مأدري وين عقلي في اللحضه هذي
والله مأدري وين عقلي هههه الموقف في ايام رمضـان ٩/٢٢ كنا احنا والبنات بالمطبخ هذي تقلي وهذي تطبخ وهذي تسوي والشغاله تغسل المهم كان الجو رووعه فقال الوالد خلاص نفطر في الجلسه اللي بالحوش من باب التغيير شوي وكان بسرعه نقـلّط الأكـل لان مافي وقت وابوي ههههههه قافـله معه كان شوي معصب مأدري ليش المهم كان خمس دقايق عن الأذان ووحده من البنات قالت لي فوفو بسرعه ودي الصينيه هاذي قبل الأذان يالله بسسسرعه وانا بسرعه اخذ الصينيه فقالت مو كلها تشيليها قلت لا ماعليك فوفو شطوره (الله من الشطاره بس) وانا اشيلها وكان فيها ست صحون زجاج مهلبيه
وخمس صحون سلطة فتوش وكوب كبير مويه وكوب كبير عصير(والسلطه وجبه مقدسه عن الوالد في كل فطره) ويوم وصلت عند الباب ابي افتحه من هبالتي بدال انادي على اخواني يفتحو قلت خليني افتحه وانا ارفع ركبتي على الصينيه ويدي اليسرى ماسكه فيها الصينيه اما اليد اليمنى احاول افتح في الباب وفي لحضه وزمــــانــها كــل اللي بالصيــنيه طاااااااح وتكسسسسر حتى كوب المويه والعصير انكسسسسر طاح عند باب الصاله وصار البيت ريحته شييينه تجيب المـــرض وصار انواع الكوكتيل عند الباب كل الاكل مخلط فوق بعضه هههه المهم كل اخواتي اجتمعو عندي ومسبه من هاذي وشتمه من هاذي وكلمه من هاذي وانا عقلي وتفكيري مو معهم كان عقلي عند رئيس القوم الوالد الله يحفضه وش يقول على هالحوسه واصلاً هو معصب من اول ولحد الأن مأفطرنا والوقت يمشي بسرعه وكان بهاذي اللحضه باقي دقيقتين وكنا على اعصابنا انا لحد الأن مارحت لا ابوي كنت جوا البيت والبنات اللي تشيل واللي تمسح واللي تشتم واللي تركض تجيب مويه هههههه في هاذي اللحضه كان اهم شي المويه اما الباقي بالطقاق هههههه اما انا مثل البـس (القطوه) ساااكته افكر فيهم احس جاء برود في جسمي شايله هم وش يقول ابوي علي وش المحاضره الثانيه ههههههه المهم قلت خلني اشيل الحووسه بسرعه قبل يأذن الحمدلله انقذنا القــوم حطينا مويه لهم والباقي قلنا نجهزه بعد الصلاه المهم وانا القى جهازي واصور اللقطه والحوسه عند الباب وجالسه اقول في نفسي خلني اصور قبل احد يشوفني ويعطيني محاضره صار فيني بروود مو طبيعي وجبت منشفه ابي امسحه قالت اختي بسرعه غسلي يدك وافطري وانا جالسه اقول لا افطر في المطبخ عند الشغاله قالت بلا هبل مأحد متكلم عليك الحين كلهم منسجمين في الأكل قلت لا المهم غصبتني وجلست جنبها وانا عيوني على ابوي استنى منه كلمه وكان ساكت يشرب مويه وواحد من اخواني رفع ام ام ضغطي اعطاني نضره وقال ماتشوفي انتي انا قلت الحين يبدأ ابوي بمحاضرته هههههه عالطول رد عليه ابوي وقـال مفروض يأخ تفتح لأختك الباب وش عندك فاضي بس منسدح المهم ههههه وهو يسكت اخوي وانا في قلبي ميته ضحك عليه وحمدت ربي ان ابوي ماهاوشني ولاتكلم وانا والله منتضره متى يتكلم علي لكن الله غفور رحيم ههههههه وبعد ماشلنا المواعين اخذت الشوربه ابي اوديها المطبخ وهي بسم الله تطيح مني وماكان عندي احد وقلت بسرعه انضفها قبل احد يجي ونضفتها وجالسه اقول في نفسي ياربي انا وين عقلي صينيه كامله وتكسرت وطاح كل اللي فيها والحين صحن الشوربه طاح مني قسم بالله كرهت حاجه اسمها مواعيــن ههههه بس احلى شي الوالد ماهاوشني اتوقع يقول في نفسه حرام كانت متوتره وهاوشوها البنات جوا خلاص ماله داعي اهاوشها اتوقع هاذي وجهة نضر الوالد ههههههه اهم شي نضفنا الحووسه والله يابنات بيتنا قلب روائح ولا في الأحلام ريحة مهلبيه على سلطه على زبادي على لبن على عصير على كلوركس هههههه من الغباء حطيت كلوركس بدال الديــتول قلت يمكن يقضي على الريحه زاد الطين بله هههههه واخر شي قررنا نشطف الصاله كلها عشان نقضي على الروائح وانجزنا المهمه والله ان ضهري تكسر لان الصاله مشالله كبيييره بس احلى شي حسيــت انــو فــي فيــلم اكــشـن حتى الفطره ماتهــنيت فيــها من القلق اللي صــار ههههههههههههههه
اهلا وسهلا بك 
موضوع: مأدري وين عقلي في هاللحضه 
