انا والشقه عايزه مساعدتكم

انا عايزاكم في استشارة مهمة انا النهارده يا قاتل يا مقتول
يانا يا الشقة دي النهارده وانا كنت مقصرة جدا جدا لكني من قريب شديت حيلي شوية وبقيت كل يوم اروق البيت من فوق الوش على الاقل وجوزي يرجع يلاقي الاكل جاهز وانا والبنات واخدين شاور وملمعة البيت وحاطة معطر والحياة كانت كويسة إلى حد ما
انا من امبارح بفى وانا تعبانة عندي ارهاق فظيع كانت لخبطة نوم جامدة وانا في النوم معرفش ابويا ولا حتى بناتي باضحك
فالشقة بقت فوق بعضها من امبارح والنهارده بقى صاحية مش قادرة احرك دراعي من مكانه مع اني صاحية من بدري والله يدوب صليت وبالعافية فطرت البنات بعد ما صحيوا وما عملتش كده غير لما بدأوا يزنوا يعني مش اول ما صحيوا كمان
انا هاوصفلكم الشقة علشان تعيشوا معايا في المود بس من غير ضرب باضحكي 
الصالة مليانة اكياس (أصلنا عملنا شوبينج امبارح) وفتافيت أكل (فطار النهارده) وجزء من لعب البنات
اوضة نومي فيها غسيل عايز يتطبق ولسه حتى ما وضبتش السرير
المطبخ مليان اطباق وحلل وبواقي أكل و500 كوباية مش مغسولين والأرض عايزة تتمسح بس الحمد لله البوتاجاز نضيف (شفتوا فيه ايجابيات في البيت اهو مش كله سلبيات باضحك) 
اوضة البنات بقية لعبهم مالية الارض ده غير انهم فتحوا الدولاب وجابوا  جزء من هدومهم في الارض وفتحوا الجزامة في الطرقة وجابوا الجزم برضه في الارض
البلكونة فيها غسيل من امبارح ما نشرتوش 
انا محتاجة الشقة دي على بكره تبقى شقة عروسة ازاي معرفش هو كده ابتسامة
قولولي أي حاجة بقى نصيحة شتيمة  تهزيق مش مهم أو فكرة للشغل اعمل ايه الأول وايه الأخر وازاي امنع البنات انهم يهدوا اللي انا باعمله
انا كنت ماشية كويس بس من امبارح وانا عاملة زي ما تكون مكنة وعطلت انا نفسي اعرف ستات البيوت الشاطرين هو انتوا ما بتعطلوش؟ معقول بتنضفوا وتوضبوا 365 يوم في السنة؟
شوية ملحوظات بس على الماشي:- انا معنديش ليفينج ومعرفش احبس البنات في حتة مش عارفة احبسهم ازاي يعني مش معقول هاقفل عليهم اوضتهم انا اللي باعمله اني باقفل ابواب كل الاوض التانية وباسيبهم رايحين جايين بين اوضتهم والصالة
- معنديش مفاتيح لأي حاجة خالص للأسف  وجربت اجيب اقفال الامان اللي هي بتاعة الاطفال دي معرفتش استخدمها خالص لقيتها محتاجة مسامير ومفك وحاجات بتتركب في بعض وموضوع كبير كده مش زي ما كنت فاكرة خالص يا خسارة الفلوس اللي اتدفعت فيها ومليش عين اني اروح اشتري حاجة تانية
- ما تحملوش هم جوزي جوزي مش هيرجع غير على بكره لأنه بايت في الشغل النهارده
انا باضحك من غلبي والله بس انا مش طايقة نفسي ومش طايقة منظر البيت وعندي اكتئاب وحالة نفسية
ها قولولي اعمل ايه بقى 

هههههههههههههاي
والله حالتك مااااااااااساة مرة وحقيقية
انا مثلك كنت كدا لما سافرت
وبعدت عن زوجي وبيتي شهر...
ارجعت لقيت صدددددددددمة
البيت مقلوب راسا علي عقب
المطبخ والغرف والهدوم والملابس في كل حتة
والغبار في كل مكان
انصدددددمت معرفتش افكر واعمل اي...
روووووحت عملت اي براااائك
هههههههاي..؟؟؟
نمتتتت
نوووووومة عميقة ما صحيت الا تاني يوم العصر كانت جاية عليا الدورة
ومفيش لا صلاة ولا شئ..
اخدت اليوم بطوله استوعب الصدمة والامر كله..
وبعدها استغلت ايام الدورة
كل يوم اعمل غرفة وانطفها واخليها زي الفل
واسبوع خلصت تنظيف البيت كله
والحمد الله استريحت وزبطت كل شئ
انتي بس اهدي وبالراحة وهدوء كل شئ يصير
افهمتي عليا يا جميل..؟

هههههههههههههههههههههههههههههاي
ميار يا قلبي
فطستيني ضحك
هههههههههههههههههههههههههههاي

يقطع شركككككككك

ههههههههههههههههههههههههههههههههه ضحكتونى والله اولا انا هروح انام زى ماعملتوم انا بحب النصحيحه بحزافيرها وتانيا اخد اوضه اوضه تالتا نصيحتك ياميار بتاعه الادراج عجبانى هقوم ارتبها زيك لانى فى عندى حاجت مالها لازمه ارمها وشكرا على اهتمامكم

موفقه غاليتي