: لا والله نور ترى كاشفتكي كاشفتكي
نور حست انه مافي مفر ولازم تقول لنوف
نور: اقولك بس لاتقولي لاحد
نوف: على حسب
نور: ايش قصدك
نوف: على حسب اللي بتقوليه
نور: اوف منك انا اكلم ماجد
نوف: اها ماجد وليه يعني
نور: عادي احبه واكلمه
نوف: وهو طيب
نور: اكيد يحبني
نوف: وايش يضمنلك
نور: انا عارفة ماجد كويس ومستحيل يكذب عليه
نوف: طيب قولي ليه ايش اللي يخليكي ضامنته بهذا الشكل
وحكت نور اختها كل شيء عن تعارفها هي وماجد
نوف: ماشاء الله عليه ماجد والله فرق بينه وبين يوسف
نور: ماجد طيووب
نوف: طيب انتي تكلمي معاه كويس لاتقولي شيء كذا ولاكذا تتغير نظرة الرجال عنك
نور: اصلا انا وماجد نتكلم عادي وعمره ماقال شيء خارج عن الادب وانا مثله
نوف: كويس كذا وانتي دحين قفلتي
نور: يؤ يؤ المسكين نسيت
وفنحت الماسنجر لقيته مسكين طالبهاا كذا مرة
واعتذرت له نور وحكته عن نوف وارتاح ماجد لانه يبغى احد يعاونهم على اللي هما فيه
نوف: نور قفلي منه ابغى اكلمك
نور: طيب دقيقة
واعتذرت نور من ماجد وقفلت منه
نور: هاا ايش تبغي
نوف: لابس كنت بتكلم معاكي شوية
نور: في موضوع خطبتك
نوف: ايوه
نور: واي قررتي
نوف: يعني احس اني مرتاحة له
نور: وايش مستنيه وافقي وريحي نفسك عيب ترى طولنا على الناس
نوف: مو مرة عاد وايش فيها يصبروا شوية هذا زواج مولعب عيال
نور: بكيفك بس دامك مرتاحتله خلاص وافقي
نوف: انشاء الله افكر
نور: ههههههههه
نوف: ليش تضحكي
نور: اضحك عليكي انا عارفة انك تبغي سامي بس تكابري
نوف: لا والله عادي بس
نور: بس ايه
نوف: لا ولاشيء يلا انا رايحة ومااوصيك خليكي ثقيلة مع ماجد لاتفضحينا معاه
نور: اوكي وانتي وافقي وريحي نفسك ها
نوف: هههههههههههه اوكي
نور: لحظة بس هما غريبة ماطلبوا شوفة
نوف: احسن فكة مرة وحدة يشوفني لما نتزوج
نور: لا اكيد بيطلب كل العرسان يسوو كذا
نوف: الله لايسمع منك ماابغى اشوفه
نور: بالعكس احلى شيء
نوف: يافاهمة انتي
نور: هههههههههههههه ....نوف اقفلي الباب معاكي
نوف: نوووو
نور: نوف بلا غلاسة
نوف: والله ماغيرك الغلس بااااااااااااي
وطلعت نوف من عند نور ولقيت بدر
بدر: هلا نوف
نوف: هلا بدر
بدر: ايش فيكي كذا
نوف: لا ولاشيء
بدر: لا بس احسك كذا محتارة ولاتفكري مدري عنك بس مو طبيعية
نوف: ههههههه لاطبيعية اجل صناعية
بدر: هههههههههه الله يرجك تعال غرفتي خلينا نهرج مع بعض
نوف: انا عارف انك مو مناديني لعيوني بس يلا امري على الله
بدر: اقول تعالي
وراحو غرفة بدر وكملوا سوالفهم هناك

سارة كانت بغرفتها تقلب في دفترها
سارة: يالله هالدفتر يشهد على حبي لك يابدر انشاء الله لمن اتزوج اوريه بدر
ودخلت عليها سمر
سمر: مرحبا
سارة بإبتسامة: هلاسمورة
سمر: هههههههه الغزالة رايقة دوم انشاء الله
سارة: تسلمي حبيبتي
سمر: مين قدك بعد اسبوعين ملكتك
سارة: يالله الوقت يمر بسرعة والله ماني مصدقة
سمر: كمان بدر مرة مستعجل كان خلاها بإلاجازة
سارة: ايوه والله في الاجازة حلو بس هو يبغى الزواج في الاجازة
سمر: هههههههه شكله الاخ موقادر
سارة: هييه بايخة
سمر: طيب متى نشتري الفستان
سارة: والله احترت ماشفت لين دحين شيء حلو حتى وقت افصل فيه مافي
سمر: اليوم سالت صحبتي من وين اشرت اختها فستان ملكتها شوفته في الصور مرة حلو واعطتني اسم المحل
سارة: بالله خلاص نروحله
سمر: اوكي ايش رايك اليوم نروح
سارة: اوكي وانشاء الله القى والله تعبت
سمر: انشاء الله
......................... .......................
سامي كان في بيت اخته سامية
سامي: سامية لو اطلب اني اشوف نوف عادي
سامية: اكيد عادي هذا من حقك
سامي: اجل خلاص ابغى اشوفها
سامية: وليه ماقلت من بدري
سامي: يعني دحين ماينفع
سامية: هههههههه امزح عليك الا ينفع
وقام سامي
سامية: على وين ليكون بتروح دحين ههههههههه
سامي: والله لوينفع دحين بروح بس بروح لامي واقولها
سامية: اجلس دحين مرة مستعجل اتعشى معانا بعدين روح
سامي: يوو وينك وين العشاء بروح دحين
سامية: طيب اجلس على الاقل شوية لين مايجي فيصل
ودخل عليهم فيصل
فيصل: السلام عليكم
سامي+سامية: وعليكم السلام
سامية: جيت بوقتك
فيصل: خير
سامية: لا بس سامي بيروح وانا ابغاه يجلس اقنعه يجلس
فيصل: افا اجلس ياخي تعشى معانا
سامي: غلبتوني مقدر ارفضلكم طلب
فيصل: ايه كذا قومي سامية سويلنا شاهي مشتهيه
سامية: من عيوني
فيصل: تسلملي عيونك ياقلبي
سامي: الله الله اللهم ارزقنا
فيصل: هههههه انشاء الله توافق العروسة
سامي: انشاء الله
وكملوا سامي وفيصل سوالفهم
......................... .........................
