لما جوزك او حبيبك او خطيبك اى حد يهمك بقى يهملك ومش مهتم بيكى تعملى ايه تعالى اقولك

بسم الله الرحمن الرحيم
ازيكم يا احلى فوتكات طبعا فى منينا كتير بتلاقى الى بتحبه سواء جوزها او خطيبها اتغير عليها ومبقاش مهتم بيها زى الاول وساعات مهتم وساعات لا وتفضل تسال نفسها ايه السبب فيها هيا ولا هو اللى مبقاش بيحبها طبعا اللى بيحب لازم يهتم ويبنلك وتبقى على باله دايما بس ساعات تلاقى ان الطرف التانى ده مبقاش بيعمل كده تبدئى انتى تهتمى اكتر من الاول وعلى طول تفضلى تديله اهتمام لحد ما يتخنق لان هو اصلا مبقاش عاوزه منك تعالو نفكر بالعقل كده نعمل ايه لما نلاقى عدم الاهتمام
1_ ابدئى اسالى هو فيه حاجه اتغيرت يمكن تكونى غلطانه فى حاجه وانتى متعرفيش قالك مفيش وبداء يتحجج تدخلى على المرحله التانيه
2_ اهتمى بيه انتى اوى لقيتى برده مصمم على الاهمال وعدم الاهتمام ندخل على المرحله التانيه
3_اللى هيا ابدئى اتقلى عليه ومتهتميش زيه ولو قالك انتى متغيره ليه اتحججى زيه بالظبط بنفس حججه ولازم التقل ده يجى بعد الاهتمام الزياده اللى ادتهلوه فى الاول علشان يحس بالفرق
4_ رابع حاجه بقى لو اللى فات ده مجبش نتيجه برده ولقتي انتى نفضتى وهو برده مصمم على اهماله ليكى ومفيش فايده برده مش مهتم هنا بس اعرفى انه خلاص من الاخر كده مبقاش ليكى مكان ووجودك تقل عليه طبعا لو انتى متجوزاه ومش هينفع تبعدى طبعا عنه حاولى تجددى الحب تانى بينك وبينه من تانى اعمليله مفجاءه اى حاجه حلوه مش متوقعها ولو خطيبك ولسه على البر متشحتيش منه الاهتمام انما حاولى تجددى الحب منه انتى كمان واياكى تطلبى منه يهتم علشان لو اهتم هيبقى بناء على طلبك انتى مش بيعمل كده بمزاجه
لو بعد كل ده ومفيش فايده يعنى اهتمتى تقلتى نفضتى جددتى وعملتى كل حاجه يبقى هنا مفيش فايده على رائى سعد زغلول واتاكدتى انه مبقاش يحبك خلاص حزينةقدامك حل من الاتنين انك تسيبه يروح لحاله
او تكملى وانتى عارفه انه مبيحبكيش