انا عايزة رجااالة بس

مراتك حامل
**********
جربت تحسسها ان تعبها ده عمرك ما هتقدر تنساه
جربت تفاجئها بمساعدتك ليها في اي حاجه في البيت
جربت تشاركها تعبها و لو حتى بانك تقرا عن شهور الحمل و ازاي تقف جمبها و تساعدهها و تتحمل تغير مزاجها و مشاعرها علشان تاثير الهرمونات عليها
عارف اصلا ان الحمل بيأثر على الهرمونات و بيتعب الست جدااا و بيكون سبب قوي لتغير مزاجها
جربت في عز اكتئابها من شكلها و هدومها الي مش بتدخل فيها
و رجليها الي وارمة من التعب ده غير الكورة الكفر الي طالعه في بطنها دي تحسسها انها في عنيك احلى واحده في الدنيا و تحضنها و تبطل تقطيم و تريقة عليها

فكرت تبطل كلمة لا انتي اول ولا اخر واحده تحملي غيرك ياما حملو خصوصا ان الراجل لو صباع رجله الصغير ورم شوية بيكون ناقص يجبس رجله ولو جاله برد الدنيا بتتكركب و يقول عيااااااااان و تعبااااان و مش قادر و مش ناقص غير انه يكتب وصيته
و هي في عز حملها و تعبها يمكن تكون مريضة و بيتمنع عنها تاخد دوا علشان البقلظ الصغير الي في بطنها و بتتحمل تعب الحمل و المرض
و يمكن تقوم تطبخلك كمان علشان مش هيهون عليها تيجي جعان و تاكل تونة ولا سندويتشات

جربت تخليها تصحى الصبح تلاقيك مثلا غسلتلها المواعين ولا عملت لفته حلوة و جهزتلها فطار ولو حتى سندويتش و كوباية لبن ابتسامة


نفسية الست في الحمل سهل اووووي تكون في السما و سهل تكون في الارض بكلمة منك
بدل ما تقولها شكلك بقى عامل ازاي ووشك و مناخيرك و بطنك
بوسها على راسها و ادعيلها ربنا يقومهالك بالسلامة و سمعها كلمة تشجيع حلوة
اصل الي هي فيه ده يخصك على فكرة يعني ابتسامة

في يوم بدل ما تقعد على قهوة مع اصحالك ولا تقرا جرنال الاهلي ابتسامةجرب تقعد على النت تدور على متاعب الست في الحمل و خصوصا اول شهور ولو ان اخر شهور متعبة اكتر
اقرا و شوف تسعدها ازاي

متحسسهاش انها مجرد كرتونة عاينين فيها عيل صغير امانه لحد ما ينزل كمان كام شهر
الست ممكن في ولادتها لا قدر الله و بعد الشر تفارق الحياه
ده يديك انطباع قد ايه الموضوع مؤلم و متعب و مش سهل
قدر وضعها كويس و طمنها و لما تقولك خليك جمبي متتريقش و تقولها يعني هولدك مثلا حتى لو لقيتها بتضحك اعرف ان من جواها مرعوبة و خايفة و لانها معتبراك الامان طلبت منك ده
متديهاش ضهرك
مجرد احساسك بيها ده هيغليك في عينها اووووووي
و بنات الاصول مينسوش ده ابدا
و يمكن يجي يوم لا قدر الله يحصل بينكم مشاكل
ذكرى حلوة لحاجه عملتها و شلتها فيها تخلي قلبها يحنلك
اصل الست اولا و اخيرا قلبها بيكون قبل عقلها ولو بقت ام ممكن تنسى عقلها خالص

يا ريت تقدر ده
لانه يتحق انك تقدرة ابتسامة

التقيييييييييييم ابوس ايدكم لله

هههههههههههههاي
يا بنتي انتي اي
مالك
شايفنا رجالة ولا اي
ههههههههههههاي
ارحمينا من مواضيع الرجال شوي
وخليك فينا
هههههههاي

مفيش رجالة هناا ياشوشو
جراللك ايه
هو عمللك ايه ده
انا اوريه ههههه

هههههههههاي
قرنفلتي
شكل زوجها مجنننها
هههههاي

انا مو حااااااااااااااااامل ياشوشو انا بس افتكرت الايام الصعبه الى الرجاله ماابتحسش ابدا بزوجاتها وهى مريضه