في الليل راحوا سارة وسمر وامهم السوق
سمر: سارة شوفي الفستان
سارة: ايت واحد
سمر: اللي هناك تعالي معايا المحل
ودخلو البنات المحل
سمر: ها ايش رايك
سارة: الله حلو بس مدري كيف باللبس
ام سارة: والله ذوق انتي جربيه ومابتخسري شيء
سارة: اوكي
وراحوا البنات مع امهم محل القياسات
الفستان كان حلو كان من قماش الخيشة لون البيج الغامق وداخل معاه اللون العودي عبارة عن تنورة وبلوزة بس باللبس مبين كأنه فستان وكانت قصته عادية بدون حبال والورود العودية منثرة على الفستان ويوم لبسته سارة جملت الفستان وطلع عليها جنان
سمر: الله مرة حلو عليكي من جد صيرتي ونلتي
ام سارة: ماشاء الله بس موكأنه عريان
سمر: لا امي عادي واصلا هي عروسة يعني مافيها شيء
ام سارة: خلاص براحتكم ها ايش قولتي سارة
سار: والله اشوف انه حلو
سمر: هو حلو بس غالي شوي وجع في شكله مصمم على الفين و700 ولا راضي ينقص
ام سارة: يالله فدى لعيون الغالية
سارة تحضن امها: الله يخليكي ليه ياحلى امي
سمر: يوووووو انتوا ماتحسبون اقول امشوا بسرعة وكملوا هالفلم الهندي في البيت
ام سارة: ههههههه مدري متى بتعقلبن انتي
وبسرعة فسخت سارة الفستان ولبست لبسها
بعدين راحوا اشترو اكسسوار للفستان وجزمة
ومرة وحدة مروا على محل الورود وحجزوا مسكة
وارتاحت سارة من هم الفستان

خلود حبت تغايض اخوها: يعني انت ماتعرف شكل نوف
سامي: يعني مو مرة وبعدين مافيها شيء اذا شفتها
خلود: هههههههه عارفة ياحلو بس بتسلى عليك شوية
سامي كان بيتكلم بس دخلت عليهم امهم
سامي: هابشري
ام سامي: هههههه خلاص افقت مع امها بكرة تروح تشوفها
سامي: واااو
خلود: هييييه لاتتفضحنا كذا قدام البنت واهلها وتسوي حركات زي كذا
سامي: مو شغلك فاهمة ويلا بااااااي
ام سامي: وين رايح
سامي: بروح اتجهز لبكرة
خلود: ههههههههههههههههههههههه اللي يشوفك يقول انت العروسة
سامي طنشها وراح عنها
ام سامي: الله يوفقه انشاء الله فين كنا وكيف صرنا
خلود: ايوه والله الحمدلله اخيرا تخلص من عقدة نهى الله يسعدك يااخويه
ام سامي: امييين
......................... ......................... ......

نوف: يعني لازم يشوفني خلاص بعدين بيشبع مني
ام بندر: نوف ايش فيها يعني لو شافك بياكلك
نوف: ايش معنى اخواني ماطلبوا يشوفوا سارة وسمر
ام بندر: عاد كل واحد حر بنفسه واخوانك عارفين عرايسهم مو زيك انتي الرجال مايعرفك
نوف: اوفففف طيب خلاص
ام بندر: ايوه خليكي كذا مو كل شيء تعارضين عليه
نوف: متى بيجي
ام بندر: بكره بيجي
نوف: بكرة يالله ماني متجهزه
ام بندر: احنا قلنا لكي بنزوجك بكرة كلها شوفة وبس
نوف: طيب
ودقت نوف على سارة
نوف: سارة الحقيني
سارة انفجعت: نوف ايش فيكي حبيبتي
نوف: سامي بكرة بيجي يشوفني
سارة: وجع خوفتيني حسبته شيء كبير ايش فيها طيب
نوف: والله خايفة استحي
سارة: يعني بياكلك بيشوفك وخلاص ترى احسن عشان ترتاحون لبعض
نوف: كله من نور اتفاولت عليه (وتقلد صوت نور) هما غريبة ماطلبوا شوفة
سارة: ههههههههه هذي نور جنية
نوف: يابنت هذي توديكي البحر وترجعك عطشانة
سارة: ههههههههههه والله انك صادقة
نوف: طيب قوليلي ليه انتي وسمر ماشافوكم اخواني ايش معنى انا
سارة: هههههه والله انك تحفة ياحبيتي اخوانك ماطلبوا الشوفة وبعدين اخوانك مايحتاجون يشوفونا شبعانين منا من كثر مانصدم فيهم واحنا ببيتكم يعني عارفينا
نوف: ههههههههههههه ايوه والله موشوفة شرعية وحدة الا قولي مية سارة: هههههههه شايفة كيف
نوف: طيب ايش البس
سارة: عادي البسي تنورة وبلوزة
نوف: ايش رايك بالطقم اللي لبسته يوم ماجيتكم
سارة: نوف مجنونة انتي هذيك التنورة قصيرة
نوف: طيب ايش فيها
سارة: لا فيها ميت شيء لازم تكوني محتشمة وبعدين تعالي انتي مو اول مرة تدخلي شوفة مو دخلتي على يوسف
نوف: وهذيك شوفة والله لو تشوفيني لبست اخس لبس وماحطيت شيء بوجهي قلت يمكن يشرد اتاريه اتمسك اكثر
سارة: ههههههههههههههههه كويس انه ماشرد ولا جاته سقطة من وجهك
نوف: والله يطولني هو بس المهم يلا اسيبك بروح اطلع ليه لبس
سارة: طيب وهذا اللي ماتبيه واشوفها من دحين متوترة وتبغى تطلع حلوة بعيون الحبايب
نوف: ههههههههههههههههه اقول بااااااي انتي وجهك
بدر: نوف تكلمي سارة
نوف: ايوه ايش عرفك
بدر: قلب المحب دليله
نوف: اها
بدر: سلميني عليها
سارة: طيب بس لاتنسي تتصلي عليه ابغى اعرف كل شيء اول بأول يلا باااااااااااي
نوف: لحظة يالحبيبة
سارة: هلا
نوف: بدر يسلم عليكي
سارة: الله يسلمك ويسلمه
بدر: نوف افتحي السبيكر بقول شيء
نوف: اوففف ايش تبغى
بدر: انتي افتحي وخلاص
وفتحت نوف السبيكر
بدر: الوو كيفك سارة
سارة: انا بخير انت كيفك
بدر: دامني اسمع صوتك اكيد بكون بخير
نوف: الله الله ايش هذا الكلام والله مانقدر
بدر: يسالوني ليه احبك حب ماحبه بشر وليه انتي في حياتي شمسها وانتي القمر وليه صوتك ليوصل صحراي يملاها الزهر علميهم يالحبيبة اه اه يااغلى حبية انتي ياسارة احبك بااااااااي
وراح بدر عن نوف ودخل غرفته
سارة تسمع بدر ولاشعوريا صارت دموعها تنزل وفي قلبها تقول باااي ياقلبي انت يااحلى واغلى حبيب
نوف كمان دمعت عيونها
سارة: نوف شفتي كيف والله ماني عارفة ايش اقول الحمدلله لك يارب انك رزقتني باللي ابغاه
نوف تمسح دموعها: الله يوفقكم انشاء الله ويسعدكم
سارة: اميين ويوفقك انتي
نوف: يلا باااااي
سارة: باااااااااي
وبعد ماقفلت نوف عن سارة راحت نوف غرفتها تختار لها لبس اما سارة فجلست على سريرها وصارت تبكي <<< بس اكيد انها دموع الفرح

نروح لنوف اللي عفست دولابها فوق تحت مو عارفة ايش تلبس
ودخلت عليها نور
نور: ايش عندك مفرقعة ملابسك
نوف: اطلع لبس ماني عارفة ايش البس
نور: لاتقولي سامي بيشوفك
نوف: اكيد امي قالت للبيت كله والله استحي
نور: لا امي ماقلتلي بالله صح سامي بيجي يشوفك
نوف: والله انك داهية كيف عرفتي
نور: مايبغالها ياحبيبتي من شكلك باين
نوف: طيب سيبيكي من الهرج الفاضي وتعالي قوليلي ايش البس
نور: اممممممم وخري شوية
وراحت نور عند الملابس وبعد تفكير طلعت تنورة قماشها شمواه لونها كحلي وطلعت بلوزة لونها بيج على ذهبي وفيها زخرفة على الاكمام ومن فتحة الرقبة كحلي مطرزة بخيوط ذهبية غامقة
نور: ايش رايك اتوقع يجي حلو بس ماعمري شفتها عليكي هذي البلوزة متى اشترتيها
نوف وهي تفكر: هذي مرة اشتريتها كنت مع مها في السوق عجبيتني على الماليكان بس تصدقي نسيتها
نور: اجل قومي البسيها
ولبست نوف اللبس وطلع عليها حلو مقسم جسمها تقاسيم حلوة
نور: مرة حلو مبين جسمك حلو بس تكمل الاناقة بالحزام هذا
ولبست نوف الحزام ومن جد اكتمل لبسها وصارت مررة حلوة
نوف: والله انك داهية كنت محتارة من جد ساعدتيني
نور: احم احم عشان تعرفي قيمتي
نوف: هههههههه الله يخليكي ليه
نور: اميييييييين
......................... ...............
في اليوم الثاني
نروح لمي اللي كانت تكلم ياسروبعدين سمعت احد يدق على بابها
مها: مي افتحي الباب ليه مقفلته
وفتحت مي الباب
مها: بدري
مي: كنت سرحانة شوي ماسمعت الباب
ودخلت مها الغرفة وجلست على السرير وجات عندها مي وجلست
مها: يابنت انتي وينك محد يشوفك حتى امي تقول بس جالسة في غرفتك ماتطلعي منها
مي: عادي اجلس في غرفتي احسن
مها ابتسمت: مي انتي فيكي حاجة قوليلي ترى انا اختك
مي ارتبكت وقامت من مكانها: ايش فيه يعني
مها بشك: انا ادري تعالي اجلسي ليه قومتي
مي: طيب وها جلست
مها: كيف الجامعة معاكي
مي: ماشي الحال
وهنا دق جوال مها ولمن شافت المتصل ياسر قفلت في وجهه
مها: ليه قفلتي
مي: واحد غلطان مطفشني
مها: اها طيب اسيبك انا رايحة بس جيت اطمن عليكي
مي: بدري
مها: من عمرك حبيبتي انا جيت اسلم عليكم لاني مستعجلة بروح بيت عمي
مي: طيب اجلسي اليوم روحيلهم بكرة
مها: لا لازم اروح
مي:ليه لازم عندهم شيء يعني
مها: انتي ماتدري اليوم شوفة نوف
مي باستغراب: شوفة ايه
مها: انتي ماتدري انو نوف انخطبت
مي: والله لامحد قالي
مها: يووووو انتي نايمة في العسل
مي: مها انتي من جدك ومين عريس الغفلة هذا
مها: مي عيب عليكي تقولي كذا
مي: خليها تحل ... قولي مين العريس
مها: اخو صحبتها
مي: اها ويوسف يدري
مها: مدري عنه
مي: والله لو انها اخذت يوسف احسن
مها: كل شيء قسمة ونصيب
مي: انا اموت واعرف انتي ليه كذا تحبينهم
مها: والله لانهم طيبين وعمري ماشفت منهم شيء وبعدين انتي ايش فيكي عليهم
مي: انا ماعليه منهم لكن اكره غرور نوف ومو ناقص الا صحبتها سارة وجع ماطيقها
مها: لا انتي الكلام معاكي ضايع .... والله عيب تتكلمي عن سارة كذا
مي: دخيلك انا اكرهم مااطيقهم انا حرة
مها: يوووو لو يسمعكي بدر
مي: وايش دخل بدر
مها: عاد لاتقولي برضو ماتعرفي عن بدر وسارة
مي: وايش فيهم كمان
مها: لا انتي من جد مروقة حابسة نفسك في الغرفة ومنتي دارية عن العالم
مي: لا بالله ايش فيهم
مها: اني ماتدري انه بدر ونايف خطبوا سارة وسمر
مي انصدمت : اييييييييييييييش؟؟؟
مها: ايش فيكي
مي: متى
مها: يعني من اسبوعين تقريبا وملكة بدر وسارة بعد اسبوعين
مي: احلفي
مها: والله ويلا اسيبك ياقمر يندر يستناني بااااااااااي
وراحت مها عن مي اللي وافقة مبلمة
مي: معقولة بدر بيتزوج سارة لا مستحيل مستحيل الكلبة تفوز فيه لا لا
وطاحت على سريرها وصارت تبكي ودق عليها ياسر وقفلت بوجهه
ونترك مها وبكائها ونروح لنوف
نوف كانت في غرفتها بعد ماخلصت لبس كانت جالسة تحط ميك اب
حطت بودرة بسيطة وحطت ايشدو بمبي بسيط وكحلت عينها وكملت زينتها بروج بمبي وكان المكياج مطلعها ناعمة وكلاسيكة وبعدين فتحت شعرها اللي كان يوصل لنص ظهرها وحطت وردة بمبي عند اذنها وبعدين صارت تطالع بنفسها في المراية وطلعت جنان الله يعينك ياسامي بتنخبل
نوف: يو يو كيف ادخل عليه وانا كذا والله استحي
نور دخلت على نوف وهي تصارخ
نور: نوووووووووووووف جاء
نوف ارتبكت وقلبها صار يدق بقوة: نور انا خايفة
نور: تصدقي انا زيك خايفة كأنو انا بدخل ييي الله يعينك
نوف: شوفي يدي كيف ترجف
ودخلت عليهم مها
مها: الله ايش الحلاوة هذي يابنت لا بتجنني الرجال انتي
نوف: مهاوي والله خايفة خلاص مابدخل
مها: اقول قومي وسمي بالله وانشاء الله بترتاحي
نوف: ونعم بالله جاء معاه احد
نور: لاجاء لوحده
ودخلت عليهم ام بندر: نوف يلا استعدي بسرعةانزلي
ونزلوا البنات تحت
ام بندر: خليكي ثقيلة تعالي اشوف شعرك
نوف: ايش فيه
ام بندر: لا مافيه شيء بس بعدله
نوف: مها ايش رايك اشيل الحزام احس اللبس مررة
نور: لا ماتشلينه والله حلو
نوف: بس مقسم جسمي مرة
نور: طيب احسن عشان يتفرج على كيفه ويقول الله الله ايش الجسم دا ياحظي انا والله
وتضرب نوف نور مع كتفها: وجع قليلة ادب... امي شوفي نور
ام بندر: نور سيبي اختك ايش فيكي انتي
نور: اوفففف انا بروح اجلس عالتلفزيون احسن ليه
نوف: احسن مامنك الا القلق
مها: هههههههههههه الله يرجكم
نوف: مين عنده جوه
ام بندر: ابوكي واخوانك
نوف: وانشاء الله تبغوني ادخل والجيش كله جوه
ام بندر: فيها شيء يعني
نوف: ايوه فيها والله استحي
مها: لا اكيد بيطلعوا ماحيجلسوا كلهم
نور تناديهم : اقول تعالوا اجلسوا ريحوا
وراحوا عند نور
وبعد نصف ساعة دخل ابو بندر وبندرعليهم
بندر: الله الله ايش الحلاوة دي
نوف ابتسمت لاخوها: الحلوة عيونك
ابو بندر: يلا نوف قومي ادخلي
نوف: ابويه خلاص مولازم ادخل
ابو بندر: نوف بسرعة اشوف
وراحت نوف مع ابوها اللي قاعد يدفها دف
نوف: لا ماادخل وانتوا كلكم هناك والله استحي
ابو بندر: اصلا مافي احد جوه الا بدر لاتخافي مو اكلك
وجاهم نايف: يلا استعدي ياحلوة
وجاتهم ام بندر معاها عصير: نوف امسكي الصينية عدل
نوف: امي والله مااقدر امسكها يدي ترتجف
ابو بندر: نوف ايش فيكي انتي يلا بسرعة طولنا على الولد
نوف: اوفففف طيب هاتيها
واخذت نوف العصير من امها ومشيت صوب المجلس اللي قاعد فيه سامي وابوها وراها وشوية لقيت نوف نفسها في المجلس ونظراتها على اخوها بدر والي جالس معاه
سامي اول ماشاف نوف قام
وبدر ياشر لنوف عشان تسلم وتدخل
نوف بصوت واطي يدوب ينسمع: السلام عليكم
سامي بإبتسامة: هلا وعليكم السلام
ومشيت نوف بإتجاه سامي ويدها ترتجف وقلبها يدق بقوة وماهي قادرة تسيطر على نفسها ومد سامي يده واخذ العصير وعيونه على نوف بعدين مشيت نوف وحطت الصينية على الطاولة وجلست جنب اخوها وسامي عيونه على نوف مانزلها يراقب تصرفاتها وعيونه تطلع وتنزل يطالع في جسمها بعدين انتبه على نفسه واستحى من بدر بس من حظه بدر كانت عيونه على نوف
سامي في قلبه: ماشاء الله عليها حلوة ياهنايا فيها والله
نوف في قلبها: هذا ايش فيه يطالع فيه كذا بس الصراحة حلو متغير شوية
بدريبغى يحرج نوف شوية: ها سامي ايش رايك في القمر هذا
سامي: والله زي ماقلت قمر وهذا هو
نوف استحت من كلام سامي وكان ودها تعطي بدر بكس يهجده ومدت يدها بشويش وقرصته
بدر: آي آي بشويش الله يعينك عليها ياعليها قرص
سامي: نتحمل ايش ورانا هههههههه... وفي قلبه يقول تقرصني بكيفها اهم شيء اطول القمر هذه
بدر: هههههههههههههه
نوف انقهرت من بدر طيب يابدر شغلك عندي بس بعدين وهذا الثاني ماحسب على طول اتفاعل بالهرجة شكله جريء الله يعيني عليه
بدر: طيب اسيبكم شوية بس ماني مطول دقيقة وراجع
ولمن قام نوف قاعدة تشد ثوبه تبغاه يجلس
بدريقول لنوف بصوت واطي: دقيقة وراجع مواكلك
وراح بدر عنهم وتركهم لوحدهم
سامي: كيفك نوف
نوف: بخير
سامي: تسلم عليكي خلود
نوف منزلة راسها: الله يسلمها
سامي انقهر منها ليه منزله راسها ابغى اشوفها
سامي: نوف
نوف برضو منزلة راسها: نعم
سامي: طيب طالعي فيه
نوف استحت وطالعت بسامي
سامي: ايوه كذا خليني اشوف عيونك الحلوة
نوف من سمعت كلامه قلبها دق بقوة ايش فيه كذا جريء
وردت عليه نوف بإبتسامة
سامي: اقول نوف
نوف: اممممممم
وهنا دخل عليهم بدر بعد الحاح من ابوه
بدر: هااااااي انا جيت
نوف ارتاحت بجيته عكس سامي اللي كان عنده كلام بيقوله لنوف بس يالله الايام جايه انشاء الله
نوف: عن اذنكم
سامي: تفضلي
وخرجت نوف وعطول راحت لغرفتها ونور تجري وراها<< لقافة الحريم
وبعدين سامي جلس ربع ساعة بعدين راح

نور: ها نوف ايش رأيك
نوف: عادي
نور: كيف يعني
نوف حكت نور ايش صار
نور: يييييييييييي والله بدر احرجك
نوف: طيب اوريه بس خليني اشوفه
نور: الله روعة مشتهية الشوفة
نوف: هههههههههه ليه هي أكله تشتهيها
نور: هههههههههههه انقلعي دبة
نوف: بسم الله عليه جسمي حلو
نور: طيب كيف سامي
نوف: والله محلو مدري ايش مسوي بنفسه
نور: اكيد مضبط نفسه اجل يجي بعفانته
نوف: ماالمعفن غيرك
نور: ههههه والله بدينا ندافع وين اللي كانت مترددة
نوف: اقول فارقي
نوروهي خارجة : على قولة بسكال طلب ايدي من اهلي وقلت افكر على مهلي والقصة مابدها تفكير شو حلو الجازي بكير وشهر العسل ياحبيبي وشهر العسل ياحبيبي وشههههر العسسسسل بجدة
نوف رمي المخدة على اختها: شهر عسل بجدة ليه مو زي زي بنات الناس
نور: لا اكيد ماتهونين على الحبيب ههههههههههههههههه
وخرجت نور من الغرفة قبل مايصيدها شيء من نوف
نوف: خبلة وعمرها مابتعقل.... خليني ادور على السوسة بدر
وراحت نوف غرفة بدر مالقيته ودورت عليه في البيت لقيت نايف
نوف: نايف وين بدر
نايف: اعتقد خرج ليه
نوف: بس ابغاه
نايف: الا تعالي نوف ايش رأيك بسامي
نوف: والله مدري محتارة
نايف: لاتفوتينه من يدك تراه مرة خطير ودمه خفيف
نوف: يصير خير انشاء الله
نايف: يلا انا خارج عشانك اليوم جلسنا في البيت
نوف تتمايل على اخوها: يعني مااستاهل
نايف: الا والله تستاهلي ونص
وتبوس نوف اخوها: اموووووووواه ياقلبي انت
نايف: هيييييه بس ليكون تحسبيني سامي
نوف: وجعع ايش فيكم عليه اليوم
نايف: هههههههه امزح معاكي يلا بااااااااااي
نوف: باااااااااااي الله لايحرمني منكم
خليني اروح اغير لبسي فرحانه فيه هههههههه
......................... ......................... ...
نروح لسامي اللي دخل البيت وهو يغني
خلود وعهود كانوامنتظرين سامي
خلود: الله الله الاخ مروق
سامي: مرحبا
خلود + عهود: اهليييين
خلود: ها بشر
سامي: عادي دخلت عليه وشفتها
عهود: كيف عجبتك
سامي: اكييييييد الله عليها وعلى جمالها
خلود: يويو الاخ مو مروق وبس الا ذايب
سامي: يحقلي مو
عهود: يحقلك ونص سيبك من الدبة هذي
خلود: محد دبة غيرك
سامي: يوووو بديتوا مهاوشة انا بروح غرفتي لاتعكرون مزاجي...... وراح عنهم وتركهم يكملوا مجاكرة<<< مدري ليه الاخوات دوم يتناقرون ههههههههههه
......................... ......................... ...
نوف بعد ماخلصت بكاء: انا ايش ابغى فيه هو الخسران انا عندي ياسر يحبني ويموت عليه ويستنى اشارة مني بس لكن انشاء الله مايتهنون مع بعض واسمع خبر طلاقهم باسرع وقت انشاء الله
وبعدين دقت على ياسر ودردشت معاه شوية وبعد ماقفلت منه خرجت من غرفتها وراحت عند يوسف
مي: يوسف ماسمعت اخر خبر
يوسف: لا ايش هو
مي: نوف انخطبت
يوسف: قديمة سمعت فيه
مي: والله غريبة المهم ايش رأيك
يوسف: الله يوفقها كل واحد يأخذ نصيبه
مي: من متى
يوسف: ايش هو اللي من متى؟؟؟
مي: لا ولا شيء بس احسك متغير
يوسف: انشاء الله اكون متغير للاحسن وانتي يامي حلي عن نوف خليها تتهنى مالنا شغل فيها
مي: وانا اشلي فيها
يوسف: يكون احسن
وطلعت مي من عند اخوها اللي تحس انه متغير
(بتتسائلون يوسف ليه اتغير وانا بقولكم المهم يوسف معاه صاحب في شلته اسمه عبد العزيز طبعا كان مثل يوسف بس ربي اهداه وترك شلة السوء اللي مصاحبها وحب انه يأثر على يوسف لانه هو الوحيد اللي صاحبه في الشلة اكثر شيء وبدا تأثيره يجيب نتيجة لانو يوسف له اسبوعين مايروح الشقة وهذا كله بفضل الله ثم فضل عبد العزيز)
......................... ......................... ...

نروح للقاعة هناك الكل منبسط والبنات يرقصوا ومنعنشين على الاخر
وقربت وقت الزفة ونوف طلعت عند بدر وسارة وقطعت عليهم خلوتهم
نوف : هوووووووووب انا جيت
بدر: يافرحتك ايش تبغين يلا فارقي مزعجة
سارة ساكتة وتضحك على بدر
نوف: الله الله ايش قاعدين تسوون
بدر: مو شغلك
نوف: حبيبي الحركات هذه مو هنا فاهم ويلا اشوف قوموا الليل راح والناس بتروح وحضرتك قاعد تهرج
بدر: وانا ايش دخلني بالناس
نوف: الناس جاية عشان تشوفكم يلا قوموا جاء وقت الزفة
بدر: يلا طيب
ويقوم بدر ويمسك يد سارة ويحضنها بيده ويروحوا مع نوف
في القاعة اعلنوا عن الزفة وانه العريس بيدخل ولبسوا الحريم عباياتهم وطفوا الانوار وولعوا الشموع اللي على الطاولات وكان الجو يجنن والكل عيونهم مبققة تدور على العرسان <<<<< هههههههه حرييييييم
وطلعوا العرسان من البلكونة والكل منبهر من جمال سارة وبدر كانوا لايقين لبعض وام بندر وام سارة قاعدين يقرون خايفين على عيالهم ومن اول ماظهروا بدر وسارة صاروا البنات يصارخو ويصفروا ويصفقوا مع الاغنية وسارة مرتبكة من المنظر وبدر يضحك على اشكال الحريم
بدر: هههههههههه سارة شوفي الحريم كيف مبينين عيونهم اخ على لقافهم
سارة: انت ايش عليك منهم طالع فيه وبس
بدر: هههههههه تغارين عليه ياقلبي
سارة: لا مااغار
وقرر بدر انه يحرج سارة وعلى طول شالها ودار فيها وسارة منفجعة وبنفس الوقت تضحك والبنات ماحسبوا قاموا يصارخوا ويصفروا على حركة بدر
سارة: مجنووووون
بدر: ايش رايك
وبعدين باسها مع خدها ونزلها
وسارة وقفت تعدل شعرها وفستانها بس بنفس الوقت عجبتها الفكرة الله يرجك يابدر
وبعدين استعدوا للزفة ونزلوا من الدرج ومشيوا على الممر ونوف ترمي عليهم الورود لين وصلوا الكوشة والمصورة تصورهم ووجاتهم نوف ونور وصاروا يرقصوهم ونادوا امهم وام سارة والكل يرقص ومسويين دائرة حوالين العرسان وبعدين راحوا بدر وسارة وجلسوا على الكرسي الكبير المزين ولبسوا بعض الدبل اول شيء بدأ بدر ولبس سارة دبلتها بعدين باس يدها وبعدين لبست سارة بدر دبلته وبرضو باست يده وكانت لقطة ولااروع
وبعدين راحوا عند الكيكة وقطعوها واكلوا بعض والبنات مع كل حركة يصفقوا ويصفروا وبعدين راحوا الناس ومابقي الا العائلتين ودخلوا ابو بندر وابو سارة وتصوروا مع العرسان
......................... ......................... .
نروح لمكان ثاني كان زحمة والناس ملتمة
طبعا ياسر اول ماشاف جسم مي يطير قدامه مااستحمل المنظر وركب سيارته وشرد والاسعاف جاء وشالوا مي على الحمالة
الرجال: هي كانت مسرعة وكأنه احد يلحقها وانا ماقدرت اوقف السيارة
الشرطي: ماتدري من وين جايه
الرجال: والله ماانتبهت
وشوية تجي حرمة واللي هي اخت الرجال
الحرمة: احمد هذي شنطتها
واخذ احمد الشنطة واعطاها الشرطي
......................... ...................
ام يوسف: مها مدري احس اني متضايقة الله يستر
مها: ايش فيكي ياامي
ام يوسف: مدري يابنتي بس فجأة نغزني قلبي وجات في بالي مي
مها خافت من كلام امها بس تحاول تهديها: امي انشاء الله مافيها الا الخير
ام يوسف: طيب دقي عليها طمنيني
مها ابتسمت: انشاء الله دحين ادق
ودقت مها على جوال مي وحاولت كذا مرة ومحد يرد
مها: امي محد يرد يمكن نامت
ام يوسف: الله يستر يلا بسرعة خلينا نروح البيت انا مو مطمنة
مها: انشاء الله بس انتي ارتاحي
......................... ....................
في المستشفى
وانقذوا الدكتور واللي معاه مي بس كانت حالتها خطيرة
الدكتور: فين اهلها
احمد: خير يادكتور
الدكتور: والله مااعرف ايش اقولكم بس هي حالتها خطيرة عنده نزيف بالدماغ وهي دحين بغيبوبة ومحتاجة دم
احمد: لا حول ولا قوة الا بالله بس احنا ماندري مين اهلها
الدكتور: بس لازم ننقذها الوقت يداهمنا
نادية: انا اتبرع لها
احمد: خلاص نشوف انا وانتي بس اول شيء نخبر اهلها
نادية: احمد شوف شنطتها يمكن نلاقي شيء يدلنا على اهلها
وقال احمد للشرطي واعطى الشرطي احمد الشنطة اللي بدوره اعطاها اخته وفتحتها نادية وطلعت جوال مي
نادية: اشياء عادية بس في جوالها
احمد: خلاص ندق عليهم لازم نقلهم هذولا اهلها

ياسر كان في السيارة ومعاه عبير
وكان يفكر: على قد ماحبيتك ياعبير على قد ماكرهتك ولازم اخليكي تدفعي الثمن حق مي ماراح يروح وانا اللي باخذه منك نفس المكان اللي وديت له مي بوديكي له مكان كله وحوش بشرية تنتظر الفريسة بأي وقت هههههههههه
عبير: خير ايش عندك اشوفك تبتسم ضحكني معاك
ياسر: لا بس اتخيل الشكل لمن تكشف حقيقتي
عبير: ههههههههههههه ودي اكون معك
ياسر في قلبه: هههههه بتكوني معاي لاتتعجلي
ياسر: عبير انتي تكرهي مي
عبير: اكرهها واكره اخوها لوبيدي اذبحهم الاثنين
ياسر: اخوها؟؟ ايش دخل اخوها
وحكت عبير ياسر عن يوسف واناه حبته بس هو تركها وذلها
وياسر يسمع مي وقلبه صاير نار انا الغبي احبها واسوي لها كل شيء وهي ماهي دارية عني
ياسر: تحبي يوسف طيب وانا
عبير ارتبكت: هاا انت حبيبي كمان بس يوسف دحين اكرهه اكرهه
ياسر: بس كنتي تحبينه وتضحكي عليه
عبير ياربي انا ايش سويت
عبير تمسك يد ياسر: ياسر حبيبي والله انا احبك
ياسر يدف يد عبير: انتي كذاااابة
وصاروا ياسر وعبير يتهاوشوا والجو بينهم مكهرب وياسر مقهور منها وصدره شاب حقد عليها
عبيرتصارخ: ياسر انتبه بنصدم
وماقدر ياسر يتماسك واتقلبت فيهم السيارة
***************
في المستشفى
كانوا يوسف وامهم ومها جالسين
يوسف: انا بس ابغى اعرف هي وين راحت
ام يوسف: الله يستر شكلها مسوية شيء غلط حاسة كذا
مها: لا انشاء الله بس ابويه لايدري والله غير يتعب
يوسف معصب: يعني مانقوله
مها: لا قصدي نقوله أي شيء غير انه مي خرجت من الملكة عشان تروح لمكان الله العالم ايش هو
واتفقوا يوسف وامه واخته انهم يقولوا للسواق انه اخذ مي وهي طلبت منه انها تنزل وتتمشى وانه صدمتها سيارة
......................... ...............
طبعا تبغون تعرفون ايش صار بياسر وعبير
الحادث كان قوي وعبير على طول ماتت لكن ياسر انقذوه بس قلبه كان ضعيف وتوفى بعد ساعتين من الحادث وبكذا انتهت حياة ياسر وعبير واخذوا عقابهم من الله اللي يمـــــــــهل ولايهـــــــــمل
......................... ..............
جاء اليوم الثاني وابويوسف واهله كلهم بالمستشفى عند مي اللي لساتها بغيبوبة وام يوسف ماوقفت بكاء على بنتها ومها تشاركها الصياح وبندر يهدي فيها وابو يوسف قلبه مشغول على بنته بس هو يضاهر بالعكس وماجد وويوسف يهدون امهم ويصبرونها ومازن رغم صغره لكنه حاس باللي صاير وقاعد يبكي على مي حبيبته اللي دايما تلعب معاه على قولته
مازن: بابا مي يترجع لنا
ابويوسف يحضن ولده: انشاء الله مي بتقوم وترجع معانا البيت
مازن: انشاء الله
ويروح مازن عند امه ويحضنها ويبكي معاها
......................... .........
نوف كانت في الصالة ومسرحة تفكر بمي
نور: نوف
نوف: نعم
نور: ايش رايك نروح عند سارة وسمر
نوف: افكر
نور: نوف ايش فيكي
نوف: اقولك يانور على شيء ماتصدقينه
نور جلست عند نوف: قولي
نوف: مي امس سلمت عليه وباركتلي وقالتلي سامحيني
نور: لا كويس تصدقين نوف ماجد دايما يحكيني عن مي يقول شخصيتها غريبة مرة تكون حنونة وطيبة خصوصا مع مازن ومرات تكون عصبية وحقودة
نوف: الله يهديها وتصير طيبة معانا
نور: طيب ايش رايك نزورها ونخلي علاقتنا تقوى
نوف: ههههههه انتي بس بغي تخرجي ها بتروحي عند سمر ولامي
نور: خخخخخ عادي كل يوم نروح لاحد
نوف: هههههههه افكر واردلك
ودخل عليهم بندر ومبين عليه انه زعلان
بندر: السلام عليكم
نوف + نور: وعليكم السلام
بندر: وين امي وابويه
نور: في غرفتهم ليششششش
وراح بندر عند امه وابوه وطنشهم
نور: هذا ايش فيه مايرد
نوف: شكله مايطمئن الله يستر
نور: ياخبر النهارده بفلوس بكره ببلاش
نوف: على قولتك
وكملوا هروجهم
وشوية يخرج ابو بندر وهو لابس ثوبه والشماغ بيده وشكله مهموم
نوف: ايش فيكم
ومحد رد عليها وخرجوا
نوف: امي ايش فيه ابويه
ام بندر: لاحول ولاقوة الا بالله
نور: امي قولي خوفتينا
امهم: مي بنت عمكم صار لها حادث
نوف ونور صرخوا مع بعض توهم جايبين سيرتها يالله
نوف صارت تبكي: المسكينة امس تعتذرلي عن كل شيء اتاريها حاسة
نور: ودحين هي كيف
امهم: يقول بندر انه كان معاها نزيف بالدماغ بس عالجوه لكنها في غيبوبة الحادث كان قوي
نوف تحضن امها وتبكي وام بندر تهدهد عليها وجاهم بدر
بدر: ايش فيكم
وقالتله نور عن اللي صار
بدر: الله يشفيها
نوف: انا ابغى اروح لمي
ام بندر: هي دحين بغيبوبة ماتدري عنا
نوف: برضو بروح حرام مها اكيد زعلانة
بدر: خلاص دحين نروح
وراحوا بدر واهله المستشفى

بعد مرور اسبوع على الحادثة
حالت مي ماتحسنت و لساتها بغيبوبة
وامها ارتفع عندها الضغط ونوموها بالمستشفى
والباقين حزنانين على مي ويدعولها بالشفاء
ونوف كانت مرررة متاثرة على اللي صار وكل يوم تبكي
سارة: نوف حبيبتي خلاص انشاء الله تقوم بالسلامة
نوف: اااه ياسارة انا اخر وحدة شفتها تخيلي اعتذرتلي وحضنتني ااااااااه ماني قادرة انسى شكلها ياليتني ليتها تجلس ولاتروح
سارة: نوف كل شيء مقدر ومكتوب حرام تقولي كذا انتي ارتاحي دحين
ونامت نوف على رجل سارة اللي قاعدة تمسح دموعها وشوية الا تلاقي نوف نامت بعدين حطت راس نوف على المخدة وغطتها وخرجت من الغرفة وهي تفكر بنوف على قد ماشافت من مي لكنها تحبها ومتاثرة على اللي صاب مي ربي يخليكي ليه يانوف
وكانتسارة بتروح بيتهم بس قالت بتمرعلى بدر تسلم عليه من الحادث ماشفته زين
بدر كان يكلم جوليا اللي اتصلت عليه
جوليا: والله مشتاقيئلك كتير
بدر: وانا اكثر بس
بدر وقف موقادر يكمل يخاف يقولها على سالفة زواجه تقوم تزعل
جوليا: بس ايه بدر
بدر خليني اقولها وارتاح
بدر: جوليا انا بتزوج قريب
جوليا انصدمت: شووووو
بدر: جوليا انا قلتلك من زمان اني مستحيل اتزوجك انا احب بنت جيراننا من زمان ودحين خطبتها وصارت ملكتنا وزواجنا بالصيف
جوليا: بس انت ماقولتلي انك تحب
بدر: ماكنت ابغى اجرحك
جوليا: بس انت جرحتني كتير باولتك دي انا اتأملت منك كتير بدر
بدر: انا اسف جوليا بس والله انا احب سارة ومن زمان اتمنيت اني ارتبط بيها
جوليا بحسرة: اوكي بدر الله يوفقك
بدر: لاتزعلي جوليا والله اني حبيتك
سارة كانت بتدخل الغرفة بس سمعت جملة بدر الاخيرة وماقدرت وعلى طول خرجت وراحت بيتهم ودموعها على خدودها

&&& الجزء الأخيـــــــــــــــ ـر &&&
بدر: لاتزعلي جوليا والله اني حبيتك بس كأخت ليه وانا عمري ماوعدتك بالزواج صح ولا لا ؟؟؟؟
جوليا ساكتة وماترد لانها ماهي قادره تتكلم من البكاء
بدر: جوليا كل اللي ابغاه منك انك تدعيلي ربي يوفقني وانتي انشاء الله بتلاقي اللي بنسيكي بدر واهله كمان
جوليا ابتسمت: عمري مابنساك يابدر والله يوفئك مع اللي اخترتها
وقفل بدر من جوليا وحس براحة كبيرة
بدر: الحمدلله هم وانزاح من قلبي خليني اروح عند سارة
وراح بدر لغرفة نوف يحسب سارة موجودة وفتح الغرفة لقي نوف نايمة وسارة ماهي موجودة
بدر: وين راحت
وراح يدور عليها في البيت مالقيها ولقى نور خارجة من المطبخ
بدر: نور وين سارة
نور: الله لنا مسرع فقدتها
بدر: موشغلك
نور: هههههههههه اكلتني سارة راحت بيتهم
بدر: ليه
نور: حلوة ذي ليه عادي البنت راحت بيتهم ليه تحسب نفسك تزوجتها تراه لسه بيت ابوها بيتها
بدر: تافهه انا ايش مقعدني اكلم ناس سخيفة
نور: والله مالسخيف غيرك
وراح بدر لغرفته ودق على جوال سارة وماردت عليه
سارة كانت في السيارة مع سواق اهل بدر وتطالع في جوالها وهو يدق بإسم ( دنيتي) وعيونها مليانة دموع
سارة في قلبها: ليه يابدر بس معقولة انت كذا لا مومعقولة بدر يحبني والادلة على حبه ليه كثيرة انا المفروض مااتسرع بس انا سمعته يقولها ياربي مين هذي جوليا ومن وين طلعت بس انا احب بدر وانا اولى فيه من غيري انا اللي حبيت السنين هذي كلها وانا اكثر وحده استاهل بدر لازم مااسيب بدر بعد مالقيته لازم ياانا ياجوليا هذه
***********************
سامي: خلود ماكلمتي نوف
خلود: مسكينة نوف
سامي انفجع: ايش فيها
خلود: مسكينة بنت عمها صار لها حادث وهي دحين بغيبوبة
سامي: الله يشفيها وكيف نوف
خلود: نوف مرة متأثرة الله يعينها
سامي: طيب روحولها نسوها شوية
خلود: والله فكرة نروح انا وعهود
سامي: خلاص يلا انا اوديكم
خلود: اوكي
***********************
.سارة بعد ماوصلت بيتهم دخلت غرفتها على طول وفكت عبايتها وجلست على السرير مسرحة وبعدين راحت سحبت من تحت مخدتها اللعلبة اللي اعطاها بدر يوم الملكة
سارة: هذي اكبر دليل انو بدر يحبني انا لازم مابين لبدر وانشاء الله مع الايام بنسيه جوليا هذي
وقررت انها تدق على بدر
ودقت سارة على بدر اللي ماصدق
بدر: حبيبتي سارة وينك
سارة: ههههههه في بيتنا
بدر: وليه لمن ادق عليكي ماتردي
سارة: ا لا بس جوالي كنت حاطته سايلنت
بدر: طيب ليه رحتي من غير ماتمري عليه
سارة :اسفة حبيبي بس دقت عليه امي وقالتلي اجي بسرعة عشان اسلم على خالاتي لانهم بيسافروا((( هذا الكلام صار امس وخالاتها سافروا بس سارة اضطرت انها تكذب)))
بدر: خلاص عاذرك تدرين ليه
سارة بدلع: ليه ياقلبي
بدر: لانك قولتي ياحبيبي
سارة تبغى تزيد بدر تولع: انت حبيبي وقلبي وروحي ودنيتي وعمري وكل شيء بحياتي احبك احبك احبك احبــــــــــــــــــــــ ــــك
بدر: ياويل حالي انا لحقيني سارة بموووووووووووت
سارة: انشاء الله يومي قبل يومك
بدر: الله يطول بعمرك واسعدك
وكملوا بدر وسارة حديثهم وسارة في بالها انها راح تنسي بدر جوليا وانشاء الله حتقدر
************************* ******
خلود: نوف انشاء الله ربي بيشفي مي هي دحين محتاجة دعائكم لها والبكاء مايفيد
نوف: يعلم ربي اني بكل صلاة ادعيلها نفسي تقوم مي ونرجع نحب بعض زي ماكنا صغار هي صح مي غلطت عليه كثير بس والله اني مسامحتها اهم شيء تقوم
خلود: انشاء الله ربي يستجيب دعائك بس انتي قومي غسلي وجهك وخلينا نهرج مع بعض والله مشتاقة لهروجك وخفة دمك
ابتسمت نوف لخلود وراحت تغسل وجهها وخرجت مالقيت خلود..... وغيرت لبسها بس انتبهت انه في شيء على السرير وراحت عنده ولقيته كيس صغير في علبه فتحتها لقيت فيها سلسلة ذهب مررررة ناعمة وابتسمت نوف ورجعتها مكانها وراحت عند البنات
خلود تبتسم لنوف حاسة انها شافت الهدية
نور: ياهلا والله بأختي اقول خلود تعالوا كل يوم عشان الضحكة تعم بيتنا
خلود: هههههههههههههه انشاء الله وبجيب اخويه معايا
نور: عاد اخوكي هذا اهم شيء
نوف تضحك على خلود ونور الله لايحرمني منكم
نوف بصوت واطي خلود: قوليله مشكوووووور على الهدية
خلود: مين هو؟؟؟
نوف: اللي بتجيبيه معاكي كل يوم ههههه
خلود: هههههههههههه يوصل
عهود: انتي ايش عندك ايش تقولي لنوف
خلود: سررررررررر
نور: هيييييه نوف احنا يالله تحملناكي انتي وسارة دحين بتكملينها مع خلود
نوف: موتي حررررررررة ماني قايلتلك
نور: هههههه والله ماني ميتة ولاشيء بكرة تجين وتقولي ليه
نوف: تكفين يالمهمة
خلود: سارة كيف حالها
نور: سارة عايشة بدنيا ثانية خخخخخخخخخ
خلود: ليه
نوف: لا بس تدرين ملكت وعاد تعرفين حال المتملكين
خلود: هههههههه الله يسعدهم انشاء الله ويسعدك مع سامي
نوف: انشاء الله
وكملوا البنات سوالفهم التي لاتخلوا من المناقرة
***********************
في المستشفى
مي حالتها زي ماهي وكان في الغرفة عندها مها وكانت تقرأ قران ودخل عليها ماجد
ماجد: السلام عليكم
مها قفلت القران: وعليكم السلام
ماجد: كيفك مهاوي وكيف مي دحين
مها تطالع في مي: انا بخير ومي الله يقومها لنا بالسلامة
ماجد: اميييييييين
مها: ماجد حبيبي ابغاك تمر على امي تاخذ عيالي تويهم بيت عمي امي بروحها تعبانة وعيالي اشقياء بيتعبونها
ماجد: انشاء الله بس انتي ارتاحي شوفي وجهك كيف اصفر
مها: من وين تجي الراحة الله يعين بس
ماجد: يلا مع السلامة وانتبهي على نفسك
مها: انشاءالله ... مع السلامة
***********************
يوسف ومن يوم اللي صار وهو يفكرايش اللي خلى مي تجري في الشارع ااااه متى تقومي يامي وتريحيني من الشك اللي بيقتلني
عبدالعزيز: يوسف خير ياخوي لي ساعة وانا اكلمك وماترد
يوسف: سامحني بس مسرح شوية تدري اختي في غيبوبة والله اعلم تقوم ولا لا
عبد العزيز: خلي ايمانك بالله قوي والله يشفيها
يوسف: امين
عبد العزيز: قوم في محاضرة اليوم تعال روح معاي وغيرالجو الكئيب هذا
يوسف: ايه والله جزاك الله خير ياعبدالعزيز
**********************
في السيارة
سامي: خلود عندي لكي خبر
خلود ارتبكت: اش فيه
سامي يضحك: ههههههه ايش فيكي خير انشاء الله
عهود: يلا سامي قوووووووول
سامي: طيب طيب حريم مايصبروا.. خلود جاكي عريس
خلود: انا ماابغى اتزوج
عهود: وليه انشاء الله
خلود: بس كذا
سامي: ابلعي ريقك اول شيء اعرفي مين العريس بعدين ارفضي
عهود:ميييييييييييين بسرعة
سامي: فهد صاحبي خطبك
عهود: كلللللللللللللللللللللللو ش
سامي: ههههههههههههه مرجوجة
عهود: هذا تعبير مؤقت عن فرحي لاختي الحبيبة
سامي: ههههههههههههههه خلود ايش فيكي ساكتة
خلود من الفرحة ماهي عارفة تتكلم اخيرا تحقق حلمي الحمد لله الحمدلله
عهود: هههههه انت ماتعرف المثل اللي يقول السكوت علامة الرضا
سامي:انتي اسكتي خلينا نعرف رأي العروسة
خلود: والله مدري خليني افكر
عهود: شفت كيف انا افهمها وهي طايره هي قالت خلوني افكر يعني موافقة لانها اول قالت ماابغى اتزوج
سامي: ههههههههه والله انك سوسة
عهود: ههههههههه اعجبك ترى انا موجودة في الخدمة بأي وقت
خلود: اقول اقلبي وجهك
عهود: على أي صفحة
سامي يضحك على اخواته: هههههههههه والله ضحكتوني طيب دام انك تفهمينها وهي طايره قولي ليه كيف شكل نوف لمن تجيبوا سيرتي
عهود: اشوفك قمت تصتاد في الماء العكر
سامي وخلود: ههههههههههههههههههههههههه ههههههههههههههههه
عهود: تضحك عليه ها عناد ماني قايلة
خلود: مولازم انا اقوله
عهود: هههههههههههاي خلاص ضمنت
سامي: ضمنت ايش
خلود: ها اقول سام حبيبي سيبك منها هذي هبلة
سامي: على قولتك خلينا بسالفتك ها ايش رأيك
خلود: زي ماقلتلك خليني افكر واردلكم
سامي: يصير خير انشاء الله
عهود: سامي تبغاني احكيك عن نوف
سامي: ياليت والله
عهود: طيب خذ عندك خخخخخخخخ
وصارت عهود تتكلم عن نوف ماخلت شيء ماقالته له
*************************